ខេត្តបន្ទាយមានជ័យ ៖ នៅល្ងាចថ្ងៃទី៣១ ខែធ្នូ ឆ្នាំ២០១៦នេះជាថ្ងៃឆ្លងឆ្នាំសកលឯកឧត្តម សួន បវរ អភិបាលខេត្តបន្ទាយមានជ័យ និងជាប្រធានកិត្តិយសសាខាកាកបាទក្រហមកម្ពុជា ខេត្តបន្ទាមានជ័យ និងលោកជំទាវ សុង ផល្លីន ឯកឧត្តម លី សារី អភិបាលរងខេត្តបន្ទាយមានជ័យ និងជាប្រធានសាខាកាកបាទក្រហមខេត្តបន្ទាយមានជ័យ និងលោកជំទាវ សាយ ស្រីណុច ឯកឧត្តម ឈុំ វណ្ណារិទ្ធអនុប្រធានសាខាកាកបាទក្រហមកម្ពុជាខេត្តនិង លោក ជំទាវ ឆាន់ ច័ន្ទ សោភា អនុប្រធានសាខាកាកបាទក្រហមកម្ពុជាខេត្ត និងមន្ត្រីអមដំណើរជាច្រើននាក់ទៀត បាននាំយកអំណោយរបស់សាខាកាកបាទក្រហមកម្ពុជាខេត្តបន្ទាយមានជ័យ ទៅចែកជូនកម្មករ ដែលកំពង់ធ្វើការសាងសង់អាគារសិក្សា ដែលជាអំណោយរបស់សម្តេ ចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាចំនួន ២ វិទ្យាល័យ១វិទ្យាល័យ សម្តេចឪ ស្ថិតក្នុងភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ២វិទ្យាល័យហ៊ុនសែនខ្លាថ្មី ស្ថិតក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដែលមានកម្មករធ្វើការនៅទីនោះទាំងប្រុសស្រី រួមមានជាង១០០នាក់ ក្នុង១នាក់ទទួលបានឋវិកា២០.០០០រៀលនិងសារុង១ ។
គួរបញ្ជាក់ផងដែរថា សម្តេចតេជោ ហ៊ុន សែន បានចុះមកខេត្តបន្ទាយមានជ័យផ្តល់អំណោយជាសាលារៀនជាច្រើនខ្នងនិងរាប់រយបន្ទប់ដល់ខេត្តបន្ទាយមានជ័យដើម្បីធ្វើការសម្រូលដល់ការសិក្សាដល់សិក្សានុសិស្សក្នុងខេត្តបន្ទាយមានជ័យឲ្យបានស្រួលទៅថ្ងៃមុខ ។ រហូតមកដល់សព្វថ្ងៃនេះ នៅតាមសាលាវិទ្យាល័យនិមួយៗជាងចាប់ផ្តើមបុកគ្រិះបានប្រហែល២០ភាគរយហើយ។ក្នុងការចុះចែកអំណោយឲ្យដល់កម្មកសំណង់នៅតាមវិទ្យាល័យនិមួយៗនោះ ឯកឧត្តម សួន បវរ បានមានប្រសាសន៍ថា ក្នុងនាមលោកជាអភិបាលខេត្ត និងជាប្រធានកិត្តិយលសាខាកាកបាទក្រហមកម្ពុជា ខេត្ត លោកចុះមកសួសុខទុក និងយកអំណោយមួយចំនួនដល់កម្មករនាពេលនេះ ក៏ដើម្បីធ្វើការត្រួតពិនិត្យការបុកគ្រិះ ក្នុងការសាងសង់សាលានៅគ្រប់វិទ្យាល័យទាំងអស់ក្នុងខេត្តបន្ទាយមានជ័យផងដែរ ដើម្បីជំរុញឲ្យក្រុមជាងធ្វើឲ្យមានគុណភាពល្អ និងស្អាតទៅតាមស្តង់ដា ដែលរដ្ឋាភិបាលបានកំណត់ ហើយលោកបានជំរុញជាងឲ្យយកចិត្តទុកដាក់ធ្វើឲ្យឆាប់រួចក្នុងរយៈពេលដ៏ខ្លីខាងមុខនេះផងដែរ ។
ឯកឧត្តម សួន បវរ បានបញ្ជាក់ទៀតថា ក្រោយពីសាងសង់រួចរាល់ហើយនោះ ទាំងលោកគ្រូអ្នកគ្រូ និងសិស្សានុសិស្សទាំងអស់ ត្រូវយកចិត្តទុកដាក់ក្នុងការថែទាំសាលាដ៏ថ្មីនេះឲ្យបានល្អឲ្យបានគង់វង់ និងយូរអង្វែងដើម្បីទុកឲ្យក្មេងៗជំនាន់ក្រោយបានចូលសិក្សាបន្តទៅថ្ងៃអនាគត់ទៀតផង៕
