ខេត្តមណ្ឌលគីរី ៖ សេចក្តីរាយការណ៍បានអោយដឹងថា អំពើពុករលួយនៅមន្ទីរសាធារណការខេត្តមណ្ឌលគីរី ក្នុងរយៈពេលជាច្រើនឆ្នាំ្មមកនេះ បានកើតមានឡើងយ៉ាងធ្ងន់ធ្ងរ នឹងមានលក្ខណៈជាប្រពន្ធ ក្រោមការចាត់ចែងរបស់លោក ប្រធានមន្ទីរ ម៉ៅ ធនារក្ស នឹងអនុប្រធានមន្ទីរ ឈ្មោះ សន ថា រួមនឹងបក្ខពួកមួយចំនួនតូចបំផ្លាញថវិការជាតិ ដោយមិនមានអ្នកណាហ៊ានប៉ះពាល់ ។
សេចក្តីរាយការណ៍បានអោយដឹងបន្តថា នៅក្នុងមន្ទីរមួយនេះក្នុង១ឆ្នាំៗ បានបាត់ លុយដោយ សារអំពើពុករលួយ រាប់រយលានរៀល តាមរយៈការចំណាយមិនប្រក្រតីលើ ការ ថែទាំផ្លូវនៅក្នុងខេត្ត ការជួសជុលអគារ ការចំណាយលើប្រេង សម្ភារៈរដ្ឋ បាល។ ហើយការចំណាយទាំងអស់ ធ្វើឡើង ដោយ ឃុបឃិតគ្នារវាង លោកប្រធានមន្ទីរ ម៉ៅ ធនារក្ស នឹងលោកប្រធានការិយាល័យគណនេយ្យ ឈ្មោះ ពេញ សាវុធ ព្រមទាំងមានការចូលរួមពីលោក សន ថា ដែលជាអនុប្រធានមន្ទីរទទួលបន្ទុកផ្នែកសាធារណការ និងភាគច្រើនចូលមន្ទីរតែថ្ងៃ ដែលក្រសួងចុះពិនិត្យ ក្រៅពីនោះគាត់រស់នៅភ្នំពេញ ក្រោមលេសបេសកកម្ម រត់ការអោយមន្ទីរ ។ សម្រាប់មន្ត្រីជាង៣០នាក់នៅក្នុងមន្ទីរ គឺមន្ត្រីភាគច្រើនមិនពេញចិត្តទៅនឹងការដឹកនាំរបស់លោក ម៉ៅ ធនរក្ស ប៉ុន្តែពួកគាត់ក៏មិនតវ៉ា នឹងប្រធានមន្ទីររូបនេះដែរ ដោយសារលោកប្រធាន គាត់មានខ្នងបង្អែកធំនៅភ្នំពេញ ហើយ ដោយសាអំពើពុករលួយមួយនេះ រដ្ឋបាតបង់ថវិការាប់រយ លាន តែលោកប្រធានមន្ទីរ ម៉ៅ ធនរក្ស មានលុយសង់វិឡាធំនៅ សង្កាត់ជ្រោយចង្វា រាជធានីភ្នំពេញ ។
ទោះបីពួកគេមិនពេញចិត្ត នឹងប្រធានមន្ទីរ យ៉ាងណាក៏ពួកគេ ត្រូវតែធ្វើអ្វីតាមដែលប្រធានមន្ទីរបញ្ជាមិនហ៊ានអោយគាត់ទាស់ចិត្តទេ បើលោតែលោកប្រធានទាស់ ចិត្តច្បាស់ជាមានរឿងធំមិនខាន ។ចំពោះក្រុមអធិការកិច្ច នឹងក្រុមសវនកម្ម របស់ ក្រសួងសាធារណការ មើលទៅត្រូវនឹង លោកប្រធានមន្ទីរ បៀបបានជាបងប្អូនគ្នាអញ្ចឹង ចំពោះការទំនាក់ទំនង់ របស់លោកប្រធាន ម៉ៅ ធនារក្ស នឹងថ្នាក់ដឺកនាំក្រសួង ក្នុងរត់ការសុំគំរោងតែងទទួលបានផ្លែថ្កា ហើយគំរោងនិមួយៗ លោកប្រធានមន្ទីរបានយកមកចែកគ្នាស៊ីយ៉ាងឆ្ងាញ់បំផុត។
បុគ្គលិកមន្ត្រីរាជការនៅមន្ទីរសាធារណការខេត្តមណ្ឌលគីរី ចង់ឃើញឯកឧត្តម ស៊ុន ចាន់ថុល ទេសរដ្ឋមន្ត្រី នៃក្រសួងសាធារណការ និងដឹកជញ្ជូនពិនិត្យមើល អំពើពុករលួយខាងលើនេះផង កុំអោយអាងតែខ្លួនជាបុគ្គលស៊ីប្រាក់ខែរដ្ឋ និងអាងអំណាចជាមេមានបក្សពួក នៅក្រសួង ពុករលួយតាមតែអំពើចិត្ត ដោយមិនខ្វល់កែទម្រង់ស៊ីជម្រៅរបស់រាជរដ្ឋភិបាល៕
