ខេត្តក្រចេះ ៖ នៅព្រឹកថ្ងៃទី ២៩ ធ្នូ ២០១៦ នេះ មានសេចក្ដីរាយការពីប្រជាពលរដ្ឋរស់នៅតាមផ្លូវជាតិលេខ 7A ត្អូញត្អែថា ពិបាកនឹងភ័យខ្លាចក្នុងការធ្វើដំណើរ ដោយសារតែភាពរញេរញៃពីក្រុមឡានដឹកឈើវែងច្រងេងច្រងាង បើកប្រដេញគ្នាពាសពេញផ្លូវដោយសារតែសមត្ថកិច្ចជាអ្នកបើកដៃ ឲ្យបទល្មើសទាំងនោះ មិនខ្ចីបង្ក្រាបចាំតែហុចដៃយកលុយនឹងទទួលទូរស័ព្វពួកឈ្មួញរតកាតែប៉ុណ្ណោះ ។
ប្រជាពលរដ្ឋបានលើកឡើងទៀតថា ក្រុមឡានទាំងនេះ បានដឹកចេញពីចំណុចស្រែស្បូវ ក្នុងមួយថ្ងៃមិនក្រោម
ពី40ទៅ50ឡាននោះទេ ពេលក្រុមឡាននេះ បានឆ្លងកាតក្រុងក្រចេះតាមផ្លូវជាតិលេខ7A ឆ្ពោះទៅខេត្តត្បូងឃ្មុំនឹងខេត្តព្រៃវែង គឺដឹកទាំងថ្ងៃទាំងយប់ ។
ប្រភពបន្តទៀតថា មូលហេតុដែលក្រុមឈ្មួញទាំងនេះហ៊ានដឹកយ៉ាង គគ្រឹកគគ្រេងដូច្នេះទី1 ក្រុមឈ្មួញនោះមានខ្នងបង្អែកដ៍រឹងមាំបំផុត ជាអ្នកកាងឲ្យពួកគេនោះ គឺហាងបាយមួយកន្លែងដែលមានស្លាក់យីហោពថាអូននាង។
នឹងទី2 ពីពួកគេបានរាបចំសំណែនដង្វាយជាច្រើនមុខ តាមតំរូវការ ឲ្យ ក្នុងនោះមានអ្នកតាម្ចាស់ទឹកម្ចាស់ដី ខ្មោចតៃហោងព្រាយបីសាច អាសូរកាយទាំងឡាយតាមដងផ្លូវនឹងក្នុងខេត្តក្រុងតម្រូវរួចអស់ហើយតូចស៊ីតូច
ធំស៊ីធំ ។ ហើយពួកបីសាចដ៍កាចសាហាវទាំងនោះផងដែរ ចេះការពារម្ចាស់សំណែនរបស់ពួកវាណាស់ធ្វើដូចមនុស្សដែរ បើឃើញអ្នកកាសែតទៅជិតបទល្មើសទាំងនោះ គឺគេចាប់ផ្ដើមបន្លាច ឬក៏លងដូចខ្មោចពិតណាស់ ។
សំណូមពពីប្រជាពលរដ្ឋទាំងនោះបានសុំអំពាវនាវដល់បងៗ ដែលជាសមត្ថកិច្ចជំនាញដែលមានឆន្ទៈស្នេហជាតិ ពិតប្រាកដមេត្តាជួយទប់ស្កាត់នឹងបង្ក្រាបបទល្មើស ដែលមានភាពអនាធិប្បតេយ្យទាំងនេះផង ។
និងសូមអំពាវនាវដល់ប្រជាពលរដ្ឋទូទាំងប្រទេសថា ជួយរកគ្រួឬអាចារ្យណាដែលមានមន្តអាគមន៍ខ្លាំងពូកែមកជួយបង្ក្រាបខ្មោច ព្រាយបីសាចតាមដងផ្លូវជាតិលេខ 7A នៅក្នុងខេត្តក្រចេះនេះផង ពីព្រោះគ្រូនៅទីនេះត្រូវបានខ្មោច ព្រាយបីសាចទាំងនោះ ស្គាល់អស់ហើយ ខ្មោចតែងតែនិយាយថា មិនខ្ចីខ្លាចទេលោកគ្រូនៅក្នុងខេត្តក្រចេះនេះ៕
