ខេត្តរតនគីរី ៖ ជនជាតិវៀតណាម ២ នាក់ជាមេឈ្មួញឈើ ដែលមានកម្មករប្រមាណជាង១០០នាក់ ចូលកាប់យកឈើនៅដែនជម្រកសត្វព្រៃលំផាត់ ត្រូវប្រជាពលរដ្ឋស្រុកលំផាត់ចោទ ទីស្នាក់ការដែនជម្រកសត្វព្រៃលំផាត់ចង អង្រឹងអង្គុយចាំយាមផ្លូវ អោយជនជាតិវៀតណាមកាប់ឈើនិងដឹកជញ្ជូនឈើចេញពីព្រៃយ៉ាងគរគ្រឹកគរគ្រេងគ្មានការបង្ក្រាបពីអាជ្ញាធរ ឫក៏សមត្ថកិច្ចជំនាញណាមួយឡើយ។
សេចក្តីរាយការណ៍ពីក្រុមប្រជាពលរដ្ឋរស់នៅស្រុកលំផាត់បានបញ្ជាក់អោយដឹងថា ទីស្នាក់ការដែនជម្រកសត្វព្រៃលំផាត់ បើកដៃអោយក្រុមឈ្មួញខ្មែរនិង វៀតណាមចូលកាប់យកឈើដឹកចេញពីក្នុងដែនជម្រកយ៉ាងគរគ្រឹកគគ្រេងដោយ មាន ការបើកដៃពីក្រុមមន្ត្រីបរិស្ថានស្រុកលំផាត ទីតាំងដែលជនជាតិ វៀត ណាម កំពុងធ្វើសកម្មភាពកាប់ រំលំយកឈើខាងលើ នោះស្ថិតនៅចំណុចភូមិកែងសាន់សមុទ្រលើនិងសមុទ្រក្រោមឃុំសេដា ឃុំជ័យឧត្តម ស្រុកលំផាត់ខេត្តរតនគីរី។
មេឈ្មួញឈើដែលជាជនជាតិ វៀត ណាម ខាងលើនោះត្រូវគេស្គាល់ឈ្មោះ ឡែប និងទុង គឺជាមេឈ្មួញលំដាប់ដែល ចំណាយលុយយ៉ាងច្រើនសន្ធឹកសន្ធាប់ជួលកម្មករខ្មែរនិងវៀតណាម ចូលកាប់យកឈើដែលមានប្រភេទឈើដូច ជា៖សុក្រំ ត្រាច ស្រឡៅ នាងនួនកកោះ ជ្រិៈ និងប្រភេទឈើល្អៗជាច្រើនមុខទៀត ដែមានមុខកាត់ចាប់ពី៣០ឡើង។
អ្នកស្រុកលំផាត់រាយការណ៍ថា ឈ្មួញវៀតណាមទាំង ២នាក់ដែលមានកម្មករជនជាតិវៀតណាមជាច្រើននាក់ដែលកំពុងធ្វើសកម្មភាពកាប់យកឈើដឹកជញ្ជូនឈើចេញពីព្រៃដែនជម្រកអភិរក្សខាងលើ ដឹកជញ្ជូនចេញយ៉ាងអណាធិបតេយ្យពីព្រៃដែនជំរក្សបរិស្ថានខាងលើ ត្រូវអ្នកស្រុកលំផាត់ខឹងសម្បាការកាប់រានយកឈើដឹកចេញខាងលើនោះយ៉ាងខ្លាំងអ្នកស្រុកបន្តថា ទី១-មិនមានជម្រកសត្វផ្សេងៗរស់នៅ ទី២-ធ្វើអោយធាតុអាកាសមានការប្រែព្រួលនិងមានភាពមិនប្រក្រតី។
ប្រភពព័ត៌មាន ពីក្រុមប្រជាពលរដ្ឋរស់នៅស្រុកលំផាត់បន្តថា ក្រុមបរិស្ថានដែលលើកស្លាកយីហោទីស្នាក់ការដែនជម្រកសត្វព្រៃលំផាត់ខាងលើ គ្រាន់តែជាស្នាក់ការចាំយាមមើលផ្លូវអោយឈ្មួញដឹកជញ្ជូនឈើចេញពីព្រៃតែប៉ុណ្ណោះ។
មន្ទីបរិស្ថានខេត្តរតគីរី មិនអាចសុំការបំភ្លីបាននោះទេ ជុំវិញករណីជនជាតិវៀតណាមចូលកាប់យកឈើក្នុងព្រៃដែនជម្រកបរិស្ថានខាងលើនេះដោយគ្មានលេខទូរស័ព្ទទំនាក់ទំនង។
ចំណែកលោក កែប កត់ នាយខណ្ឌរដ្ឋបាលព្រៃឈើខេត្តរតនគីរី និងលោកហុង វណ្ណរាន នាយផ្នែករដ្ឋបាលព្រៃលំផាត់ ភ្នាក់ងាព័ត៌យើងសុំការបំភ្លីជំវិញករណីជនជាតិវៀតដែលជាឈ្មួញឈើចូលកាប់ឈើក្នុងដែនជម្រកសត្វព្រៃលំផាត់និងមានកម្មករវៀតណាមជាច្រើននាក់ដឹកជញ្ជូនឈើតាមគោយន្តកន្ត្រៃនិងមានគ្រឿងចក្រឈួសឆាយផ្លូវដើម្បីអោយគោយន្តឆ្នៃដឹកជញ្ជូនឈើចេញពីព្រៃអភិរក្សខាងលើ តែលោកប្រាប់ថាជាប់ប្រជុំរួចក៍បិទទូរស័ព្ទតែម្តង៕
សន ចាន់ឌី
