ភ្នំពេញ ៖ លោកឧត្តមសេនីយ៍ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃបានបដិសេធចំពោះការចោទប្រកាន់របស់ប្លុកមួយឈ្មោះជាតិខ្មែរនិងគេហទំពរ័ជយយខ្មែរដែលចោទថាលោកប្រអំណាចលោកនាយឧត្តមសេនីយ៍នេត សាវឿន អគ្គស្នងការនគបាលជាតិនិងដិកា ដែលព្រះរាជអាជ្ញារង តុលាការរាជធានីភ្នំពេញម្នាក់ស៊ីញ៉េទុក ឱ្យលោកឧត្តមសេនីយ៍ ដាក់ក្នុងកាបូបសម្រាប់គំរាមអាជីវករ ស្លូតត្រង់និងរកស៊ីតូចតាច ។លោកឧត្តមសេនីយ៍ឡុងស្រេងបានបញ្ចាក់ប្រាប់កាសែតឲ្យបានដឹងថា៖ ការចោទប្រកាន់របស់សារព័ត៌មាន ទាំងពីរពុំមានការពិតទេលោកសុំបដិសេធទាំងស្រុង ត្រង់ពាក្យថាលោកយកតួនាទីរបស់ឯកឧត្តម នាយឧត្តមសេនីយ៍ នេតសាវឿន អគ្គនគរបាលជាតិមកប្រើប្រាស់នោះ ។ សូមអោយបញ្ជាក់ថា៖នៅកន្លែងណាពេលណា មានអ្វីខ្លះដែលជាអំណះអំណាង ជាទឡ្ហីករណ៍ ។ លោកថាលោកមិនបានប្រព្រឹត្តដូចការចោទប្រកាន់នោះទេ លោកតែងតែបំពេញភារកិច្ចតាមតួនាទីយ៉ាងខ្ជាប់ខ្ជួន ហើយបញ្ហារ ចោទថា មានព្រះរាជអាជ្ញារងម្នាក់នៅតុលាការរាជធានីភ្នំពេញបានស៊ីញ៉េដិការរាប់រយសន្លឹកឱ្យគាត់សម្រាប់គម្រាម គាបសង្កត់ អាជីករ អ្នករកស៊ីនោះក៍ជារឿងមិនពិតដែរ ។
តើព្រះរាជអាជ្ញារងម្នាក់នោះឈ្មោះអី?លោកឡុងស្រេងបញ្ជាក់ថា៖បញ្ហាការងារគឺព្រះរាជអាជ្ញាជានាយនគរបាលយុត្តិធម៌ ចឹងរាល់បេសកកម្ម របស់នគរបាលគឺព្រះរាជអាជ្ញា ជាអ្នកសម្របសម្រួល និងដឹកនាំអនុវត្តន លោកមិនដែលល្មើសទេ ។
បញ្ហាមួយទៀតគឺចោទថាលោកកំពុងសាងសង់ខុនដូ សែសិបជាន់ និងកំពុងបើកអាជីវកម្មផ្លូវភេទ នៅអតីតរោងកុនគីរីរម្យ លោកបញ្ជាក់ថាលោកគ្មានទេ គឺមានតែផ្ទះដែលរស់នៅសព្វថ្ងៃនេះតែប៉ុណ្ណោះ ។ សូមអោយកាសែត មានការស៊ើបអង្កេតចុះ បើមានមែនដូចការចោទប្រកាន់លោកសុខចិត្តដើរចូលគុក បើលោកប្រព្រឹត្តអំពើពុករលួយថោកទាបដូចការចោទប្រកាន់ របស់អ្នកកាសែតទាំងពីរ។ករណីចោទប្រកាន់នេះលោកឡុងស្រេងនិយាយថា៖លោកមានការសោកស្តាយណាស់នូវអ្វីដែលកាសែតផ្សាយព័ត៌មានមិនពិតបង្ខូចកិត្តិយសរបស់លោក ដែលខំធ្វើអំពើល្អជារៀងរហូតមក ដូចជាការចុះទៅជួយប្រជាពលរដ្ឋនៅក្នុងឃុំត្នោតស្រុកកញ្ច្រៀចខេត្តព្រៃវែងជាដើម ។បញ្ហារនេះសូមលោកចាងហ្វាងការផ្សាយនៃកាសែត ជាតិខ្មែរ និងកាសែតជួយខ្មែរ មេត្តាពិនិត្យអត្ថបទនេះឡើងវិញ ហើយសសេរកែតម្រូវតាមការគួរជៀសវាងការនិយាយបំផ្លើសខុសការពិត។ទោះជាយ៉ាងណាលោកឡុងស្រេងមិនបានបញ្ជាក់ទេថាលោកនឹងមានវិធានការបែបណាចំពោះកាសែតដែលមិនព្រមបកស្រាយជូនលោកវិញនោះឡើយ។
ការផ្សាយរបស់កាសែតជាតិខ្មែរ និងកាសែតជួយខ្មែរកាលពីថ្ងៃទី១៧ខែធ្នូឆ្នាំ២០១៦ ក្រោមចំណងជើងថាលោកឧត្តមសេនីយ៍ត្រី ឡុងស្រេង យកអំណាចលោកនាយឧត្តមសេនីយ៍នេត សាវឿន អគ្គស្នងការនគបាលជាតិ មកប្រើប្រាស់ ដើម្បីគំរាម ចាប់អាជីកររកស៊ីតូចតាច និងមានដីកាជាច្រើនសន្លឹក ដែលព្រះរាជអាជ្ញារង តុលាការរាជធានីភ្នំពេញម្នាក់បានស៊ីញ៉េទុកមុន ឱ្យលោកឧត្តមសេនីយ៍ ដាក់ក្នុងកាបូបសម្រាប់គំរាមអាជីវករ ស្លូតត្រង់និងរកស៊ីតូចតាច ហើយកាសែតបានបន្ថែមថាលោកបានទិញនិងកំពុងសាងសង់ខុនដូ កំពស់៤០ជាន់ហើយកំពុងបើកក្លឹបគិរីរម្យ (ដែលជាអតីតរោងកុនគិរីរម្យចាស់) ជាកន្លែងរកស៊ីផ្លូវភេទ៕
