ខេត្តបាត់ដំបង ៖ ស្ត្រីជាជនជាតិថៃម្នាក់ត្រូវបានគេប្រទះឃើញដេកស្លាប់នៅក្នុងបន្ទប់សណ្ឋាគារកាស៊ីណូ (ហ្វ្រាណាស៊ី) និងមានកន្សែងរឹតកសព ជាដំបូង ថៅកែសណ្ឋាគារកាស៊ីណូព្យាយាមលាក់បាំង កាលពីវេលាម៉ោង១៣-០០នាទី ថ្ងៃទី២០ ខែធ្នូ ឆ្នាំ២០១៦ នៅក្នុងបន្ទប់សណ្ឋាគារកាស៊ីណូ(ហ្វ្រាណាស៊ី)ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង។
លោកគឹម ពន្លក អធិការស្រុក កំរៀងបានប្រាប់សារពត៌មានយើងតាមរយៈទូរស័ព្ទនៅរសៀលថ្ងៃទី២១ ខែធ្នូ ឆ្នាំ២០១៦ថា ពាក់ព័ន្ធទៅនិងរឿងឃាតកម្មខាងលើនេះ សមត្ថកិច្ចរបស់លោកកំណត់មុខសញ្ញាបានហើយកំពុងធ្វើការស្រាវជ្រាវ ដោយសុំការសហការជាមួយភាគគីថៃហើយចំពោះជនសង្ស័យជាមុខសញ្ញាសមត្ថកិច្ចជំនាញកំពុងធ្វើការត្រួតពិនិត្យនិងស៊ើបអង្កេតបន្ត។
ប្រភពប្រាប់អោយដឹងថា៖ជនរងគ្រោះឈ្មោះមនី ឆៃបុត្រ ភេទស្រីអាយុ៤៤ឆ្នាំជាជនជាតិថៃរស់នៅ ភូមិអងងិន ស្រុកសៃម៉ៃ ក្រុងថេបមហានគរ ប្រទេសថៃត្រូវបានជនសង្ស័យមិនស្គាល់អត្តសញ្ញាណ បានប្រើប្រាស់កន្សែងរឹតកបណ្តាលអោយស្លាប់នៅក្នុងបន្ទប់។
ឆ្លងតាមការត្រួតពិនិត្យជាក់ស្តែងដោយសពជនរងគ្រោះមានកន្សែងជាប់និងកផងនោះសមត្ថកិច្ចបានដាក់ការសន្និដ្ឋាថា ៖ ជនរងគ្រោះ ពិតជាត្រូវបាន ឃាតករជាជនជាតិថៃដូច គ្នាភេទស្រីដែលស្នាក់នៅបន្ទប់ជាមួយគ្នាបានធ្វើសកម្មភាព យកកន្សែងមករឹតក បណ្តាលអោយស្លាប់រួចគេចខ្លួនបាត់តែម្តង ៕
