ខេត្តប៉ៃលិន ៖ រហូតមកដល់ពេលនេះ ស្នងការនគរបាលខេត្តប៉ៃលិន បានកសាងគុ ណសម្បត្តិ និង សមិទ្ធិផលនានាជាច្រើន និង ការបង្ក្រាបចាប់បានករណីចោរប្លន់កាលពីពេ លថ្មីៗ កន្លងមក ។ ប៉ុន្តែទន្ទឹមនឹងនោះ ក៏មានបញ្ហាប្រឈមនៅមានការខ្វះចន្លោះផងដែរ ដូចជា ទី១. បញ្ហាប្រជាការពារភូមិ ត្រូវរៀបចំឡើងវិញ ដោយធ្វើយ៉ាងណាឱ្យមានប្រសិទ្ធិភាពថែមទៀត ទី២. បញ្ហាជម្ងឺរ៉ាំរ៉ៃ គឺករណីគ្រឿងញៀន ដោយកន្លងមកគ្រាន់តែបានទប់ ទល់ប៉ុណ្ណោះ មិនបានបង្ក្រាបឱ្យអស់សមត្ថភាពនោះឡើយ ទី៣. បញ្ហាកិច្ចការទូទៅសេវាសាធារណៈ សៀវភៅអត្រានុកូលដ្ឋាន សៀវភៅស្នាក់នៅ និងសៀវភៅគ្រួសារ អត្តសញ្ញា ណប័ណ្ណ ត្រូវតែដោះស្រាយជូនប្រជាពលរដ្ឋ ឱ្យបានទាន់ពេលវេលា ទី៤. បញ្ហាបង្គោលព្រំដែន ត្រូវឱ្យសមត្ថកិច្ចនគរបាលវរព្រំដែន យកចិត្តទុកដាក់ការពារទឹកដីរបស់ខ្លួនឱ្យបានល្អ ត្រូវស្គាល់ទីតាំងឱ្យបានច្បាស់លាស់ ។ នេះជាការលើកឡើងរបស់ឯកឧត្តម អៀង វុធ អភិ បាលរងខេត្តប៉ៃលិន កាលពីរសៀលថ្ងៃទី១៩ ខែធ្នូ ឆ្នាំ២០១៦ នៅក្នុងសាលប្រជុំស្នងការនគរបាលខេត្ត ក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិជូន មន្ត្រីនគរបាលខេត្តប៉ៃលិន ក្រោមអធិបតីភាព ឯកឧត្តម ឧត្តមសេនីយ៍ឯក ប៉ែន វិបុល ប្រធា ននាយកដ្ឋានបុគ្គលិក ។
ឯកឧត្តមបន្តទៀតថា ទាក់ទងនឹងបញ្ហាបង្គោលព្រំដែន ត្រូវឱ្យដឹងច្បាស់លាស់ទាំងអស់គ្នា ជាពិសេសបង្គោលសីម៉ាលេខ៦៦, ៦៧,៦៨,ជាប់នឹងព្រំដែនថៃ ដោយត្រូវស្គាល់ប្រាកដថា ខាងណាជាដីរបស់គេ ហើយខាងណាជាដីរបស់យើង ។ ម្យ៉ាងវិញទៀត បញ្ហាគ្រឿងញៀន មិនត្រូវឆ្លើយយករួចខ្លួននោះឡើយ ត្រូវតែធ្វើការបង្ក្រាបដោយទទួលខុសត្រូវ ។ លើសពីនេះ សូមឱ្យកែលម្អនូវចំណុចខ្វះខាតការប្រកាន់បក្ខពួក ការអាងខ្នង អាងខ្សែ និ ងត្រូវបន្តសាមគ្គីគ្នា ឱ្យមានការគោរព និងមានទំនុកចិត្តពីប្រជាពលរដ្ឋ ដើម្បីឱ្យមានសមធម៌ សមភាព នៅក្នុងសង្គមជាតិរបស់យើង ។
បើតាម ឯកឧត្តម ឧត្តមសេនីយ៍ឯក ប៉ែន វិបុល ប្រធាននាយកដ្ឋានបុគ្គលិក បានឱ្យដឹងថា លោកពិតជាមានការរំភើបរីករាយយ៉ាងខ្លាំង ដោយឃើញ មន្ត្រីនគរបាលជាច្រើននាក់ មានការឡើងតំណែង និងទទួលបានឋានន្តរសក្តិ ដោយសារតែការយកចិត្តទុកដាក់បំ ពេញការងាររបស់ខ្លួនបានល្អ ហើយលោកក៏យល់ស្របនឹងប្រសាសន៍របស់ឯកឧត្តម អៀង វុធ អភិបាលរងខេត្ត បានលើកឡើងអំពីបញ្ហាប្រឈមមួយចំនួន ដែលបានកើតមានឡើង នៅក្នុងខេត្តប៉ៃលិន ។
ចំណែក លោកឧត្តមសេនីយត្រី ជា ចាន់ឌិន ស្នងការនគរបាលខេត្តប៉ៃលិន បានអា នរបាយការណ៍ឱ្យដឹងថា ការប្រកាសផ្ទេរភារកិច្ច តែងតាំងមុខតំណែង និង បំពាក់ឋានន្តរសក្កិមន្ត្រីនគរបាលជាតិ នេះរួមមាន ដូចខាងក្រោម ទី១. ផ្ទេរភារកិច្ច និងតែងតាំងមុខតំណែងមានចំនួ ៦០នាក់ ថ្នាក់ស្នងការរងចំនួន០១នាក់ ថ្នាក់នាយការិយាល័យចំនួន ០២នាក់ ថ្នាក់នាយរងការិយាល័យចំនួន០៤នាក់ ថ្នាក់អធិការរងចំនួន០១នាក់ ថ្នាក់មេបញ្ជាការរងវរៈព្រំ ដែន ចំនួន០១នាក់ ថ្នាក់នាយផ្នែកចំនួន២២នាក់ ថ្នាក់នាយប៉ុស្តិ៍រដ្ឋបាលចំនួន០៣នាក់ ថ្នាក់នាយរងផ្នែកចំនួន២១នាក់ ថ្នាក់នាយរងបុស្តិ៍រដ្ឋបាលចំនួន០៥នាក់ ទី២.បំពាក់ឋានន្តរសក្តិចំនួន១៣៩នាក់ ថ្នាក់ឧត្តមសេនីយ៍ត្រី ចំនួន០៣នាក់ ថ្នាក់វរសេនីយ៍ឯក ចំនួន០៤នាក់ ថ្នាក់វរសេនីយ៍ទោ ចំនួន០៧នាក់ ថ្នាក់វរសេនីយ៍ត្រី ចំនួន០៥នាក់ ថ្នាក់អនុសេនីយ៍ឯក ចំនួន០៤នាក់ ថ្នាក់អនុសេនីយ៍ទោ ចំនួន២១នាក់ ថ្នាក់អនុសេនីយ៍ត្រី ចំនួន៣៦នាក់ ថ្នាក់ព្រិន្ទបាលឯក ចំនួន១៧នាក់ ថ្នាក់ព្រិន្ទបាលទោ ចំនួន ៣៣នាក់ ថ្នាក់ពលបាលឯក ចំនួន ០៩នាក់ ៕ ដោយ ៖ នីយ៉ា
