ខេត្តបន្ទាយមានជ័យ ៖ គ្លីនិកសែនសុខសាន្តម្ចាស់ឈ្មោះ ឈុំ ប៊ុនឆេងព្យាបាលអ្នកជម្ងឺត្រូវពស់វែកក្របីចឹកដោយពន្យាលពេលមិនបញ្ជូនទៅមន្ទីរពេទ្យេដ្ឋទុកបណ្តាលឲ្យអ្នកជម្ងឺស្លាប់នៅគ្លីនិកកាលពីវេលាម៉ោងជាង២រសៀល ថ្ងៃទី១៧ ខែធ្នូ ឆ្នាំ២០១៦គ្លីនិក មានទីតាំងជាប់ដងផ្លូវជាតិលេខ៥ ស្ថិតក្នុងភូមិគីឡូម៉ែតលេខ៤សង្កាត់ផ្សារកណ្តាលក្រុងប៉ោយប៉ែត។
ក្រុមគ្រួសារជនរងគ្រោះម្នាក់ប្តឹងថាបានព្យាបាលខុសបច្ចេកទេស ធ្វើឱ្យជនរងគ្រោះ ឈ្មោះ ម៉ា សុធា អាយុ២៤ឆ្នាំស្លាប់ មានទីលំនៅភូមិកូនដំរី សង្កាត់និមិត្ត ក្រុងប៉ោយប៉ែត មុខរបរលក់ដូរនៅអាងអូរខៃដន ក្នុងភូមិកូនដំរី ។
ជនរងគ្រោះ ត្រូវពស់វែកក្របីចឹក កាលពីវេលាម៉ោងជាង២រសៀល ថ្ងៃទី១៧ ខែធ្នូ ឆ្នាំ២០១៦ ត្រូវសាច់ញាតិដឹកទៅ កាន់គ្លីនិកឯកខាងលើ ដើម្បីសង្គ្រោះបន្ទាន់ ដោយឈ្មោះ ឈុំ ប៊ុនឆេង ធ្វើការព្យួរ សេរ៉ូមអស់ចំនួន២កំប្លោក ធ្វើឱ្យពឺសពស់ ជ្រាបដល់បេះដូង ក៏ស្លាប់នៅក្នុងគ្លីនិកនោះតែម្តងទៅ នៅវេលា ម៉ោងប្រហែល១០នាទីយប់ថ្ងៃទី១៧ ខែឆ្នូឆ្នាំ២០១៦។
តាមច្បាប់របស់ក្រសួង សុខាភិបាល ចំពោះជម្ងឺពស់ចឹក ក្រសួងសុខាភិបាល បានហាម មិនអនុញ្ញាតិ ឱ្យគ្លីនិក ឯកជន ណាមួយព្យាបាល ជាដាច់ខាត ប្រសិនជាមានករណីពស់ចឹកចូលព្យាបាលបឋមរួចត្រូវបញ្ជូន អ្នកជម្ងឺទៅមន្ទីរពេទ្យរដ្ឋ ដើម្បីសង្គ្រោះបន្ទាន់ ។ ប៉ុន្តែលោក ឈុំ ប៊ុនឆេង ព្រោះតែចង់បានលុយពីអ្នកជម្ងឺខ្លាំងពេក ដោយហ៊ានទុកអ្នកជម្ងឺទាំងប្រថុយប្រថានបំពានច្បាប់ក្រសួងសុខាភិបាលបណ្តាលឱ្យមនុស្សស្លាប់តែម្តង ។ ដូច្នេះសូមមន្ទីរសុខាភិបាលខេត្ត និងក្រសួងសុខាភិបាលជួយរកយុត្តិធម៌ដល់ក្រុមគ្រួសារសពដោយអនុគ្រោះផង ៕
