មណ្ឌលគិរី ៖ រថយន្តដឹកឈើមួយគ្រឿងដែលរត់គេចពីការដេញបាញ់ពីមន្ត្រីបរិស្ថានបានជ្រុលបុកនិងរថយន្តសមត្តកិច្ចបណ្ដាលឲ្យមានមនុស្សម្នាក់នឹងរបួសម្នាក់កាលពីវេលាម៉ោង០០និង៥០នាទីចូលថ្ងៃទី១៧ធ្នូចំណុចផ្លូវបំបែកមុខផ្ទះយាយឡូ ស្ថិតក្នុងភូមិឡាបាខេ ឃុំស្រែខ្ទុមស្រុកកែវសីមាខេត្តមណ្ឌលគិរី។ជនដែលជាមន្ត្រីបរិស្ថានដែលដេញបាញ់ឡានដឺកឈើប្រណីតបង្កឲ្យស្លាប់អ្នកបើកបរមានឈ្មោះណាក់។
លោក ស៊ុន ប៊ុនធឿន អធិកាស្រុកកែវសីមាបានឲ្យដឹងថា ករណីគ្រោះថ្នាក់ចរាចរ ឈានដល់កាស្លាប់មនុស្សម្នាក់នឹងរបួសម្នាក់នេះគឺ បណ្ដាលមកពី រថយន្ដរបស់មន្ត្រីបរិស្ថានបានបើកប្រដេញហើយ បើករថយន្តរបស់ខ្លួនទៅពាំងពីមុខរថយន្ដដឹកឈើទើបធ្វើ អោយតៃកុងឡានចាប់ហ្វ្រាំងមិនទាន់ក៏បានជ្រុលបុកពេញទំហឹង ទៅលើរថយន្ត លោក ណាក់តែម្ដង។ភ្លាមៗនោះដែរឈើដែលផ្ទុកពេញរថយន្តបានរុញបុកផ្ទុប មកលើតៃកុងឡាននិងព្រូបណ្ដាលអោយគៀបជាប់ក្នុងឡានក៍បណ្ដាលអោយស្លាប់ព្រូម្នាក់និងតៃកុងឡានរងរបួសធ្ងន់។
លោកអធិកាស្រុកកែវសីមាបានឲ្យដឹងថា ជនរងគ្រោះមានឈ្មោះ០១ជនរងគ្រោះឈ្មោះ ញាញ់ ភេទប្រុសអាយុ២៤ឆ្នាំខ្មែរ(តៃកុងឡាន)របួសធ្ងន់ ០២ ឈ្មោះ ប្រុស ភេទប្រសអាយុ២០ឆ្នាំខ្មែរ(ស្លាប់) ។ ជនរងគ្រោះទាំ ជាអ្នកស្នាក់នៅបណ្ដោះអាសន្នក្នុងស្រុកកែវសីមាចំណែករថយន្ដរួមទាំងឈើជាវត្ថុតាងទាំងអស់ត្រូវបានសមត្តកិច្ចអូសយកមករក្សាទុកនៅអធិកាស្រុកកែវសីមាសិនដើម្បីបន្តតាមចាប់ជនបង្កមកធ្វើការដោះស្រាយតាមផ្លូវច្បាប់ ។ ករណីនេះបើតាមអ្នករកស៊ីដឺកឈើប្រណីតបានឲ្យដឹងថាគ្រប់ឡានដឹកឈើសុទ្ធតែបានបង់លុយឲ្យសមត្តកិច្ចទាំងអស់តែមិនដឹងថាតើឡានឈ្មោះប្រុសបង់ឬអត់នោះទេបានជាមានមន្ត្រីបរិ ស្ថានដេញបាញ់ចឹងនោះ? ៕
