កំ៏ពង់ចាម ៖ កម្លាំងប៉ូលិសការិយាល័យកណ្តាលព្រណ្ឌទណ្ឌខេត្តកំពង់ចាម ដឹកនាំដោយលោកឧត្តមសេនីយ៍ត្រី ហេង វុទ្ធី ស្នងការរង សហការជា មួយស្នងការដ្ឋានខេត្តមណ្ឌលគីរី និង អង្កការ CPU នាយកដ្ឋាននគរបាលព្រ.ទ បាន រំដោះកុមាររងគ្រោះ ១នាក់ ភេទប្រុស អាយុ២ឆ្នាំ ។
តាមសមត្ថកិច្ចបានធ្វើការឃាត់ខ្លួនជនសង្ស័យ៣នាក់ ៖ ១-ឈ្មោះ រ៉េត សុធី ភេទប្រុស អាយុ២៨ឆ្នាំ រស់នៅនៅភូមិ៣L ឃុំជីរោទី ស្រុកត្បូងឃ្មុំ ខេត្តត្បូងឃ្មុំ ២-ឈ្មោះ លី ហេង ភេទប្រុស អាយុ៥៣ឆ្នាំ ជនជាតិហូឡង់ កាន់អត្តសញ្ជាតិខ្មែរ ទីលំនៅមិនពិតប្រាកដ ៣-ឈ្មោះ អឿ ណាត ភេទប្រុស អាយុ២៥ឆ្នាំ ជនជាតិខ្មែរ រស់នៅក្នុងភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម ។
ប៉ុន្តែជនសង្ស័យដែលគេដឹងថាជាជនជាតិវៀតណាមនោះ បន្ទាប់បានប្រើអំពើហឹង្សាលើកក្មេងអាយុ២ឆ្នាំយ៉ាងឃោរឃៅ នោះបានរត់គេចខ្លួនហើយ។
ក្នុងការចុះឃាត់នេះដែរ បន្ទាប់មានព័ត៌មាន ពីការធ្វើទារុណកម្មលើក្មេងប្រុសនេះ រយះពេល២ខែកន្លងមកហើយ តែទើបបែកធ្លាយវីដេអូលើបណ្តាញសង្គម BF រួចមក កងកម្លាំងសមត្ថកិច្ចប៉ូលិសខេត្តកំពង់ចាម តាមចាប់មុខសញ្ញា និងបានឃាត់ខ្លួនជនសង្ស័យបានចំនួន៣នាក់ នៅចំណុចភោជនីដ្ឋាន កំពុងចំលងទន្លេមេង្គ ភូមិ១០ សង្កាត់កំពង់ចាម ក្រុងកំពង់ចាម ខេត្តកំពង់ចាម វេលាម៉ោង៦នឹង៥៤នាទី ក្នុងករណីហិង្សា និងរំលោភលើកុមារ នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគីរី ។
បច្ចុប្បន្ន ជនសង្ស័យទាំង៣នាក់កំពុងសាកសួរនៅការិយាល័យកណ្តាកព្រណ្ឌទណ្ឌ នៃស្នងការនគរបាលខេត្តកំពង់ចាម ដើម្បីដោះស្រាយតាមនីតិវិធីច្បាប់ ៕
