ខេត្តរតនគិរី៖ សង្វៀនបញ្ជល់មាន់របស់ឧកញ៉ា ទ្រី ភាព ដុះស្លែមួយកន្លែងដែលកំពុងតែជ្រកក្រោមស្លាក់កាស៊ីណូ ដែលមានទីតាំងនៅជាប់ច្រកទ្វារអន្តរជាតិអូរយ៉ាដាវ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរញ៉ាដាវ ខេត្តរតនគិរី បានបើកដំណើរការលេងយ៉ាងគក្រឹកគគ្រេងយ៉ាងអាណាធិបតេយ្យដោយមិនមានសមត្ថកិច្ចពាក់ព័ន្ធទៅបង្ក្រាបតាមបទបញ្ជារបស់សម្តេចក្រឡាហោមសខេងនោះឡើយ?។
តាមប្រភពព័ត៌មានច្បាស់ការបានឲ្យដឹងថា?អ្នកចូលទៅលេងសុទ្ធសឹងតែជាជនជាតិខ្មែរ មិនមានជនជាតិបរទេសនោះទេ ដែលជាដើមហេតុធ្វើឱ្យប្រជាពលរដ្ឋខ្មែរវង្វេងក្នុងល្បែងភ្នាល់តាមរយះល្បែងបញ្ជល់មាន់មួយនេះ ធ្វើឱ្យពលរដ្ឋមានបញ្ហាក្នុងគ្រួសារ បង្កើតបំណុលកាន់តែច្រើន ដើម្បីយកប្រាក់ទៅភ្នាល់ល្បែងបញ្ជល់មាន់នេះ ដោយបំពានទៅលើច្បាប់ភូមិ-ឃុំមានសុវត្ថិភាពទាំង ៩ ចំណុច ដែលរាជរដ្ឋាភិបាលប្រកាសឱ្យអនុវត្តន៏ឱ្យបានជាដាច់ខាត ។
នាពេលកន្លងមកសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា បានប្រកាសហាមជាដាច់ខាតថា? រាល់កាស៊ីណូទាំងអស់មិនអនុញ្ញាតឱ្យប្រជាពរដ្ឋខ្មែរចូលលេងនោះទេ? ក៏ប៉ុន្តែរាល់បទបញ្ជាផ្សេងៗរបស់សម្តេចហាក់បីដូចជាមិនមានប្រសិទ្ធភាពសោះ ជាក់ស្តែងដូចជាកាស៊ីរបស់ឧកញា ទ្រី ភាព ដែលកំពុងធ្វើសកម្មភាពយ៉ាងគ្រឹកគគ្រេង នៅល្បែងបញ្ជល់មាន់ដែលបើកឱ្យប្រជាពលរដ្ឋខ្មែរចូលទៅលេងដោយបើកចំហរ អត់ជំពាក់អ្នកណាមួយរៀល? ។
នាពេលកន្លងទៅថ្មីៗនេះផងដែរសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចេញបទបញ្ជាឱ្យសមត្ថកិច្ចបង្ក្រាបឱ្យបានជាដាច់ខាតនៅល្បែងស៊ីសងខុសច្បាប់ គ្រប់ប្រភេទ ដើម្បីអនុវត្តឱ្យបាននៅច្បាប់ភូមិ-ឃុំមានសុវត្ថភាព។
គួរបញ្ជាក់ផងដែរថា ពាក់ព័ន្ធនឹងករណីបទល្មើសល្បែងស៊ីសងគ្រប់ប្រភេទនៅទូទាំងប្រទេស ក្រសួងមហាផ្ទៃនឹងបង្កើតនាយកដ្ឋានគ្រប់គ្រងទៅលើល្បែងស៊ីខុសច្បាប់ទាំងអស់នោះ ។
បើតាមសេចក្តីរាយការណ៍មួយបានឲ្យដឹងពីកន្លែងសង្វៀនបញ្ជល់មាន់ខាងលើនោះថា ម្ចាស់សង្វៀនបញ្ជល់មាន់ដុះស្លែដែលជ្រកក្រោមផ្លាក់កាស៊ីណូរបស់លោកឧកញ៉ាទ្រីភាព នេះមានលោកសុខ គឹមសាន្ត ឫហៅឧកញ៉ាមាន់ សុខ គឹមសាន្ត បានបើកលេងក្នុង១សប្តាហ៍ចំនួន៣ថ្ងៃទៅ៤ថ្ងៃ គឺច័ន្ទ ព្រហស្បត្តិ៍ សុក្រ និងសៅរ៍ ប៉ុន្តែបើមានគូរណាត់ពិសេសដែលមកពីតាមខេត្តផ្សេងៗដូចជាខេត្តកំពង់ចាម ត្បូងឃ្មុំ ក្រចេះ ស្ទឹងត្រែង។ល។ គេលេងច្រើនថ្ងៃជាងនេះទៅទៀត ដោយគូរពិសេសៗគេចាក់ដល់ទៅរាប់ម៉ឺនដុល្លារឯណោះ ។
ប្រភពបានបន្តឲ្យដឹងទៀតថា មានក្រុមអ្នកញៀនល្បែងបញ្ជល់មាន់នេះច្រើននៅក្រុងបានលុង ខេត្តរតនគិរីដែលអ្នកទាំងនោះភាគច្រើនសុទ្ធសឹងតែជាសមត្ថកិច្ចទៀតផង ដូចជាប៉ូលិសវរៈ និងយោធា។ មិនតែប៉ុណ្ណោះនៅក្នុងបរិវេណសង្វៀនបញ្ជល់មាន់នេះទៀតបានបង្កប់នូវល្បែងស៊ីសងជាច្រើនប្រភេទដូចជាបៀរ អាប៉ោង និងយ៉ូគី។ល។ ដែលជាហេតុធ្វើអោយមានប្រជាពលរដ្ឋខ្មែរជាច្រើននាក់បានចូលទៅលេងល្បែងទាំងនោះផងដែរ។
ពាក់ព័ន្ធជុំវិញករណីខាងលើនេះ សារព័ត៌មានយើងមិនអាចសុំការពន្យល់ណាមួយពីលោកឧកញ៉ាទ្រីភាពនោះទេ ? ថាតើសង្វៀនបញ្ជល់មាន់របស់គាត់មានច្បាប់ឫអត់ច្បាប់ ។ ចំណែកលោក ម៉ា វិចិត្រ អភិបាលស្រុកអូរយ៉ាដាវបានឆ្លើយថា កន្លងមកលោកធ្លាប់បានមើលសជណដែរ ប៉ុន្តែឥឡូវនេះ មិនដឹងថា យ៉ាងម៉េចនោះទេ។ ប៉ុន្តែពាក់ព័ន្ធទៅនឹងពលរដ្ឋខ្មែរដែលបានចូលលេងនោះ លោកបានទទួលស្គាល់ វាពិតជាមានមែន ៕
