ខេត្តប៉ៃលិន ៖ មានសេចក្តីរាយការណ៍ចេញពីពន្ធនាគារ ឱ្យដឹងច្បាស់ថា អនុប្រធានពន្ធនាគារខេត្តប៉ៃលិនម្នាក់ បានប្រព្រឹត្តិរឿងមិនត្រឹមត្រូវ ដោយហៅអ្នកទោសស្រីស្រស់ស្អា ត សាច់សខ្ចីម្នាក់ ជាអតីតតារាចម្រៀងប្រចាំផលិតកម្មឆ្លងដែន និង រៃមាសម្នាក់ ទៅអង្គុយផឹកស៊ីជាមួយគ្នា ហើយឱបថើបយ៉ាងស្រើបស្រាល់ នៅមុខអ្នកទោស និង មន្ត្រីពន្ធនាគារមួយចំនួននៅមុខពន្ធនាគារ ក្នុងភូមិទឹកចេញ ឃុំស្ទឹងកាច់ ស្រុកសាលាក្រៅ ។ បើទោះបីជារឿងរ៉ាវមួយនេះ បានកើតឡើងអស់រយៈពេលយូរបន្តិចមែន តែអ្នកទោសជាច្រើន មានការហួសចិត្ត និង និយាយខ្សឹបខ្សៀវតៗ គ្នា រហូតដល់បែកធ្លាយដល់សារព័ត៌មានតែម្តង ។
ប្រភពព័ត៌មានបានឱ្យដឹងច្បាស់ការ កាលពីព្រឹកថ្ងៃទី០៧ ខែធ្នូ ឆ្នាំ២០១៦ នេះថា កាលពីថ្ងៃសុក្រទី១៨ ខែវិច្ឆិកា កន្លងទៅ លោក អ៊ុយ វិចិត្រ អនុប្រធានពន្ធនាគារខេត្តប៉ៃលិន បានហៅទណ្ឌិតស្រីម្នាក់ ឈ្មោះ អ៊ូ រស្មី អតីតតារាចម្រៀងប្រចាំផលិតកម្មឆ្លងដែន និង រៃមាស ទៅអង្គុយផឹកស៊ីជាមួយនៅអាគារខាងលើ ចាប់ពីម៉ោង១២ថ្ងៃត្រង់ រហូតដល់ម៉ោង៦ល្ងាច ។
ប្រភពបន្តទៀតថា ខណៈកំពុងតែផឹកស៊ី លោកអនុប្រធានពន្ធនាគារ រូបនេះ បានអង្គុយគៀកក.នាង អ៊ូ រស្មី ជាប់រហូត ដោយមានមន្ត្រីពន្ធនាគារចំនួន៧ ទៅ៨នាក់ នៅអង្គុ យជាមួយផងដែរ ។ លុះ ក្រោយមកអ្នកទាំងពីរ បាននាំគ្នាទៅឱបថើបគ្នានៅខាងក្រោយអាគារកន្លែងផឹកស៊ី ដូចលលកញីឈ្មោល រហូតដល់ពេលល្ងាច លោក អ៊ុយ វិចិត្រ បាន គៀកក. អ្នកទោសស្រីរូបនេះ ចុះពីកន្លែងផឹកស៊ី ទៅខាងក្រោម លុះពេលចូលទៅដល់មុខ ទ្វារបន្ទប់ពន្ធនាគារ អ្នកទាំងពីរបាននាំគ្នាសម្ងំទីនោះជាងកន្លះម៉ោង ។ ក្រោយមកបានគៀកក.គ្នា ដើរទៅដល់កន្លែងលក់ដូរក្នុងបរិវេណពន្ធនាគារ អង្គុយឱបថើបគ្នាប្រហែលកន្លះ ម៉ោងទៀត ។
ប្រភពបញ្ជាក់ទៀតថា ពេលនោះអនុប្រធានពន្ធនាគាររូបនោះ បានចូលទៅក្នុ ងបន្ទប់ពន្ធនាគារជាកន្លែងអ្នកទោស ហើយក៏ឱបថើបគ្នានៅក្នុងនោះទៀត រហូតដល់អ្នកទោសស្រីៗ នាំគ្នារត់ចេញទៅខាងក្រៅប្រសាច ព្រោះពួកគេទ្រាំមិនបាននឹងទង្វើ ដ៏មិនចេះ អៀនខ្មាសបែបនេះ ។ ពេលឃើញ លោក អ៊ុយ វិចិត្រ ចូលទៅក្នុងបន្ទប់ពន្ធនាគារយូរ ពេក ទើបលោក សុខ សារូ អនុប្រធានពន្ធនាគារម្នាក់ទៀត ក៏ចុះពីលើកន្លែងផឹកស៊ីទៅទាញដៃចេញពីបន្ទប់អ្នកទោស ។ ចំណែកមន្ត្រីអនុរក្សពន្ធនាគារមួយចំនួន និង អ្នកទោសចំនួន១៦០នាក់ បានត្រឹមឈរមើលពួកគេឱបថើបគ្នាប៉ុណ្ណោះ មិនហ៊ានមាត់ក. អ្វីនោះឡើយ ។
ទោះបីជាយ៉ាងណាក៏ដោយ ច្បាប់ពន្ធនាគារ មិនអនុញ្ញាតិឱ្យអ្នកទោសណាម្នាក់ជាប់ ពាក់ព័ន្ធស្នេហាគ្នាក្នុងនោះឡើយ លើសពីនេះអ្នកទោស និងមន្ត្រីអនុរក្សពន្ធនាគារ ក៏មិនអាចឱ្យមានទំនាក់ទំនងស្នេហាយ៉ាងបើកចំហរបែបនេះដែរ ព្រោះអាចធ្វើឱ្យកន្លែងដាក់អ្នក ទោសក្លាយទៅជារឿងអាស្រូវ ។
ប្រភពដដែលបន្ថែមទៀតថា មូលហេតុដែលនាងសុំប្តូរចេញពីពន្ធនាគារព្រៃស មក រស់នៅក្នុងពន្ធនាគារខេត្តប៉ៃលិន ដោយសារនាងមានទំនាក់ទំនងស្នេហាជាមួយអ្នកទោសម្នាក់ទៀត ឈ្មោះ យ៉េន ការ៉ាត់ ដែលជាអនិកជន រស់នៅប្រទេសអូស្ត្រាលី ជាប់ទោសពាក់ព័ន្ធនឹងគ្រឿងញៀន បន្ទាប់ពីស្រឡាញ់គ្នារួច ទើបសុំប្តូរមកប៉ៃលិននេះតែម្តង ។
ពាក់ព័ន្ធទៅនឹងបញ្ហានេះ ភ្នាក់ងារយើងមិនអាចទាក់ទងទៅលោក អ៊ុយ វិចិត្រ បំភ្លឺ បានទេ ។ លោក សុខ សារូ អនុប្រធានពន្ធនាគារ បានឱ្យដឹងថា ពាក់ព័ន្ធនឹងបញ្ហាខាងលើ នេះ ខាងលោក អត់បានដឹងរឿងនោះទេ ហើយលោកក៏អត់បានចូលរួមផឹកស៊ីជាមួយអ្នក ស្រីម្នាក់នោះដែរ ។ ចំណែក លោក នៅ ធឿង ប្រធានពន្ធនាគារ ខេត្តប៉ៃលិន បានឱ្យដឹងថា នៅក្នុងពន្ធនាគារខេត្តប៉ៃលិន អត់មានរឿងឱបថើបគ្នាបែបនេះទេ ហើយនេះជារឿងបំផ្លើស ប៉ុណ្ណោះ ។
សូមបញ្ជាក់ថា ក្រោយបើកសវនការកាលពីថ្ងៃទី២១ ខែសីហា ឆ្នាំ២០១៤ នាង អ៊ូ រស្មី អតីតតារាចម្រៀងប្រចាំផលិតកម្មឆ្លងដែន និង រៃមាស ត្រូវបានកំណត់ទោសចំនួន៧ឆ្នាំ ពីបទសញ្ចារកម្ម ដែលមានស្ថានទម្ងន់ទោស និង ពីបទការជួញដូរមនុស្សខុសច្បាប់ ។ នាងត្រូវសាលាឧទ្ទររាជធានីភ្នំពេញ ប្រកាសសម្រាលទោសពី៧ឆ្នាំ មកត្រឹម៥ឆ្នាំ កាលពី ខែកុម្ភៈ ឆ្នាំ២០១៦ មុននេះ និងត្រូវគេបញ្ជូនចេញពីគុកព្រៃស តែមិនមានដំណឹងថាយកទៅឃុំនៅឯណានោះឡើយ ៕ ដោយ ៖ នីយ៉ា
