ខេត្តរតនគិរី ៖ នៅវេលាម៉ោង 2.20នាទី ថ្ងៃទី6ខែធ្នូរ ឆ្នាំ2016 កម្លាំងPMស្រុកអូរយ៉ាដាវ បាន សហការណ៍ ជាមួយកងកម្លាំងប៉េអឹមផ្ទៃប្រទេសក្រោមបទបញ្ចាររបស់ឯកឧត្តម សៅ សុខា បានធ្វើការ បង្គ្រាប់កន្លែងស្តុបឈើប្រណីតមួយកន្លែងស្ថិតនៅភូមិប៉ាដល់ ស្រុកអូរយ៉ាដាវ ខេត្តរតនគិរី។ ឈើទាំងនោះគឺកាប់ពីតំបន់សហគមន៍ដែនជម្រកសត្វព្រៃដែលជាតំបន់ហាមឃាត់ ដោយមានឈ្មួញដែលមានខ្នងបង្អែកនឹងមានលុយទើបអាចកាប់ឈើទាំងនោះបានយ៉ាងរលូនបែបនេះ ឈេីទាំងនោះរឹបអូសបានប្រមាណជិត500កំណាត់ ។
តាមប្រភពពីប្រជាពលរដ្ឋនៅក្បែរគំនឈើនោះបានអោយដឹងថា ឈើទាំងនោះធ្វើការដឹកចេញពីចំនុច ភូមិញ៉ាង ឃុំញ៉ាង ស្រុកអណ្តូងមាស ខេត្តរតនគិរី ឆ្លងកាត់ទន្លេសេសាន្ត ចូលមកភូមិប៉ាដល់ ដែលជាកន្លែងស្តុបឈើប្រណិតខាងលើនេះ។
បើតាមប៉ូលីសនៅភូមិប៉កញ៉ៃ ស្រុកអូរយ៉ាដាវ ខេត្តរតនគិរី និងបងប្អូនជនជាតិដើមភាគតិចបានលួចនិយាយប្រាប់ខាងសារព័ត៌មានថា ឈើប្រណិតទាំងនេះ មានម្ចាស់ដល់ទៅ3នាក់ឯណោះ ទី១ឈ្មោះ លើយ ភេទប្រុស ទី២ឈ្មោះ យ័ន ភេទប្រុស ទី៣ឈ្មោះ ង៉ែត ភេទស្រី។
សូមបញ្ជាក់ថា បច្ចុកប្បន្ន ឈើទាំងនោះនៅកន្លែងដដែល ដោយសារពិបាកដឹកជញ្ចូន ទើបកងកម្លាំងPMស្រុកដាក់កងម្លាំងយាមចាំ រហូតដល់ព្រឹកថ្ងៃទី៧ ទើបធ្វើការដឹកាជញ្ចូនទៅផ្នែករដ្ឋបាលព្រៃឈើបរកែវ ដើម្បីអោយម្ចាស់ឈើទាំងនោះចូលមកដោះស្រាយតាមផ្លូវច្បាប់ព្រៃឈើ ។
ប្រជាពលរដ្ឋនៅស្រុកអូរយ៉ាដាវបានអោយដឹងថា ឈើទាំងនេះប្រហែលជាកម្លាំងជំនាញដឹងអស់ហើយ ដោយរងចាំម្ចាស់ឈើទាំងនោះបង់លុយអោយសិន ទើបមិនព្រមចុះទៅចាប់ តែដោយសារបែកធ្លាយដល់អ្នកកាសែត ទើបនាំគ្នាចុះទៅចាប់យកស្នាដៃតែម្តងទៅជូនថ្នាក់លើ ៕
