ខេត្តប៉ៃលិន ៖ រយៈពេល៥ខែ ចុងឆ្នាំ២០១៦ មន្ត្រីសាខាកាំកុងត្រូលខេត្តប៉ៃលិន បានរិបអួសទំនិញខូចគុណភាព និងហួសកាលបរិច្ចេទ ចំនួន១៤៣១គឺឡូក្រាម ព្រមទាំងយកទៅដុតកំទេចចោលផងដែរ ។ ពិធីនេះប្រព្រិត្តទៅនារសៀលថ្ងៃទី៥ ខែធ្នូ ឆ្នាំ២០១៦ ស្ថិតក្រោមអធិបតីភាពឯកឧត្តម កើត សុធា អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីលោកស្រី ជា លាភ អភិបាលរងខេត្ត ,លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តប៉ៃលិន ,លោក សុក សាធីម ប្រធានមន្ទីរពាណិជ្ជកម្មខេត្ត កងកម្លាំងប្រដាប់អាវុធ និងប្រជាពលរដ្ឋជាច្រើននាក់។ ការដុតកំទេចទំនិញខូចគុណភាពទាំងនេះដែរស្ថិតក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តប៉ៃលិន មានប្រសាសន៏ឲ្យដឹងថា៖រយៈពេល៥ខែ ចុងឆ្នាំ២០១៦ សាខាកាំកុងត្រូលខេត្ត បានចុះពិនិត្យទំនិញហួសកាលបរិច្ចេទ និងខូចគុណភាព បាន០៩លើក ព្រមទាំងរិបអួសទំនិញទាំងនោះបានចំនួន១៤៣១គឺឡូក្រាម ផងដែរ ។ លោកបន្តឲ្យដឹងថា៖ រាល់ថ្ងៃនេះសុខភាពប្រជាពលរដ្ឋអាចប្រឈមហានិភ័យ ដោយទទួលទានមុខទំនិញ ផលិតផលម្ហូបអាហារជាច្រើនមុខ ខណះពេលដែលពួកគាត់ខ្វះការយល់ដឹងទំនិញទាំងនោះ ហើយសុខភាពមនុស្សគ្រប់ៗរូបមានតម្លៃជាងគ្រាប់ពេជ្រ ដូច្នេះហើយក្នុងនាមលោកនិងមន្ត្រីក្រោមឱវាទនៅតែបន្ត អនុវត្តន៍បន្ថែមនូវអនុសាសន៍ពីថ្នាក់ដឹកនាំអគ្គនាយកដ្ឋានកាំកុងត្រូល និងឯកឧត្តម ប៉ាន់ សូរស័ក្តិ រដ្ឋមន្ត្រីក្រសួងពាណិជ្ជកម្ម នៃព្រះរាជាណាចក្រកម្ពុជា ។
ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន បានថ្លែងអំណរគុណដល់ប្រធានសាខាកាំកុងត្រូលខេត្ត ដែលយកចិត្តទុកដាក់ ក្នុងការចុះពិនិត្យទំនិញ ដែលតាំងលក់ក្នុងខេត្តប៉ៃលិនទាំងមូល ព្រមទាំងមានការចុះពន្យល់ដល់ប្រជាពលរដ្ឋ និងអាជីវករ ឲ្យយល់ដឹងពីសុខភាពជាចំបង ផងដែរ ។ជាងនេះទៅទៀតឯកឧត្តមអភិបាលខេត្ត ក៏បាន អំពាវនាដល់ប្រជាពលរដ្ឋ ក៏ដូចជាឈ្មួញ ម្ចាស់ទំនិញម្ហូបអាហារទាំងអស់ ត្រួវចូលរួមសហការណ៍ជាមន្ត្រីកាំកុងត្រូលសាខា ខេត្តប៉ៃលិន ធ្វើយ៉ាងណាលក់ទំនិញដែលហួសកាលបរិច្ចេទប្រើប្រាស់ ព្រោះវាបណ្តាលឲ្យខូចសុខភាពប្រជាពលរដ្ឋទូទៅផងដែរ ។
សូមបញ្ជាក់ថា៖ ទំនិញខូចគុណភាពដែលយកមកដុតកម្ទេចចោល រួមមាន កម្ទេចមី ទឹកក្រូច ម្សៅស៊ុបរ៉តឌី ទឹកផ្លែឈើចម្រុះ ទឹកខ្មេះ ហៅទឹកអាស៊ីក មីកំប៉ុង មីកញ្ចប់ អូវ៉ាន់ទីន ត្រីខ សរុប១៤៣១គឺឡូក្រាមផងដែរ ៕
អត្ថបទ សេង សុវណ្ណារិទ្ធ
