ខេត្តប៉ៃលិន ៖ បន្ទាប់ពីស្ងប់ស្ងាត់អស់រយៈពេលជាច្រើនឆ្នាំ រហូតមកដល់បច្ចុប្បន្ននេះ គេសង្កេតឃើញថា ក្រុមឈ្មួញអាចបន្តរកគ្រាប់ត្បូងដ៏មានតម្លៃ ដើម្បីយកទៅលក់ជូនជីវករ កែច្នៃធ្វើជាគ្រឿងអលង្ការលក់ជូនប្រជាពលរដ្ឋ បានប្រាក់ចិញ្ចឹមជីវិត ។ ជាពិសេសច្នៃ លក់ឱ្យភ្ញៀវទេសចរជាតិ និង អន្តរជាតិ ដែលធ្វើដំណើរមកពីបណ្តាខេត្តនានា ចូលមកលេងកំសាន្តក្នុងទឹកដីខេត្តត្បូងពេជ្រ នារដូវបុណ្យភ្ជុំបិណ្ឌ និងចូលឆ្នាំខ្មែរផងដែរ ។
បើតាមប្រភពព័ត៌មានពីស្ត្រីអាជីវករលក់ត្បូងម្នាក់ ឈ្មោះ ម៉ៅ សោភា អាយុ៣០ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន បានឱ្យដឹងថា រហូតមកដល់ពេលនេះ គ្រាប់ត្បូងនៅក្នុងខេត្តប៉ៃលិន មិនទាន់អស់នៅឡើយទេ គឺអាចសេសសល់សម្រាប់ ឱ្យឈ្មួញជីកកកា យយកទៅលក់ជូនអាជីវករកែច្នៃ ដាក់តាំងក្នុងទូលក់ឱ្យប្រជាពលរដ្ឋ ដែលនិយមគ្រឿងអ លង្ការ យកទៅប្រើប្រាស់លំអរូបរាងកាយ ។ ប្រភពបន្តទៀតថា ត្បូងប៉ៃលិន មានពីរប្រភេទ គឺត្បូងកណ្តៀង និងត្បូងទទឹម ហើយតម្លៃលក់ ក៏អាស្រ័យទៅលើត្បូងនោះដែរ ។ បើសិនជាត្បូងល្អ ក្នុងមួយការ៉ាត់ អាចលក់បាន១០០ដុល្លារ ឬក៏លើសនេះ ព្រោះមានត្បូងមួយចំ នួនដែលមានទំហំធំ គេអាចលក់បានរហូតដល់រាប់ម៉ឺនដុល្លារឯណោះ ។ តែនៅថ្ងៃនេះ ហា ក់ដូចជាស្ងាត់ភ្ញៀវបន្តិច អាចលក់ដាច់មួយៗដែរ រហូតដល់រដូវបុណ្យទាន ជាពិសេស ភ្ជុំបិ ណ្ឌ និងចូលឆ្នាំខ្មែរ មានភ្ញៀវចូលមកទិញត្បូងរបស់ពួកគាត់ យកទៅធ្វើជាបន្តោងខ្សែក ឬ ដាក់ដាំលើចិញ្ចៀនពាក់លំអខ្លួនឯង ។
បើតាមកម្មករច្នៃត្បូងម្នាក់ បានឱ្យដឹងថា ការខាត់ច្នៃគ្រាប់ត្បូង ត្រូវតែខិតខំប្រឹងប្រែ ងផ្ចិតផ្ចង់យកចិត្តទុកដាក់ ដូចគ្នាទៅនឹងការយកមាសច្នៃធ្វើខ្សែកដែរ ដោយច្នៃម៉ូតគ្រប់បែបយ៉ាង ដើម្បីទាក់ទាញភ្នែកអតិថិជន ពេលឃើញទាក់ចិត្តអាចទិញយកទៅប្រើប្រាស់ផ្ទាល់ខ្លួន ឬជួញដូរពីខេត្តមួយទៅខេត្តផងដែរ ។ ការច្នៃត្បូង ក្នុង១ការ៉ាត់ អាចទទួលបានប្រាក់ឈ្នួល១ដុល្លារ ហើយក្នុងមួយថ្ងៃៗ អាចធ្វើបានច្រើន សម្រាប់ឱ្យថៅកែ ដាក់តាំងលក់នៅក្នុងទូ មុខផ្ទះដាក់បង្ហាញភ្ញៀវ ។
ពាក់ព័ន្ធទៅនឹងបញ្ហានេះ លោក សុខ ស៊ីដាណេ ប្រធានការិយាល័យរ៉ែ និងថាមព លខេត្តប៉ៃលិន បានឱ្យដឹងថា បច្ចុប្បន្ននេះ ឈ្មួញដែលមានអាជ្ញាប័ណ្ណចេញពីសាលាខេត្ត ប៉ៃលិន មានចំនួន៤កន្លែង ដោយពួកគេធ្វើជាលក្ខណៈទ្រង់ទ្រាយតូច ពោលគឺលក្ខណៈគ្រួ សារប៉ុណ្ណោះ ហើយមិនអនុញ្ញាតិឱ្យសហការជាមួយក្រុមហ៊ុនបរទេសធ្វើជាលក្ខណៈទ្រង់ ទ្រាយធំនោះឡើយ ។
លោកបន្តទៀតថា ការធ្វើសកម្មភាពជីកកកាយរករ៉ែត្បូងនេះ ក្នុង១ហិកតា ត្រូវតែបង់ពន្ធជូនរដ្ឋចំនួន២ពាន់ដុល្លារ បើពុំដូច្នោះទេ មិនអាចឱ្យយកគ្រឿងចក្រ ទៅជីកកកាយដីរែងរករ៉ែត្បូងបានឡើយ ។ លោកបញ្ជាក់ទៀតថា បច្ចុប្បន្នរ៉ែត្បូងនៅក្នុងខេ ត្តប៉ៃលិន អាចសេសសល់សម្រាប់ឱ្យប្រជាពលរដ្ឋ ដែលមានដើមទុន អាចយកគ្រឿងចក្រ ទៅជីកកកាយនៅលើដីឯកជនរបស់ខ្លួនបាន តែសុំច្បាប់ពីអាជ្ញាធរខេត្តជាមុនសិន ។ បើពុំ មានការសុំច្បាប់ដូច្នោះទេ ខាងលោកនឹងចាត់ការតាមនីតិវិធី ៕
ដោយ ៖ នីយ៉ា
