កម្មវិធីប្រកាសទទួលស្គាល់សមាសភាពសមាជិកអតីតយុទ្ធជនកម្ពុជាខេត្តកំពង់ធំ និងតែងតាំងប្រធានកិត្តិយសស្រុកចំនួនបីគឺស្រុកសណ្តាន់ស្រុកសន្ទុកនិងស្រុកកំពង់ស្វាយហៅថាស.អ.ក.បានធ្វើឡើងនៅរសៀលថ្ងៃទី០៩ខែកញ្ញាឆ្នាំ២០១៦នេះ នៅតំបន់ប្រតិបត្តិការសឹកកំពង់ធំ ក្រោមអធិបតីភាព ឯកឧត្តម អភិបាលខេត្ត ដោយមានសមាជិកចូលរួមជិត១០០ន។
លោកឧត្តមសេនីយត្រី សោមស៊ុន មេបញ្ជាការតំបន់ប្រតិបត្តិការសឹករងកំពង់ធំនិងជាប្រធានអតីត សមាគមយុទ្ធជនខេត្តកំពង់ធំ បានថ្លែងថា! ការប្រកាសទទួលស្គាល់សមាជិកកិត្តិយស សមាគមអតីតយុទ្ធជនកម្ពុជាខេត្តកំពង់ធំគឺផ្នែកតាមគណៈអចិន្ត្រៃគណៈកម្មាធិការអតីតយុទ្ធជនកម្ពុជាដោយលក្ខន្តិកះ សមាគមអតីតយុទ្ធជនកម្ពុជានេះអនុវត្តតាមសេចក្តីសម្រេចចិត្តការ មហាសន្និបាត តំណាងទូទាំងប្រទេសលើកទី២ របស់សមាគមអតីតយុទ្ធជន ក្នុងថ្ងៃទី០២ខែកញ្ញាឆ្នាំ២០១៥! យោងប្រការ៣០ ប្រការ៣២និងប្រការ៣៤ ជំពូកទី៩ នៃលក្ខន្តិកះសមាគមអតីតយុទ្ធជនកម្ពុជាដែលអនុម័តដោយមហាសន្និបាត តំណាងទូទាំងប្រទេសដូច្នេះថ្ងៃនេះបានប្រកាសទទួលស្កាល់សមាជិកអតីតយុទ្ធជនចំនួនបីស្រុក ស្មើនិង៩១នាក់។
ឯកឧត្តម អ៊ុតសំ អន អភិបាលខេត្តកំពង់ធំ បានមានប្រសាសន៏ថា! បន្ទាប់ពីបានប្រកាសទទួលស្គាល់ លោកអភិបាលស្រុកទាំងបីខាងលើនេះ ជាប្រធានកិត្តិយស សអក ប្រចាំស្រុករួចហើយនោះ សូមឲ្យអាជ្ញាធរមូលដ្ឋានត្រូវធ្វើយ៉ាងណាជួយពិនិត្យឲ្យបានច្បាស់ល ចំពោះអតីតយុទ្ធជនដែលមានជីវភាពខ្វះខាតពិតប្រាក ដូចជាអ្នកគ្មានផ្ទះសំបែង ដីលំនៅដ្ឋាន ជរាគ្មានទីពឹង ត្រូវរាយការណ៏ជូនប្រធានអតីតយុទ្ធជនខេត្តកំពង់ធំ មានលោកឧត្តមសេនីយត្រីមេញ្ជាការតំបន់សឹករងខេត្ត ជាប្រធាន ដើម្បីចាត់ចែងជូនពួកគាត់ដល់លំនៅដ្ឋានផ្ទាល់។
ហើយម្យ៉ាងវិញទៀត ប្រាក់ដែលប្រមូលពីសមាគមប្រចាំខែត្រូវប្រគល់ឲ្យទៅអ្នកចាត់ចែងឲ្យបានត្រឹមត្រូវ ដើម្បីត្រៀមជួយអតីតយុទ្ធជនដែលបាត់បង់ជីវិត ចាបន្តរបន្ទាប់! នឹងសូមថ្លែងអំណរគុណដល់តំណាងក្រុមហ៊ុន ដែលជាសមាជិក សមាគមអតីតយុទ្ធជនទាំងអស់ តែងតែចូមរួម បរិច្ចាកដល់សមាគម ក៏ដូចជាជួយឧបត្ថម្ភដល់ក្នុងកម្មវិធីផ្សេងៗនៅក្នុងខេត្តកំពង់ធំ ៕
