កាលពីព្រឹកថ្ងៃទី ២១ ខែសីហា មានប្រារឰពិធីនៅក្នុងបរិវេណគណបក្សប្រជាជនឃុំភ្នំសំពៅ និងជួបសំណេះសំណាល ជាមួយមហាគ្រួសារយុវជនគណបក្សប្រជាជនកម្ពុជាស្រុកបាណន់ ចំនួន ៥.៦១០នាក់ ក្រោមអធិបតីភាព ឯកឧត្តម សុខ ផល សមាជិកគណៈកម្មាកិរាកណ្តាល និងជាប្រធានក្រុមការងារស្រុកបាណន់, លោក ហែម ថេង ប្រធានក្រុមការងារឃុំភ្នំសំពៅ ព្រមទាំងក្រុមការងារថ្នាក់ស្រុក និងឃុំជាច្រើននាក់ ។
ថ្លែងក្នុងឱកាសនោះដែរ លោក ម៉ិល សុផល ប្រធានក្រុមការងារស្រុកបាណន់បានបញ្ជាក់ថា យុវជនមានអាយុចាប់ពី ១៨ ដល់ ២៥ឆ្នាំ មាន ៥,៦១០នាក់ (ស្រី ២.៥២៦នាក់)និងយុវជន អាយុចាប់ពី ២៦ ដល់ ៣៥ឆ្នាំ មានចំនួន ៧.៦៤៣នាក់ (ស្រី ៤.១២៥នាក់)សរុបយុវជនទូទាំងស្រុកមាន ១៣.២៤៣នាក់ (ស្រី ៦.៦៩៥នាក់)។
លោកប្រធានក្រុមការងារស្រុកបានបញ្ជាក់ថា មានយុវជនមួយផ្នែកបានចេញទៅធ្វើការងារនៅក្រៅប្រទេស ប៉ុន្តែ មួយចំណែកធំ គឺនៅបំពេញការងារជិតគ្រួសារនៅតាមភូមិ-ឃុំរបស់យើងរួមចំណែកកសាង និងអភិវឌ្ឍន៍មូលដ្ឋាន ។ ដោយ ឡែកមានយុវជនមួយចំនួនកំពុងបន្តការរៀនសូត្រ ។
ឯកឧត្តម សុខ ផល មានប្រសាសន៍ក្នុងឱកសានោះថា ការជួបជុំមហាគ្រួសារយុវជនស្រុកបាណន់លើកនេះ មានយុវជនមកពី ៨ឃុំ សរុបចំនួន ៥.៦១០នាក់ ដោយចែកជាពីរវគ្គ ។ ទី១-គឺពីអាយុ ១៨ ដល់ ២៥ឆ្នាំ ដែលបានជួបជុំនៅថ្ងៃនេះ ។ ចំណែកវគ្គទី ២ នឹងជួបជុំគ្នាម្តងទៀតជាមួយយុវជនដែលមានអាយុពី ២៦ ដល់ ៣៥ឆ្នាំ ។ លោកបន្តថា លោកសង្ឃឹមនិងជឿជាក់ថា យុវជនរបស់យើងនៅទីនេះពិតជាមានសុច្ឆន្ទៈដើម្បីចូលរួមចំណែកទាំងកម្លាំងកាយ កម្លាំងចិត្តប្រាជ្ញា ស្មារតីពុះពារនូវការលំបាកផ្សេងៗដើម្បីចូលរួមចំនែកក្នុងចលនាយុវជនគណបក្សស្រុកបាណន់ក៏ដូចជា យុវជន កម្ពុជាទូទាំងប្រទេសដែលបច្ចុប្បន្នកំពុងតែសស្រាក់សស្រាំរួមចំណែកលើការងារបោះឆ្នោតជ្រើសរើសក្រុមប្រឹក្សាឃុំ និងបោះ ឆ្នោតសកលនាពេលខាងមុខ ។
សូមបញ្ជាក់ថា សមាសភាពយុវជនដែលចូលរួមក្នុងពិធីនាពេលនេះ មានចំនួន ៥.៦១០នាក ដែលជាក្បាលម៉ាស៊ីន សកម្មយុវជន និងជាសមាជិកយុវជនដែលមានអាយុពី ១៨ ដល់ ២៥ឆ្នាំ ។ សមាជិកយុវជនដែលបានធ្វើបច្ចុប្បន្នភាពរួចគណ បក្សបានចេញសេចក្តីសម្រេចបង្កើតក្បាលម៉ាស៊ីនសកម្មយុវជនមានចំនួន ៧៧សាខាបក្សភូមិ និងបានបោះពុម្ពចងក្រងជា សៀវភៅក្នុងមួយឃុំចំនួន ៥ក្បាល សរុបទាំងអស់ ៤០ក្បាល ។
លោកប្រធានក្រុមការងារស្រុក បានសំណូមពរសុំឱ្យប្អូនូៗនៅកិច្ចការរបស់យើងឱ្យបានដោយភាពសុច្ចរិតយុត្តិធម៌ទៅ តាមច្បាប់ដោយជៀសវាងឱ្យឆ្ងាយពីគ្រឿងញៀន និងអំពើទុច្ចរិតផ្សេងៗហើយចូលរួមបន្តនូវសកម្មភាពរួមចំណែកក្នុងការ កសាងប្រទេសអភិវឌ្ឍន៍ភូមិ-ឃុំ របស់យើងនោះ គឺជាកាតព្វកិច្ចជាកិច្ចសំខាន់ៗរបស់ប្អូនៗក្មួយៗរបស់យើង ។ បញ្ហាសំខាន់ មួយទៀត សុំប្អូនៗដែលជាក្បាលម៉ាស៊ីននៅតាមភូមិឃុំនៃស្រុកបាណន់នេះត្រូវទំនាក់ទំនងសហការ និងផ្សព្វផ្សាយជាបន្ត បន្ទាប់នូវព្រឹត្តិការណ៍ សភាពការណ៍ ភារកិច្ចចាំបាច់ផ្សេងៗជូនដល់យុវជនដល់ផ្ទះសម្បែង ។
នៅក្នុងឱកាសនោះដែរ ឯកឧត្តម សុខ ផល បានថវិកាចំនួន ២ម៉ឺនរៀល មួកសុវត្ថិភាព ១ អាវយឺត ១ ជូនដល់យុវជនស្រុកបាណន់ ចំនួន ៥.៦១០នាក់ផងដែរ ៕
