ជាក់ស្ដែងកាលពី ថ្ងៃទី០៤ ខែកុម្ភ: ឆ្នាំ២០២១ រថយន្តយីឌុបដឹកឈើរបស់មេឈ្មួញដែលមានឈ្មោះចាន់ណាបានបែកប្រអប់លេខហើយយកទៅចតជិតកន្លែងរដ្ឋបាលព្រៃឈើស្រុកស្វាយលើយ៉ាងស្ងាត់ស្ងៀមបិតជិតដោយមានវាំងននខ្មៅបាំងនៅពីក្រោយខ្នង បងប្អូនប្រជាពលរដ្ឋនិងមន្ត្រីរាជការនៅក្នុងខេត្តសៀមរាបក៏ដូចប្រជាពលរដ្ឋដែលរស់នៅក្នុងស្រុកស្វាយលើបានឃើញទង្វើបែបនេះពួកគាត់នាំគ្នារិះគន់ថា តើមេឈ្មួញឈ្មោះចាន់ណានេះមានខ្នងធំប៉ុណ្ណាទៅ បានជារកស៊ីបទល្មើសព្រៃឈើឡើងចាក់គ្រឹះដុះស្លែ រាប់ឆ្នាំមកហើយមិនដែលឃើញសមត្ថកិច្ចនិងជំនាញរដ្ឋបាលព្រៃឈើណា បង្ក្រាបបានឡើយ ល្បិចកលរបស់មេឈ្មួញនេះបងប្អូនប្រជាពលរដ្ឋក៏ដូចជាមន្ត្រីរាជការដែលស្នេហាលើវិស័យព្រៃឈើមួយចំនួនគឺដឹងពីល្បិចកលរបស់មេឈ្មួញឈ្មោះចាន់ណា កន្លងមកថាមានវាំងននខ្មៅបាំងនៅពីក្រោយខ្នងយ៉ាងណានោះហើយ
ក៏ប៉ុន្តែយ៉ាងណាមិញប្រជាពលរដ្ឋព្រមទាំងមន្ត្រីរាជការដែលស្នេហាទៅលើធនធានធម្មជាតិស្នើសុំឱ្យឯកឧត្តមទៀ សីហាអភិបាលនៃគណៈអភិបាលខេត្តសៀមរាបសូមស្ទូចឱ្យឯកឧត្តមមេត្តា ដាក់ការស៊ើបអង្កេតមកលើមេឈ្មួញដែលមានឈ្មោះចាន់ណាជាមួយនឹងជំនាញរដ្ឋបាលព្រៃឈើនៅក្នុងខេត្តសៀមរាបផងទាន តាំងពីដើមរហូតមកដល់សព្វថ្ងៃនេះរាប់ឆ្នាំហើយដែលមេឈ្មួញរូបនេះជាមួយជំនាញរដ្ឋបាលព្រៃឈើខេត្តសៀមរាបបានសហការគ្នាដើរផ្លូវតែមួយ ដើម្បីបំផ្លាញធនធានធម្មជាតិ ។
នេះព័ត៌មានបឋមលំអិតពេលក្រោយ
