ខេត្តប៉ៃលិន ៖ បើតាមមន្ត្រីនគរបាលស្នងការខេត្តប៉ៃលិន បានឲ្យដឹងថា យុវវ័យម្នាក់ បានបាត់ខ្លួន ដោយមិនដឹងមូលហេតុ ខណៈឪពុកម្តាយ និងសាច់ញាតិកំពុងតែព្រួយបារម្ភយ៉ា ងខ្លាំង ដោយទូរស័ព្ទក៏អត់ចូល សួរគេឯងនៅក្នុងភូមិក៏មិនដឹងតំរុយអ្វីទាំងអស់ ។
ប្រភពព័ត៌មានបានឱ្យដឹងថា យុវតីរូបនោះមាន ឈ្មោះ ញ៉ម ស្រីណា មានអាយុ១៦ឆ្នាំ មុខរបរជាអ្នកចែកបៀរនៅកាស៊ីណូហ្ស៊ីហ្សា(Flamingo) មានទីតាំងស្ថិតនៅជាប់ព្រំដែនកម្ពុជា-ថៃ ក្នុងភូមិ ផ្សារព្រំ ឃុំស្ទឹងកាច់ ស្រុកសាលាក្រៅ ស្នាក់នៅភូមិឃុំខាងលើ ។
ប្រភពបន្តទៀតថា ហេតុការណ៍បាត់ខ្លួនក្មេងស្រីម្នាក់នេះ បានកើតឡើងកាលពីវេលាម៉ោង ៧ និង០០នាទីយប់ ថ្ងៃទី២២ ខែកក្កដា ឆ្នាំ២០១៦ កន្លងទៅនេះ ដោយករណីនេះ កាលពីថ្ងៃ២២ និង២៣ ខែកក្កដា ក្រុមគ្រួសារ បានទូរស័ព្ទចូលដែរ តែពុំមានអ្នកទទួលនោះឡើយ លុះរហូតមកដល់វេលាម៉ោង៣:០០នាទីរសៀល ថ្ងៃ២៤ ខែកក្កដានេះ ខាងលើឱពុកនារីរងគ្រោះ ឈ្មោះ ណម ពេទ្យ មានទីលំនៅបច្ចុប្បន្នជាមួយគ្នា បានសម្រេចចិត្តទៅដាក់ដាក់ពាក្យ បណ្ដឹងនៅប៉ុស្តិ៍នគរបាលរដ្ឋបាលឃុំស្ទឹងកាច់ ដើម្បីឱ្យជួយស្រាវជ្រាវអន្តរាគមន៍ដែរ តែរហូត មកដល់ពេលនេះមិនទាន់មានតំរុយណាមួយនៅឡើយទេ ។
បើតាមលោក ជុំ វឿន នាយប៉ុស្តិ៍នគរបាលឃុំស្ទឹងកាច់ បានបញ្ជាក់ នៅរសៀលថ្ងៃទី២៦ ខែកក្តដា នេះថា ក្មេងស្រី ដែលបានបាត់ខ្លួននេះ នៅមិនទាន់ រកឃើញនៅឡើយទេ ដោ យនៅយប់ថ្ងៃកើតហេតុ នាងបានចេញពីកាស៊ីណូខាងលើមកក្រៅខាងមុខផ្លូវជាតិក្បែរច្រកទ្វារ អន្តរជាតិព្រំ ហើយក៏ស្រាប់តែបាត់ខ្លួនតែម្តង ។ លោកបញ្ជាក់ទៀតថា រហូតមកដល់ពេល នេះសមត្ថកិច្ចប៉ុស្តិ៍កំពុងតែតាមស៊ើបមើលអំពីបញ្ហាមួយនេះ ដោយពេលនេះខាងលោកកំពុង ជាប់រវល់ប្រជុំ ហើយនៅថ្ងៃស្អែកនឹងបន្តធ្វើរឿងមួយនេះទៀត ខណៈដែលឪពុកម្តាយនារីរង គ្រោះទើបតែដាក់ពាក្យបណ្តឹងមកលោកកាលពីប៉ុន្មានថ្ងៃកន្លងទៅនេះដែរ ៕
ដោយ ៖ នីយ៉ា
