ខេត្តប៉ៃលិន៖ កាលពីព្រឹកថ្ងៃទី២៤ ខែកក្កដា ឆ្នាំ២០១៦ កន្លងទៅនេះ នៅក្នុងបរិវេណសាលាបឋមសិក្សាអូររអិល ក្នុងភូមិអូររអិល ឃុំស្ទឹងកាច់ ស្រុកសាលាក្រៅ មានរៀបចំកម្មវិធីចែកអំណោយដល់ប្រជាពលរដ្ឋក្រីក្រចំនួន១៧គ្រួសារ នៅក្រោមអធិបតីភាពលោកស្រី ជា លាភ អភិបាលរងខេត្ត អមដំណើរដោយព្រះគ្រូ សាន់ លី ព្រះមេគណគណៈធម្មយុត្តិកនិកាយខេត្ត និងជាប្រធានមូលិនិធិ ,ព្រះគ្រូចៅអធិការវត្តអូររអិល, លោក សុខ សាធីម ប្រធានមន្ទីរពា ណិជ្ជកម្មខេត្ត ,លោកស្រី ប៊ុន គឹមហេង អនុប្រធានមន្ទីរសង្គមកិច្ច និងមន្ត្រីរាជការ សប្បុរសជនមួយចំនួនទៀត ។
លោកស្រី ជា លាភ អភិបាលរងខេត្ត បានឱ្យដឹងថា អំណោយដែលចែកជូនបងប្អួននាពេលនេះ គឺជាការរួមគ្នារវាងរដ្ឋបាលសាលាខេត្ត ជាមួយមូលនិធិរបស់សប្បុរសជន ដឹក នាំដោយព្រះគ្រូ សាន់ លី ប្រធានមូលិធិ និងជាព្រះមេគណគណៈធម្មយុត្តិកនិកាយខេត្ត ដើម្បីចែកជូនដល់បងប្អួនប្រជាពលរដ្ឋ ដែលកំពុងជួបការលំបាកក្នុងជីវភាពប្រចាំថ្ងៃ ។ លោកស្រីបន្តថា ទោះបីអំណោយទាំងនេះ មានការតិចតួចស្តួចស្តើងយ៉ាងណាក្តី ក៏វាអាចកាត់បន្ថយការខ្វះខាតរបស់បងប្អួនបានមួយរយៈខ្លីផងដែរ ហើយអំណោយមនុស្សធម៌ដែលចែកដល់ប្រជាពលរដ្ឋ រងគ្រោះនាពេលនេះ គឺមិនបានប្រកាន់ វណ្ណៈ ពណ៌សម្បុរ ឬរើសអើង និន្នាការនយោបាយ បក្ខពួក ជាតិសាសន៍ អ្វីនោះឡើយ ឲ្យពួកគាត់រងគ្រោះ គឺសុទ្ធតែទទួលបាននូវការឧបត្ថម្ភស្មើៗគ្នា គ្រប់ក្រុមគ្រួសារនីមួយៗ ។
លោកស្រីថ្លែងអំណរគុណ និងកោតសសើរដល់ព្រះសង្ឃ ថ្នាក់ដឹកនាំ មន្ត្រីរាជការ , សប្បុរសជនក្នុងនិងក្រៅខេត្ត ដែលបានខិតខំយកចិត្តទុកដាក់ជួយឧបត្ថម្ភ និងទទួលខុសត្រូវខ្ពស់ ក្នុងការជួយប្រជាពលរដ្ឋយើងនៅមូលដ្ឋាន ។
ក្នុងនោះដែរ លោកស្រី ក៏បានសំណូមពរដល់បងប្អួនប្រជាពលរដ្ឋថា សួមបងប្អួនទាំងអស់ត្រួវជៀ សឲ្យឆ្ងាយពីគ្រឿងញៀន កុំលេងល្បែងស៊ីសង ត្រួវចេះស្រលាញ់គ្នាទៅវិញទៅមក បើយើងវក់នឹងល្បែងស៊ីសង វានាំឱ្យយើងវិនាសអន្តរាយទ្រព្យសម្បត្តិ ផ្ទះសម្បែងជាដើម ។ ដូច្នោះសូមឱ្យបងប្អួនទាំងអស់កុំប្រព្រិត្តខុសឲ្យសោះ ។ បងប្អូនប្រជាពលរដ្ឋដែលទទួលបានអំណោយ បានថ្លែងអំណរគុណ ចំពោះថ្នាក់ដឹកនាំខេត្ត ក៏ដូចប្រធានមូលិធិ ដែលតែងតែគិតគូពីការលំបាករបស់ពួកគាត់ នៅតាមមូលដ្ឋាន ពិ សេសពលរដ្ឋដែលកំពុងរងគ្រោះនាពេលនេះ ។ អំណោយមនុស្សធម៌ ដែលចែកជូនដល់ដៃប្រជាពលរដ្ឋក្រីក្រ និង ចាស់ជរាទាំងអស់ចំនួន១៧គ្រួសារ រួមមាន អង្ករ២៥គីឡូក្រាម ចានស្រាក១ ,បំពង់ទឹកក្តៅ១ ,ជ្រុញ១ ,ឆ្នាំង១ ,ខ្ទះឆា១ ,ស្កសរ១គឺឡូ ,ស្បែកជើង១គូ ,សារ៉ុង១ , ទឹកស៊ីអ៊ីវ២ដប ទឹកត្រី២ដប និងថវិកាមួយចំនួនទៀត ៕
អត្ថបទ ៖ នីយ៉ា
