ខេត្តប៉ៃលិន ៖ កាំកុងត្រូលសាខាខេត្តប៉ៃលិន សហការជាមួយមន្ទីរពាណិជ្ជកម្មខេត្ត ដឹកនាំដោយលោក សាន វិជ្ជា សារ៉ាវុធ ប្រធានកាំកុងត្រូលសាខាខេត្ត បានចុះត្រួតពិនិត្យទំនិញហួសកាលបរិច្ឆេទ និងខូចគុណភាព នៅតាមបណ្តាតូបនានាជុំវិញផ្សារសាមគ្គី ហៅប៉ាហ៊ី ដោយប៉ះចំស្តង់ក្រុមហ៊ុនចែកចាយប្រហិតធំជាងគេមួយកន្លែង យីហោ ស៊ីភី(CP) រកឃើញស្លាបមាន់ ជង្គង់មាន់ ខូចគុណភាព និងដកហូតប្រហិតគ្រប់ប្រភេទចំនួន២២០គីឡូ ក្រាម ។
បន្ទាប់ពីជំនាញពិនិត្យឃើញថា របស់ទាំងនោះ ត្រូវម្ចាស់ដាក់តាំងលក់គ្មានបច្ចេក ទេសត្រឹមត្រូវ ដោយអត់បានក្លាសេទឹកកកឱ្យត្រជាក់ដិតដល់ ទើបដកហូតយកទៅដុតកំទេចចោលតែម្តង ។
ហេតុការណ៍នេះ បានធ្វើឡើងកាលពីវេលាម៉ោង១០ព្រឹក ថ្ងៃទី២០ ខែកក្កដា នេះ ស្ថិតនៅជុំវិញផ្សារសាមគ្គី ក្នុងភូមិប៉ាហ៊ីជើង ភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ។
លោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តប៉ៃលិន បានឱ្យដឹងថា កិច្ចប្រតិបត្តិការ ចុះពិនិត្យទំនិញហួសកាលបរិច្ឆេទ និងខូចគុណភាពលើកនេះ ខាងលោកបានធ្វើការឆែកឆេររកឃើញថា ក្រុមហ៊ុនមួយយីហោស៊ីភី (CP) ដែលម្ចាស់ដាក់តាំងលក់គ្រឿងបរិភោគ គ្មានបច្ចេទកទេសត្រឹមត្រូវ ខណៈប្រហិតសាច់គោ សាច់ត្រី សាច់មាន់ ដែលនាំចូ លមកពីប្រទេសថៃថ្មីៗ មិនទាន់ហួសកាលបរិច្ឆេទនៅឡើយ ។
ប៉ុន្តែឈ្មួញយកមកដាក់តាំ ងលក់ ដោយអត់មានក្លាសេទឹកកក ឱ្យត្រជាក់ដិតដល់ បណ្តាលខូចគុណភាព រហូតដល់ធុំក្លិនស្អុយ ចេញដង្កូវវាររវើកនៅកន្លែងនោះថែមទៀតផង ។
លោកបន្តទៀតថា ដូច្នេះខាងលោក ត្រូវតែដកហូតយកទៅដុតកំទេចចោល ដោយមិនអនុញ្ញាតិឱ្យម្ចាស់បន្តលក់ចែកចា យឱ្យម៉ូយយកទៅចៀនលក់តាមម៉ូតូ ឬនៅកន្លែងណានោះឡើយ ព្រោះប៉ះពាល់ដល់សុខភាពធ្ងន់ធ្ងរ ជាពិសេសកុមារតូចៗ អាចបណ្តាលឱ្យរាគរុស ក្អួតចង្អោរ និងគ្រោះថ្នាក់ដល់អាយុជីវិតថែមទៀតផង ។
លោកក៏បានធ្វើកិច្ចសន្យារាងចាលដល់ម្ចាស់ស្តង់ ដោយលើក ក្រោយ ការលក់ប្រហិតគ្រប់ប្រភេទ ត្រូវតែប្រើទឹកកកជាប្រចាំ ដើម្បីរក្សាគុណភាព ហើយ បើខាងលោកពិនិត្យឃើញបែបនេះម្តងទៀត នឹងរៀបចំកសាងសំនុំរឿងបញ្ជូនទៅតុលាការ ឱ្យចាត់ការតាមផ្លូវច្បាប់ ។
ចំណែក នំចំណី និងម្ហូបអាហារផ្សេងៗ ខាងលោកក៏បានណែដល់អាជីវករ ដែលដាក់តាំងលក់នៅលើដី តាមដងផ្លូវក្នុងផ្សារ ត្រូវតែគ្របថង់ឱ្យបានល្អ ជៀសវាងប្រជាព លរដ្ឋបើកបរម៉ូតូ រថយន្តចុះឡើងៗ ហុយទៅលើរបស់ទាំងនោះ លុះពេលទិញយកទៅទទួ លទាន អាចបណ្តាលឱ្យមានបញ្ហាសុខភាព ។
សូមបញ្ជាក់ថា ទំនិញខូចគុណភាព និងហួសកាលបរិច្ឆេទ ដែលកាំកុងត្រូលដកហូ តបានទាំងអស់ រួមមាន ទឹកខ្មេះថៃ (មានជាតិអាស៊ីត) រូបសញ្ញាទន្សាយ១៧ដប ទឹកក្រូចដបធំ៤ដប ម្ស៉ៅស៊ុបរ៉ូឌី៥០កញ្ចប់តូច ទឹកក្រូចដបតូច៥៧ដប និងប្រហិតចំរុះចំនួន២២០គីឡូក្រាម ។ រហូត ដល់វេលាម៉ោង២និង៣០នាទីរសៀលថ្ងៃដដែល កាំកុងត្រូលសាខាខេ ត្តប៉ៃលិន បានដុតកំទេចចោលប្រហិតខូចគុណភាពទាំងនោះនៅក្បែរស្នាក់ការ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ៕
ដោយ ៖ នីយ៉ា
