ខេត្តប៉ៃលិន ៖ ប្រជាពលរដ្ឋក្មេងចាស់ប្រុស្រីជាង៣០នាក់ បានលើកគ្នាទៅតវ៉ានៅ មុខសាលាខេត្ត សុំឱ្យអាជ្ញាធរខេត្តប៉ៃលិនជួយអន្តរាគមន៍ដោះស្រាយបើកផ្លូវឯកជនមួយកន្លែង ដើម្បីចូលផ្ទះរបស់ពួកគេ ខណៈម្ចាស់ដីថា ដីរបស់គាត់មានប្លង់កម្មសិទ្ធិត្រឹមត្រូវ មិ នអាចបើកផ្លូវ ចំពាក់កណ្តាលដីឱ្យអ្នកភូមិជិះម៉ូតូ ឬបើកបររថយន្តឆ្លងកាត់ទៅមករាល់ថ្ងៃនោះទេ គឺបើកបានតែនៅក្បែរមាត់អូរប្រវែងជាង២ម៉ែត្រប៉ុណ្ណោះ ។
ហេតុការណ៍លើកគ្នាតវ៉ានៅមុខសាលាខេត្ត សុំការអន្តរាគមន៍ពីអាជ្ញាធរ នេះ បានកើតឡើងកាលពីវេលាម៉ោង៨ និង៣០នាទីព្រឹកថ្ងៃទី២១ ខែកក្កដា ឆ្នាំ២០១៦ សុំឱ្យអភិបា លខេត្តប៉ៃលិន ជួយសុំម្ចាស់ដីគេឱ្យបើកផ្លូវដើរនៅចំណុចក្បែរមុខសាលាបឋមសិក្សាសខេងអូរតាវ៉ៅ ក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ។
ប្រជាពលរដ្ឋបានឱ្យដឹងថា រាល់ថ្ងៃប្រជាពលរដ្ឋចំនួន៤១គ្រួសារ រស់នៅចំណុចខា ងលើ អត់មានផ្លូវចេញចូលទៅផ្ទះស្រួលបួលនោះឡើយ ដោយសារម្ចាស់ដីគេបិទផ្លូវចំក ណ្តាលដីមិនឱ្យធ្វើដំណើរ គឺបើកតែនៅក្បែរមាត់អូរប្រវែង២ម៉ែត្រ ឱ្យចេញចូលប៉ុណ្ណោះ ដែលចាហេតុធ្វើឱ្យពួកគាត់មួយចំនួនរអិលកង់ម៉ូតូធ្លាក់ចូលប្រឡាយទឹកជាញឹកញាប់ ហើ យមិនអាចបើកបររថយន្តតាមផ្លូវកើតនោះទេ ។ ប្រភពបន្តទៀតថា ជាពិសេសនៅពេលរដូ វប្រាំង អត់មានរថយន្តដឹកទឹកលក់ណាមួយអាចបើកបរយកទៅលក់ជូនពួកគាត់បានដែរ ។ លើសពីនេះទៀត បើសិនជាមានករណីគ្រោះអាសន្នភ្លើងឆេះផ្ទះនោះមិនអាចឱ្យរថយន្ត ពន្លត់អគ្គីភ័យចូលទៅជួយសង្គ្រោះប្រជាពលរដ្ឋនៅទីនោះបានទេ ព្រោះគ្មានផ្លូវ ។ ដូច្នេះ ពួកគាត់លើកគ្នាមកតាវ៉ាសុំឱ្យអភិបាលខេត្តប៉ៃលិន ជួយសុំម្ចាស់ដីគេឱ្យបើកផ្លូវចំកណ្តាល ដី ព្រោះអីកាលពីមុនត្រង់កន្លែងនោះជាផ្លូវ សម្រាប់ធ្វើដំណើរចេញចូលទៅមក ។
ចំណែកលោក មឿន សេង និង អ្នក ស្រីមាស សុឃីម ជាម្ចាស់ដីបានឱ្យដឹងថា ដី របស់គាត់ទិញជាយូរមកហើយ ថែមទាំងមានចៅសង្កាត់អូរតាវ៉ៅ និងសុរិយោដីបានធ្វើប្លង់កម្មសិទ្ធិរួចរាល់ថែមទៀតផង ដោយពីមុនគ្មានផ្លូវអ្វីនោះទេ គឺគាត់អាណិតអ្នកភូមិបើកឱ្យដើរនៅកណ្តាលដីប៉ុណ្ណោះ លុះក្រោយមកគាត់បានលើកផ្ទះធំ ក៏បិទផ្លូវកណ្តាល ។ តែឱ្យដើរនៅក្បែរមាត់អូរដែរ គឺមិនបានបិទទាំងស្រុងនោះឡើយ ។
ពួកគាត់បន្តទៀតថា ប្រជាពលរដ្ឋទាំងនោះបានរករឿងប្តឹងទៅអាជ្ញាធរសុំឱ្យបើកផ្លូវក្នុងដីរបស់គាត់ជាច្រើនលើកច្រើ នសារមកហើយ តែបើចង់ឱ្យគាត់បើកទាល់តែទិញដីនោះ ដែលមានប្រវែងទទឹង៣០ម៉ែត្រ និង បណ្តោយ៤០ម៉ែត្រក្នុងតម្លៃ៣ម៉ឺនដុល្លារ នោះគាត់នឹងរើផ្ទះចេញភ្លាមចង់ធ្វើផ្លូវក៏ធ្វើចុះ ។
ពាក់ព័ន្ធនឹងបញ្ហានេះ លោក ជំទាវ ជា លាភ អភិបាលរងខេត្តប៉ៃលិន បានចេញមក អន្តរាគមន៍ឱ្យដឹងថា សុំឱ្យបងប្អូនប្រជាពលរដ្ឋទាំងអស់ត្រឡប់ទៅផ្ទះវិញសិនចុះ បើនាំគ្នាឈរច្រូងច្រាងនៅមុខសាលាខេត្តបែបនេះ គឺមើលទៅមិនសមរម្យនោះឡើយ ។ លោកជំ ទាវបន្តទៀតថា ខាងខេត្តកំពុងតែដំណើរការ ធ្វើការដោះស្រាយឱ្យពួកគាត់មានផ្លូវអាចឱ្យម៉ូតូ ឬរថយន្តចេញចូលទៅផ្ទះរបស់ខ្លួនតាមផ្លូវនោះបានស្រួល ។ ម្យ៉ាងវិញទៀត ការដោះ ស្រាយផ្លូវនោះមានការលំបាកយ៉ាងខ្លាំង ព្រោះជាដីកម្មសិទ្ធិឯកជន ដូច្នេះបើគេបើកឱ្យដើរ នៅក្បែរមាត់អូរ នោះយើងមិនអាចសុំគេដើរនៅកណ្តាលដីបានឡើយ ៕
ដោយ ៖ នីយ៉ា
