ខេត្តកណ្តាល ៖ ប្រភពពីប្រជានេសាទត្រីនៅតំបន់ចុងខ្សាច់ ស្រុកកៀនស្វាយ និងតំបន់ប្រឡាយយាយបូ ជាប់ព្រំប្រទល់ស្អាង គឺនៅចំណុចដីបឹងរបស់លោកឡោកហួ បានទិញនោះ បានរាយការណ៏មកថា ជារៀងរាល់ឆ្នាំ មានទាហានយាមដីអោយលោកឡោកហួ មួយក្រុមដឹកនាំដោយឈ្មោះ ម៉ែន សុធី ហើយមានទាំងអវុធវែងខ្លីច្រូងច្រា ងដើរគំរាមក្រុមអ្នកឆក់ត្រីតាមតំបន់នោះអោយបង់លុយអោយពួកគេដោយទូកឆក់១គ្រឿងត្រូវតែបង់លុយអោយ ម៉ែន សុធី ទាហានកាងឆក់កាងដីបឹងនោះចាប់១៥;២០មឺុនរៀលក្នុង១រដូវ ។
ប្រជានេសាទបានបន្តថា បើមិនបង់លុយតាមការកំណត់នេះទេ ត្រូវពួកគេដេញចាប់ប្រផាប់ប្រភីង បាញ់កាំភ្លើងរត់បែកទឹកសំពោងឥឡូវណ្នឹង ហើយតែពួកគេចាប់បាននោះ ត្រូវដាក់ខ្នោះដៃ ឬចងស្លាបសេក និងក្រមាយកមកទុកក្នុងរោងចាំដីមួយយប់ទៅពីរយប់ រហូតប្រពន្ទកូនឬអ្នកផ្ទះរកលុយបានទៅលោះ ទើបបានត្រឡប់មករកស៊ីបានវិញ ហើយត្រូវតែបង់ប្រាក់ជូនលោកទាហានខាងលើនោះ ដូចគេឯងអីចឺងទើបបានសុខ។
ប្រភពបានបញ្ជាក់ថា ឈ្មោះ ម៉ែន សុធី នេះអតីតជាទាហាននៅស្រុកកៀនស្វាយ ហើយបច្ចុប្បន្នជាជុំនួយការលោកឈៀ
ស៊ីដារ៉ា (ហៅម៉ាញ់)ជាមេបញ្ជាការយោធាសឹងរងខេត្តកណ្តាល និងត្រូវបានលោក ឡោក ហួ ស្នើសុំយកទៅមើលការខុសត្រូវកន្លែងដីធ្លីរបស់គាត់នៅចំខាងលើនោះឯង ។
ទាក់ទិននិងការចោទប្រកាន់ខាងលើនេះដែរ លោក ម៉ែន សុធី បានប្រាប់អ្នកយកព័ត៌មានយើងតាមទូរស័ព្ទពីព្រឹកថ្ងៃទី៨ខែមិនាឆ្នាំ២០១៦នេះថា លោកពុំមានការពាក់ពន្ទ័ណាមួយដូចការចោទខាងលើនេះទេ ។ ខ្ញុំគ្មានពេលឯណាទៅធ្វើដូច្នេះឡើយ ហើយក៏បានផ្តាច់ទូរសព្ធ័ថា ជាប់ទទួលឯកឧត្តម ឡោក ហួ មេគាត់អញ្ជើញមកដល់ ។ ចំណែកលោក ឈៀ ស៊ីដារ៉ា ដែលជាមេបញ្ជាការយោធាសឹងរងខេត្តកណ្តាលនោះ អ្នកយកព័័ត៌មានយើងមិនអាចសុំការបំភ្លឺបានទេ ដោយធ្វើការទំនាក់ទំនងតាមទូរសព្ធ័ពុំបាន ៕
សហការី CanyS
