ដោយអនុវត្តតាមគោលកាណ៍ ដឹកនាំរបស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់អោយលោក ចាន់ គន្ថេត អភិបាលរងខណ្ឌ ដឹកនាំកម្លាំងគណៈបញ្ជាការឯកភាពរដ្ឋបាលខណ្ឌដូនពេញ បន្តចុះត្រួតពិនិត្យតាមភោជនីយដ្ឋានជុំវិញ និងក្នុងផ្សារហ្គោលឌែនសូរិយាម៉ល និងខារ៉ាអូខេ និងរង្គសាល ក្នុងមូលដ្ឋានខណ្ឌ ជាលទ្ធផល៖ ម្ចាស់ភោជនីយដ្ឋានទាំងនោះពុំបានអនុវត្តតាមកិច្ចសន្យាអប់រំណែនាំរបស់ រដ្ឋបាលខណ្ឌដូនពេញ កន្លងមកនោះទេ ដោយពួកគាត់បានចាក់ភ្លេងលឺខ្លាំងៗ បង្កអោយប៉ះពាល់ដល់អ្នកជិតខាងថែមទៀត។
សូមបញ្ជាក់ថា៖ រដ្ឋបាលខណ្ឌដូនពេញ បានធ្វើកិច្ចសន្យាភោជនីយដ្ឋានចំនួន០៣ទីតាំង ស្ថិតនៅក្នុងផ្សារហ្គោលឌែនសូរិយាម៉ល ជាលើកចុងក្រោយ ក្នុងករណីម្ចាស់ទីតាំងខាងលើនៅតែមិនអនុវត្តតាមការណែនាំនេះ គណៈបញ្ជាការឯកភាពរដ្ឋបាលខណ្ឌ នឹងមានវិធានការយ៉ាងម៉ឺងម៉ាត់បំផុត ដោយ ដកហូតអាជ្ញាប័ណ្ណ និងបិទអាជីវកម្មនេះ តែម្តង។
