ណ្តាល ៖ កាលពីថ្ងៃទី២៣ ខែកុម្ភៈ ឆ្នាំ២០១៦ អ្នកកញៀនល្បែងជល់មាន់ចំនួនបួននាក់ លោកវរៈសេនីយ៍ទោ សេង សុជាតិ អធិការដ្ឋាននគរបាលស្រុកស្អាងបានដឹកនាំកងកម្លាំនគរបាល ជាតិចុះបង្កាបទីតាំងមាន់ជល់ចាប់បានរួមនឹងវត្ថុតាងមួយចំនួន ត្រូវបានសមត្ថកិច្ចនគរបាលស្រុកស្អាងបង្ក្រាប បន្ទាប់ពីមានសេចក្តីរាយការណ៏មកថា ទីតាំងជល់មាន់នេះបានកើតមានជាយូរមកហើយ។
លោកវីរៈសេនីយ៏ទោ សេង សុជាតិ អធិការនគរបាលស្រុកស្អាងមានប្រសាសន៏ថា ការធ្វើការបង្ក្រាបទីតាំងជល់មានដុះស្លែ គឺធ្វើឡើងតាមបញ្ជារបស់លោកឧត្តមសេនីយ៏ទោ អ៊ាវ ចំរើន ស្នងការនគរបាលស្រុកស្អាង ក្រោយពីទទួលបានសេចក្តីរាយការណ៏ពីពលរដ្ឋ នៅក្បែរទីតាំងជល់មាន់ដុះស្លែមួយនេះ ស្ថិតនៅក្នុងភូមិអំពិលលាស់ ឃុំក្រាំងយ៉ូវ ស្រុកស្អាង ខេត្តកណ្តាល។
លោកអធិការបន្តថា ការដឹកនាំកម្លាំងចុះបង្ក្រាបនៅរសៀលងថ្ងៃទី២៣ កុម្ភៈនេះ សមត្ថកិច្ចឃាត់ខ្លួនអ្នកជល់មានចំនួន៤នាក់ រួមទាំងវត្ថុតាងមួយចំនួន ក្នុងនោះមានដូចជាមាន់ឈ្មោលចំនួន៥ក្បាល កន្ត្រកដាកមាន់ចំនួន៦ និងសំបកស្កុតសម្រាប់រំខ្នាយមាន់មួយចំនួន។ ចំណែកអ្នកញៀនល្បែងទាំង៤នាក់រួមមាន ទី១.ឈ្មោះ ផាន សេ ភេទប្រុស អាយុ៥០ឆ្នាំ ជនជាតិខ្មែរ មុខរបរកសិករ មានទីលំនៅភូមិជម្ពូព្រឹក ឃុំចំប៉ា ស្រុកព្រៃកប្បាស ខេត្តតាកែវ។ ២.ឈ្មោះ អ៊ឹង សុខនី ភេទប្រុស អាយុ ៣២ឆ្នាំ ជនជាតិខ្មែរ មុខរបរសិស្ស មានទីលំនៅភូមិព្រែកតាជ្រូក ឃុំព្រែកគយ ស្រុកស្អាង ខេត្តកណ្តាល ។ ៣. ឈ្មោះ សួន សុបញ្ញា ភេទប្រុស អាយុ៣៥ឆ្នាំ ជនជាតិខ្មែរមុខរបររត់ម៉ូតូឌុប មានទីលំនៅភូមិព្រែកធំ ឃុំក្បាលកោះ ស្រុកកៀនស្វាយ ខេត្តកណ្តាល។ ៤. ឈ្មោះ អេន យូសុះ ភេទប្រុស អាយុ៤២ឆ្នាំ ជនជាតិខ្មែរឥស្លាមមុខរបរទិញគោ មានទីលំនៅភូមិត្រាំខ្នា ឃុំសូទី ស្រុកបាទី ខេត្តតាកែវ។
ចំណែកម្ចាស់ទីតាំងនៅសង្វៀនជល់ មាន់ខាងលើឈ្មោះ ហេង មានទីលំនៅក្បែរសង្វៀនជល់មាន់ក្នុងភូមិឃុំខាងលើនេះ។ ប៉ុន្តែសមត្ថកិច្ចមិនបានឃាត់ខ្លួនម្ចាស់ទីតាំងនោះឡើយ ដោយសារដឹងមុនរត់គេចខ្លួនបាត់។
លោក សេង សុជាតិ អះអាងថាក្រោយពីធ្វើការឃាត់ខ្លួនអ្នកញៀនល្បែងទាំងនេះ លោកបានស្នើសុំយោបល់ពីលោកព្រះរាជអាជ្ញា សាលាដំបូងខេត្តកណ្តាល ដើម្បីស្នើសុំចាត់ការតាមនីតិវិធីច្បាប់ ៕
ដោយ សហការី
