(ភ្នំពេញ) ÷ថ្ងៃព្រហស្បតិ៍ ៣ កើត ខែស្រាពណ៏ ឆ្នាំជូត ទោស័ក ពស ២៥៦៤ ត្រូវនឹង ថ្ងៃទី២៣ ខែកក្កដា ឆ្នាំ២០២០ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់អោយ លោក យស យុទ្ធី អភិបាលរងខណ្ឌដូនពេញ និង លោក នី សាមិត្ត ប្រធានការិយាល័យ សាធារណៈការ និង សណ្តាប់ធ្នាប់ខណ្ឌ ដឹកនាំកម្លាំង គណៈបញ្ជាការឯកភាពខណ្ឌដូនពេញ បន្តចុះរៀបចំសណ្តាប់ធ្នាប់សាធារណៈ តាមបណ្តោយផ្លូវលេខ ១៣៦ ស្ថិតនៅក្នុងសង្កាត់ផ្សារកណ្តាលទី១ ដោយធ្វើការ រុះរើសំយ៉ាប តុ កៅអី ផើងផ្កា រួមទាំងរនាំងរឹងមាំបិតបាំងចិញ្ចើមផ្លូវសាធារណៈមួយចំនួន ជាលទ្ធផលនៃការចុះរៀបចំសណ្តាប់ធ្នាប់នេះឃើញថា មានបងប្អូនប្រជាពលរដ្ឋចំនួន ៣៧ផ្ទះ បានចូលរួមដោយរុះរើសំយ៉ាបផ្ទះដោយខ្លួនឯង ដោយឡែកសំយ៉ាប់នៅមុខផ្ទះបងប្អូនប្រជាពលរដ្ឋចំនួន ០៩ទៀត ក៏កំពុងបន្តការុះរើផងដែរ។
