ស្រុកកោះធំ ៖ កាលពីថ្ងៃទី២១ខែកុម្ភះឆ្នាំ២០១៦កង កម្លាំងនគរបាលស្រុកកោះធំ ខេត្តកណ្តាលបានចុះបង្កាបមុខសញ្ញាបើកលេងល្បែងស៊ីសងខុសច្បាប់ ( កន្ទុយលេខ ) នៅថ្ងៃទី២១ខែកុម្ភះឆ្នាំ២០១៦ វេលាម៉ោង ១៦:០០នាទី ដែលមានទីកន្លែងកើតហេតុ នៅចំណុចភូមិចុងខ្សាច់ ឃុំឈើខ្មៅ ស្រុកកោះធំ ខេត្តកណ្ដាល ។ ជនសង្ស័យ ០១ នាក់ (ឃាត់ខ្លួន) ១/-ឈ្មោះ សាម វណ្ណា ភេទ ប្រុស អាយុ ២៩ ឆ្នាំ ជនជាតិ ខ្មែរ មុខរបរ កសិករ មានទីលំនៅ ភូមិខ្ពប ឃុំសំពៅពូន ស្រុកកោះធំ ខេត្តកណ្តាល ។
វត្ថុតាងចាប់យក ១/-ក្រដាសកត់កន្ទុយលេខចំនួន ០៦ សន្លឹក (ធំ០៣, តូច០៣) ។ ២/-ទូរស័ព្ទដៃចំនួន ០១ គ្រឿង ។ ៣/-ប្រាក់រៀលចំនួន ៤៩៦.៤០០ រៀល ។ ៤/-ប្រាក់វៀតណាមចំនួន ៤៩៨.០០០ ដុង ។ ៥/-ម៉ូតូម៉ាក PCX ពណ៏ស ចំនួន ០១ រឿង ។
ករណីឃាត់ខ្លួននេះនៅពេលវេលាម៉ោងកើតហេតុខាងលើ កម្លាំងជំនាញនៃអធិការដ្ឋាននគរបាលស្រុកកោះធំ ចុះល្បាតក្នុងភូមិសាស្ត្រដល់ចំណុចខាងលើ ហើយប្រទះឃើញជនសង្ស័យខាងលើ កំពុងជឹះម៉ូតូដើរប្រមូលផូយកន្ទុយលេខ ។ ឃើញដូចនេះ កម្លាំងជំនាញចុះទៅបង្ក្រាបចាប់បានជនសង្ស័យខាងលើ ចំណែកអ្នកកត់កន្ទុយលេខប្រមាណ ០៦ ទៅ ០៧ នាក់ជាកូនស៊ីវបានរត់គេចខ្លួនពេលសមត្ថកិច្ចចុះបង្ក្រាប ។
ជនសង្ស័យបានសារភាពថា ៖ រូបគេទទួលស៊ីសងដោយខ្លួនឯង ដោយមិនបានយកបន្តទៅណាទៀតឡើយ ។ ចំពោះករណីនេះ កម្លាំងជំនាញនគរបាលយុត្តិធម៌ស្រុកកោះធំ កំពុងធ្វើការសាកសួរតាមនីតិវិធី ៕
ដោយ សហការី (CanyS)
