កណ្តាល ៖ កាលពីថ្ងៃទី១៧ខែកុម្ភៈឆ្នាំ២០១៦កន្លងមកនេះ សម្តេចក្រឡាហោម ស ខេង នាយករដ្ឋមន្ត្រីស្តីទីបានអញ្ជើញមកបិទវគ្គ សន្និបាតបូកសរុបការងារឆ្នាំ២០១៥ និងលើកទិសដៅការងារឆ្នាំ២០១៦របស់រដ្ឋបាលខេត្តកណ្តាល នៅសាលប្រជុំ(អាគB) ខេត្តកណ្តាលសម្តេចក្រឡាហោម ស ខេង បានមានប្រសាសន៍ ថា កម្ពុជាទទួលបានចំណាត់ថ្នាក់ប្រទេសជោគជ័យបំផុត ទី៤ក្នុងការកាត់បន្ថយភាពក្រីក្រឆ្នាំ២០១៥ សេដ្ឋកិច្ចកម្ពុជាមានកំណើនប្រមាណ៧ភាគរយ ដោយសារការរីចំរើ ននៃវិស័យឧស្សាហកម្ម សេវាកម្ម និងកសិកម្ម ។
សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានមានប្រសាសន៍យ៉ាងដូច្នេះ ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៥និ ងលើកទិសដៅការងារឆ្នាំ២០១៦ របស់រដ្ឋបាលសាលាខេត្តកណ្តាល កាលពីរសៀលថ្ងៃទី១៧ កុម្ភៈ ២០១៦។ សម្តេច បានលើកឡើងថា ដោយមានការចូលរួមចំណែក និងការគាំទ្រ ពីក្រសួងស្ថាប័នរបស់រាជរដ្ឋភិបាល ផ្នែកឯកជន និងអ្នកពាក់ព័ន្ធនានា បានខិតខំអភិវឌ្ឍខេ ត្តឱ្យមានការរីកចំរើន ទាំងហេដ្ឋារចនាសម្ព័ន្ធរូបវន្ត័ និងអរូបវន្ត័ក្នុងវិស័យសេដ្ឋកិច្ច សង្គម រ ដ្ឋបាល ដែលចូលរួមចំណែកយ៉ាងសំខាន់ ក្នុងការទ្រទ្រង់កំណើនសេដ្ឋកិច្ចជាតិប្រកបដោ តបរិយាបន្ន័ និងចីរភាព។
សម្តេចក្រឡាហោម ក៏បានមានប្រសាសន៍បន្តដែរថា អាស្រ័យដោយកិច្ចខិតខំប្រឹង ប្រែងទាំងនេះ បានធ្វើឱ្យកម្ពុជាសម្រេចបានកំណើនសេដ្ឋកិច្ចប្រចាំឆ្នាំជាមធ្យម៧,៧% ក្នុងរយៈពេលជាងមួយទសវត្សចុងក្រោយនេះ ដែលត្រូវបានចាត់បញ្ជូលជាប្រទេសក្នុងក្រុមឯក ទគ្គករកំណើនទាំង៨នៅលើពិភពលោក។ សម្រាប់ឆ្នាំ២០១៥នេះ សេដ្ឋកិច្ចកម្ពុជាមានកំ ណើនប្រមាណ៧% ដោយសារការរីកចំរើនលើវិស័យឧស្សាហកម្ម សេវាកម្ម និងកសិកម្ម។ផលិតផលក្នុងស្រុកសរុបសម្រាប់ប្រជាជនម្នាក់បានកើនពី ២៥៣ដុល្លារ នៅក្នុងឆ្នាំ១៩៩៨ដល់ ១.២២៨ដុល្លារអាមេរិកនៅឆ្នាំ២០១៥។លើមូលដ្ឋាននេះ អត្រាភាពក្រីក្រត្រូវបានកាត់បន្ថយ ពី៥៣,២% នៅឆ្នាំ២០០៤ មកត្រឹម ១៣,៥% នៅឆ្នាំ២០១៤ ដែលធ្វើឱ្យកម្ពុជាទទួលបានចំណាត់ថ្នាក់ជាប្រទេសជោគជ័យបំផុតទី៤ លើពិភពលោកក្នុងការកាត់បន្ថយភាពក្រីក្រ ដោយសម្រេចបានគោលដៅអភិវឌ្ឍន៏សហស្សវត្ស ក្នុងការកាត់បន្ថយអត្រាភាពក្រីក្រមុនកាលបរិច្ឆេទកំណត់នាចុងឆ្នាំ ២០១៥។
ទន្ទឹមហ្នឹងនោះ សម្តេចក្រឡាហោម ក៏បានសង្កត់ធ្ងន់ដែរថា ឆ្នាំ២០១៦នេះ ជាឆ្នាំទី៣ នៃការអនុវត្តន៍កម្មវិធីកំណែទម្រង់ ក្នុងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលសម្រាប់នីតិកាលតី៥នៃរដ្ឋសភា និងក៏ជាឆ្នាំដែលប្រទេសយើងត្រូវត្រៀមរៀបចំ ការបោះឆ្នោតឃុំ សង្កាត់ លើកទី៤ នាឆ្នាំ២០១៧ខាងមុខនេះផងដែរ។ ដូច្នេះ យើងត្រូវតែរួមគ្នាសម្រេចឱ្យបាននូវទិសដៅយុទ្ធសាស្ត្រសំខាន់ចំនួន ៣៖រួមមានទីមួយ បន្តខិតខំថែរក្សាពង្រឹងសន្តិភាព ស្ថេរភាពនយោបាយ សន្តិសុខ សណ្តាប់ធ្នាប់សារធារណៈ សំដៅបង្កលក្ខ ណៈសម្បត្តិអនុគ្រោះដល់ការរីកចម្រើនរឹងមាំបន្ថែមទៀតនូវ លទ្ធិប្រជាធិបតេយ្យ សេរីពហុបក្សi និងការអភិវឌ្ឍន៍សេដ្ឋកិច្ចសង្គមលើគ្រប់វិស័យ។ ទីពីរ បន្តជំរុញការអនុវត្តន៍កម្មវិធីកំណែ ទម្រង់នានា ដែលបានកំណត់ក្នុងយុទ្ធសាស្ត្រចតុកោណរបស់រាជរដ្ឋាភិបាល ក្នុងនោះរួមទាំងកំណែទម្រង់វិមជ្ឈការ និងវិសហមជ្ឈការ ដើម្បីបង្កើតឡើងនូវកាលានុវត្តភាពថ្មីៗបន្ថែមទៀត សម្រាប់ជំរុញកំណើនសេដ្ឋកិច្ច និងការកាត់បន្ថយភាពក្រីក្រ ប្រកបដោយសមធម៌ និងចីរភាព និងទីបី ខិតខំប្រមូលផ្តុំបង្កើនប្រសិទ្ធភាពនៃការផ្តល់សេវាសាធារណៈ ការខិតខំ ដោះស្រាយសំណើរ សំណូមពរនានារបស់ប្រជាពលរដ្ឋ ក៏ដូចជាបញ្ហាប្រឈមនានាក្នុ
ងមូលដ្ឋាន សំដៅធានាលើកកម្ពស់ការចូលរួមរបស់ប្រជាពលរដ្ឋក្នុងកិច្ចការគ្រប់វិស័យសង្គម ៕
ដោយ ហុក វិបុល
