ខេត្ដប៉ៃលិន ៖ ប្រជាពលរដ្ឋបានឱ្យដឹង ថា បច្ចុប្បន្ននេះមានក្រុមឈ្មួញមួយ ក្រុមបានយកគ្រឿងចក្រទៅធ្វើសកម្ម ភាពជីកកកាយដីយករ៉ែត្បូងជាទ្រង់ទ្រាយធំនៅចំណុចជាប់មាត់ស្ទឹងប រយ៉ាខា ស្ថិត ក្នុងភូមិបរតាំងស៊ូ សង្កាត់បរយ៉ាខា ក្រុងប៉ៃលិន ។ ប្រជាពលរដ្ឋថា ក្រុមឈ្មួញ ទាំងនោះបានធ្វើសកម្មភាពជីកកកាយដីមានទំហំទទឹងជិត៥០ម៉ែត្រនិង បណ្ដោយប្រហែល៧០ម៉ែត្រនិងមានជម្រៅ ប្រហែលជាង៥ម៉ែត្រ ។
លោក វណ្ណ ស៊ីរ៉ាណេ ប្រធានការិយា ល័យរ៉ែ និងថាមពលនៃមន្ទីររ៉ែ និងថាម ពលខេត្ដប៉ៃលិនបានទទួលស្គាល់ថា ពិត ជាបានអនុញ្ញាតឱ្យជីកកកាយយករ៉ែ នោះមែន ព្រោះក្រសួងអនុញ្ញាតចេញ ច្បាប់ជាលក្ខណៈគ្រួសារហើយគេអាច ប្រើគ្រឿងចក្រតូច និងធំបាន ។
បើតាមម្ចាស់គ្រឿងចក្រម្នាក់បាន និយាយថាការដែលពួកគេអាចជីកកកាយដីនេះបានគឺព្រោះតែគេមានច្បាប់ តាំងពី សង្កាត់រហូតដល់មន្ទីររ៉ែនិងថាមពលខេត្ដ ទើបគេហ៊ានជីកជាទ្រង់ទ្រាយធំយ៉ាងនេះ ដោយមិនខ្វល់ពីជម្រៅប៉ុន្មានម៉ែត្រនោះឡើយ ។
លោក គឹម សុខា ប្រធានមន្ទីរបរិស្ថាន ខេត្ដប៉ៃលិនបានថ្លែងថា ខាងមន្ទីរលោក មិនបានអនុញ្ញាតឱ្យមានការជីកកកាយ បែបនេះទេ ។ លោកថា ការជីកបែបនេះ វាប៉ះពាល់ដល់បរិស្ថានធម្មជាតិ ហើយ បើខាងណាគេអនុញ្ញាតក៏អនុញ្ញាតទៅ តែខាងលោកមិនអាចអនុញ្ញាតឱ្យជីក កកាយនោះឡើយ ។
លោកប្រធានមន្ទីរបញ្ជាក់ថា ករណី នេះលោកនឹងដឹកនាំកម្លាំងចុះទៅត្រួត ពិនិត្យក្នុងពេលឆាប់ៗខាងមុខ ៕
