ខេត្តកណ្តាល ៖ កាលពីថ្ងៃទី១៦ ខែកុម្ភៈ ឆ្នាំ២០១៦ ប្រធានការិយាល័យ បសុពេទ្យខេត្តកណ្តាល រងការចោទថា បានឱ្យ មន្ត្រីក្រោមឱវាទដាក់ប៉ុស្តិ៍ត្រួតពិនិត្យ ដើម្បីទារលុយ ពីប្រជាពលរដ្ឋដែលដឹក មាន់, ទា, ជ្រូក ចូលទៅកាន់ទីផ្សារ នានាក្នុងរាជធានី ភ្នំពេញ ។
តាមប្រភពព័ត៌មានបានឱ្យដឹងថា លោក អ៊ុល ដូរិន្ទ ប្រធានការិយាល័យ បសុពេទ្យ និងផលិតកម្ម ខេត្តកណ្តាល បានដាក់ ពង្រាយមន្ត្រីក្រោមបង្គាប់នៅតាមផ្លូវនានាចូលរាជធានី ភ្នំពេញ ដើម្បីឃាត់ម៉ូតូ-រថយន្ត ដែលដឹកមាន់ ទា, ជ្រូក សួររក លិខិតស្នាម ហើយបើគ្មានទេ ពួកគេតម្រូវឱ្យបង់លុយទៅតាមទំហំការ ដឹកតិច-ច្រើន មានចាប់ពី ៥ម៉ឺនរៀល រហូតដល់់ ២០ម៉ឺនរៀល ។
គួរបញ្ជាក់ផង ដែរថា លោក អ៊ុល ដូរិន្ទ ពិតជាបានដាក់ឱ្យមន្ត្រី ក្រោមបង្គាប់ត្រួតពិនិត្យផ្លូវចូលក្រុង ភ្នំពេញ មែនតែមិន បានឱ្យយកលុយពី ពលរដ្ឋដឹកសត្វមកលក់នៅទីផ្សារក្នុង ក្រុងភ្នំពេញនោះទេ គឺគ្រាន់តែដាក់ឱ្យ ត្រួតពិនិត្យសុខភាព សត្វតែប៉ុណ្ណោះ ។ លោកបញ្ជាក់បន្ថែមទៀតថា ការធ្វើបែបនេះគឺមាន លិខិតបេសកកម្មត្រឹមត្រូវពី លោក ម៉ៅ ភិរុណ អភិបាល ខេត្តកណ្តាល ។
ខាងសារព័ត៌មានយើងពុំអាចសុំការទំនាក់ទំនងពីលោកអភិបាលខេត្តកណ្តាល បានទេនៅថ្ងៃនេះ ៕
