(បាត់ដំបង) ៖ស្រុកភ្នំព្រឹក មានករណីគ្រោះថ្នាក់ចរាចរមួយកើតឡើងនៅព្រឹកថ្ងៃទី០៥ ខែ ធ្នូ ឆ្នាំ២០១៩ វេលាម៉ោង០៦៖១០នាទី លោក សុង សុភ័ក្ត្រ អភិបាល នៃគណ:អភិបាលស្រុកភ្នំព្រឹក ក្រោយពីទទួលបានព័ត៌មានករណីគ្រោះថ្នាក់ចរាចរ នៅតាមផ្លូវវិស្វកម្ម ចំណុចស្ពាន ស្ថិតក្នុងភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ដែលមានអ្នករបួសធ្ងន់ និងស្រាលចំនួន៣០នាក់ បានចុះទៅដល់កន្លែងកើតហេតុភ្លាមៗផងដែរ ដើម្បីជួយអន្តាគមន៍ និងសង្គ្រោះយកទៅមន្ទីពេទ្យ ។
ករណីគ្រោះថ្នាក់ចរាចរខាងលើ បង្កឡើងដោយខ្លួន រថយន្តកែច្នៃដឹកកម្មករបេះផ្លែស្វាយ អ្នកបើកបរ ឈ្មោះ សឹង្ហ រ័ត្ន ភេទប្រុស អាយុ៣១ឆ្នាំ រស់នៅភូមិលំផាត់ ឃុំអូរដា ស្រុកកំរៀង រថយន្តកែច្នៃបានដាច់ក្រឡេរទៅបុកគល់ស្ពានពេញទំហឹង បណ្ដាលអោយរងរបួសអ្នកជិ: ចំនួន៣០នាក់ ស្រី២០នាក់ របួសធ្ងន់ចំនួន៦នាក់ ស្រី៥នាក់ របួសស្រាល២៤នាក់ ស្រី១៥ នាក់ និងខូចខាតរថយន្តកែច្នៃ០១ គ្រឿង។
សមត្ថកិច្ចយើងបានបញ្ជូនជនរងគ្រោះទៅព្យាបាលនៅមន្ទីពេទ្យបង្អែកស្រុកសំពៅលូន ។
