(ខេត្តកំពត)៖ ដើម្បីជំរុញផែនការសម្រេចក្នុងការអនុវត្តត្រៀមរៀបចំពិធីបុណ្យសមុទ្រឆ្នាំ២០១៩ តាមគម្រោងផែនការដែលបានគ្រោងទុកទាំងថ្នាក់ជាតិនិងថ្នាក់ខេត្តឱ្យបានកាន់តែប្រសើរឡើង ដែលព្រឹត្តិការណ៍នេះនិងគៀតកិតមកដល់ពេលខាងមុខឆាប់ៗនេះ ពិសេសពាក់ព័ន្ធនឹងសណ្ដាប់ធ្នាប់របៀបរៀបរយសាធារណៈនិងការងាររៀបចំសោភ័ណភាព អនាម័យបរិស្ថានក្នុងក្រុងកំពតផងនោះ នៅរសៀលថ្ងៃទី០៣ ខែធ្នូ ឆ្នាំ២០១៩ លោក ជាវ តាយ អភិបាលនៃគណៈអភិបាលខេត្តកំពត បានដឹកនាំកិច្ចប្រជុំជាមួយនឹងថ្នាក់ដឹកនាំខេត្តមន្ទីរអង្គភាពពាក់ព័ន្ធនិងអាជ្ញាធរក្រុង ស្រុក ឃុំ សង្កាត់មួយចំនួននៃក្រុងកំពត និងស្រុកទឹកឈូស្ដីពីការត្រួតពិនិត្យលទ្ធផលនិងជំរុញពន្លឿនសម្រេចការងារសំខាន់ៗមួយចំនួនដែលកំពុងនៅសេសសល់។
ក្នុងកិច្ចប្រជុំនេះយោងតាមរបាយការណ៍លទ្ធផល របស់អនុគណៈកម្មការនីមួយៗទាំង៦ថ្នាក់ខេត្តមកដល់ពេលនេះការងាររៀបចំត្រូវបានសម្រេចទទួលបានលទ្ធផលល្អប្រសើរ ក្នុងនោះមានការងារកែលំអសោភ័ណភាពទីក្រុងកំពត រួមមាន៖ការសាងសង់បង្គន់អនាម័យ ការដាំដើមឈើ ការរៀបចំជួសជុលកែលម្អសួនច្បារក្នុងទីក្រុង ការរៀបចំតុបតែងអំពូលភ្លើងសាធារណៈតាមដងផ្លូវ ទីកន្លែងប្រារព្ធពិធីនៅពហុកីឡដ្ឋានខេត្ត ស្ថាបនាឡើងវិញនូវផ្លូវបេតុង ការតម្លើងប៉ាណូ បំពាក់ភ្លើងអិលអ៊ីឌីដើម្បីផ្សព្វផ្សាយពីសក្ដានុពលខេត្ត ការកែលម្អខ្លោងទ្វារវិធីបុណ្យសមុទ្រ ការងាររៀបចំវិថីម្ហូបអាហារ ការតបណ្ដាញទឹក ភ្លើងប្រព័ន្ធបង្ហូរកាកសំណល់ រឹង រាវ ការជួសជុលផ្លូវចូលក្រុង ជាដើម។
‘
ដោយឡែកការងារសេសសល់ចាំបាច់សំខាន់ៗមួយចំនួនទៀតដែលត្រូវអនុវត្តឲ្យបានសម្រេចឆាប់ជាស្ថាពរចំពោះមុខនេះរួមមាន៖
ការតុបតែងកែលម្អបន្ថែមបំភ្លឺភ្លើងតាមដងផ្លូវក្នុងក្រុង-ការតទឹកភ្លើង នៅកន្លែងចំណតទូកទេសចរណ៍ថ្មីនិង វិថីម្ហូបអាហារ-ការជំរុញផ្ដល់សម្ភារៈជូនមន្ទីរអបរំយុវជននិងកីឡាសម្រាប់ចែកចាយនិងដឹកនាំសិស្សសាលាក្នុងក្រុងធ្វើពលកម្មអនាម័យសម្អាតក្រុងការរៀបចំទីតាំងកន្លែងបាញ់កាំជ្រួច-ការងារត្រៀមរៀបចំផែនការ ការពារសន្តិសុខសណ្ដាប់ធ្នាប់-ការរៀបចំទីកន្លែងចំណតរថយយន្ត ម៉ូតូ-ការបញ្ជៀសនិងផ្អាករថយន្តធំៗឬរថយន្តដឹកដីចូលក្រុងកំពតរយៈពេលបីថ្ងៃក្នុងថ្ងៃបុណ្យសមុទ្រ- ការរៀបចំទីតាំងស្តង់ពិ ពរ័ណដែលមានការកំណត់ទីតាំងកន្លែងជូនបងប្អូនអ្នកលក់ដូរតាមកន្ទេលរួមនិងកន្លែងចតមធ្យោបាយរបស់ពួកគាត់-ការត្រៀមរថយន្តម៉ាស៉ីនភ្លើងសម្រាប់បង្កាពេលភ្លើងអគ្គិសនីដាច់ដោយភាពចៃដន្យកើតឡើង។
ចំណែកពាក់ព័ន្ធការចូលរួមសម្អាតអនាម័យបរិស្ថានតាមដងផ្លូវជាតិលេខ៣និងផ្លូវលេខ៣៣ រួមនិងបញ្ហាការទុកដាក់និងការដឹកជញ្ជូនសម្រាមតាមដងផ្លូវពិសេសក្នុងក្រុងកំពតនិងតាមផ្លូវទៅកាន់រមណីយដ្ឋាននានាក្នុងខេត្តក៏ត្រូវបានជំរុញការយកចិត្តទុកដាក់ខ្ពស់។
ជាមួយនេះ អាជ្ញាធរក្រុងកំពត និងសង្កាត់រួមនិង
ស្រុកទឹកឈូនិងឃុំមួយចំនួនជុំវិញក្រុងកំពតក៏បានកំពុងជំរុញការយកចិត្តទុកដាក់ជាមួយរដ្ឋបាលខេត្ត ក្នុងការត្រៀមលក្ខណៈឆ្ពោះទៅកាន់ព្រឹត្តិការណ៍អបអរពិធីបុណ្យសមុទ្រលើកទី៨ជុំទី២ ខែធ្នូ ឆ្នាំ២០១៩នៅខេត្តកំពតអោយទទួលបានលទ្ធផលល្អប្រសើរផងដែរ៕ សេង ណារិទ្ធ
