ខេត្តសៀមរាប ៖ លោកក្ដោប រ៉មចៅសង្កាត់ជ្រាវបានរំលឹកពីការខ្នះខ្នែងបង្កើតដីតំបន់បឹងពារាំងជាកន្លែងសហគមន៍ទេសចរណ៍វប្បធម៌ធម្មជាតិបឹងពារាំងទុកដើម្បីផលប្រយោជន៏រួម ក្នុងការរៀបចំគម្រោងនេះបានដោយមាន គណៈបញ្ជាការឯកភាពពីលោកអភិបាលខេត្តសៀមរាបចូលរួម។
លោក ក្ដោប រ៉ម បានបន្តថា ការគ្រប់គ្រងដីតំបន់នោះតែងនាំមកនៅផលចំណេញដល់ប្រជាពលរដ្ឋរស់នៅក្នុងសហគមន៏ផងក៏ដូចពលរដ្ឋទូទៅដែលបានមកអាស្រ័យផលនៅទីនោះហើយយើងទាំងអស់គ្នាជួយការពារសហគមន៍ទេសចរណ៍វប្បធម៌ធម្មជាតិបឹងពារាំងកុំឲ្យមានការបាត់បង់។
ការគ្រប់គ្រង់លោកចៅសង្កាត់នេះមានរយៈពេល៣០ឆ្នាំមកហើយគឺដោយមានការគាំទ្រពីពលពដ្ឋទើបការមើលឃើញពីផលលំបាករបស់ពលរដ្ឋនៅក្នុងមូលដ្ឋានទើបមានការសំណូមពរទៅដល់គណៈបញ្ជាការឯកភាពខេត្តដើម្បីបង្កើតសហគមន៍ទេសចរណ៍វប្បធម៌ធម្មជាតិបឹងពារាំងនេះឡើងជាការកាត់បន្ថយភាពក្រីក្ររបស់ពលរដ្ឋដើម្បីទទួលបានពីផលលក់ដូរនៅទីនោះ។
ការបង្កើតសហគមន៍ទេសចរណ៍វប្បធម៌ធម្មជាតិបឹងពារាំងនៅក្នុងឆ្នាំ២០១៥រហូតមកដល់ពេលនេះលោកចៅសង្កាត់រូបនេះបានលើកឡើងបន្ថែមថា បឹងពារាំងនេះទម្រមបានមកដាក់ជាតំបន់សហគមន៍នេះបានឆ្លងកាត់ឧបស័គ្គច្រើនណាស់ទើបបានជោគជ័យដល់ពេលនេះដូច្នេះផលប្រយោជន៏រូមមានចំណូលពីភ្ញៀវទេសចរណ៏មកកំសាន្ត រីឯត្រីគ្រប់ប្រភេទគ្រាន់តែអ៊ុំទូកកាត់ក៏ត្រីលោតចូលដែរនិងបានចំណេញទាំងអស់គ្នាហើយការរកទទួលទានពីពលរដ្ឋទូទៅក៏អាចមកបានដែរ មិនមែនសម្រាបតែសង្កាត់ជ្រាវនោះទេ។
ការរួមចំណែកក្នុងការកសាងអភិវឌ្ឈន៏សង្គមជាតិតែងមានការប៉ះពាល់តែការសិក្សាពីផលប៉ះពាល់នោះវាជាការមួយបង្ហាញពីភាពស្របច្បាប់ឬមិនស្របច្បាប់ ដូច្នេះហើយមានបុគ្គលខ្លះមានការរិះគន់តែការរិះនោះជាការកែលំអររួមចំណែកអភិវឌ្ឈន៏តែប៉ុណ្ណោះ ។
បើតាមការវិភាគនិងវាយតំលៃពីហេតុផលក្នុងការបង្កើតសហគមន៍នៅទីនោះលោកថា បានផលចំណេញកមដល់ពលរដ្ឋទាំងពីរផ្នែកទី១ ផ្នែកខាងលក់ដូរឲ្យភ្ញៀវទេសចរណ៏ ទី២ អាចរកនេសាទបាន ៕
