ភ្នំពេញ ៖ ក្រោយពីបានផ្ទុះឡើង និងបានដឹងជាសាធារណ:ថាកាបាញ់បោះសេរីរំលោភច្បាប់ក្នុងក្លឹបរ៉ុករបស់ឧកញ៉ាគិតម៉េង ស្ថិតនៅក្នុងសង្កាត់ទន្លេបាសាក់ ខណ្ឌចំការ កាលពីវេលា ម៉ោង ២រំលងអាធ្រាត្រថ្ងៃទី១៥ ខែមីនា ឆ្នាំ២០១៥មកបានធ្វើឲ្យមានការតាមដានពីមជ្ឈដ្ឋានប្រជាពលរដ្ឋ និងបានលើកជាសំនួរថាតើជនបង្កដែលគេស្គាល់ថាជាកូនអ្នកមានឈ្មោះកែវសុឃាងអតីតមេគយចលត័បច្ចុប្បន្នមានតួនាទីជាបានរិះគន់និងថ្កោលទោសអ្នកមានអំណាចមានឥទ្ធិពលនិងប្រាក់ បច្ចុប្បន្នជា ប្រធានគ្រប់គ្រងតំបន់រួចពន្ធនៃអគ្គនាយកដ្ឋាន គយនិង រដ្ឋាករអាចនឹងមានទោសដែរឬអត់? ។
យោងតាមប្រភពពីសមត្ថកិច្ចបានឲ្យដឹងថានៅមុនពេលកើតហេតុមានក្រុមអ្នកមានមានគ្នា ៥-៦នាក់ ជិះរថយន្តលុច្សស៊ីស ពណ៌ស ពាក់ស្លាកលេខ ភ្នំពេញ 2AA-0007 ចូលទៅអង្គុយផឹកស៊ីនៅបន្ទប់ជាន់ ក្រោមក្នុងមជ្ឈមណ្ឌលកម្សាន្តរ៉ុក។ លុះមួយសន្ទុះក្រោយមកក្រុមអ្នកផឹកស៊ីជាន់ក្រោមនោះបានមានជម្លោះជាមួយបុរសម្នាក់ ដែលកំពុងច្រៀងកម្សាន្តនៅបន្ទប់ជាន់លើ ហើយពួកគេក៏ បាននាំគ្នាទៅវាយបុរសដែលរំខានអារម្មណ៍សប្បាយរូបនោះដែលគេនិយាយថាជាអង្គរក្សលោកនាយឧត្តមសេនីយ៍ឯមសំអានរដ្ឋលេខាធិការក្រសួងមហាផ្ទៃ។
បន្ទាប់ពីវាយគេហើយនៅតែមិនរំសាយកំហឹងក្នុងខ្លួននោះក្រុមអ្នកមានលុយទាំងអស់នេះក៏បានទៅទាញកាំភ្លើងអាកាស្វាយបត់ពីក្នុងរថយន្តមកបាញ់រះរហូតដល់ជាង១០គ្រាប់បណ្តាលឲ្យមនុស្សពីរនាក់រងរបួសនិងបែកបាក់ខូចខាតគ្រឿងបរិក្ខានៅក្នុងមជ្ឈមណ្ឌលកម្សាន្តរ៉ុកជាច្រើនផ្សេងទៀត។
ប្រភពពីប្រជាពលរដ្ឋបានឲ្យដឹងថា ជនបាញ់បើសេរីនោះគេស្គាល់ថា ឈ្មោះកែ វិទូជាកូនមេគយ កែ សុខឃាង និងប្អូនថ្លៃ។ ប្រភពពីសមត្ថកិច្ច បានឲ្យដឹងទៀតថានៅជិតកន្លែងកើតហេតុគេបានរកឃើញសម្បកគ្រាប់កាំភ្លើងអាកាស្វាយ បត់ប្រមាណ ១១គ្រាប់។ សមត្ថកិច្ច ក៏បង្ហើបឲ្យដឹងផងដែរថា ជនបាញ់បោះនោះ គឺជាកូននិងប្អូនថ្លៃរបស់អតីតមេគយដ៏ មានលុយយ៉ាងសន្ធឹកសន្ធាប់ ឈ្មោះ កែ សុខឃាង ហើយក្នុងហេតុការណ៍នោះ ក៏មានរូបលោក កែ សុខ ឃាង ផងដែរ!!!??។
ក្រោយបង្កការបាញ់បោះហើយ ក្រុមអ្នកមានលុយ និងអំណាច ទាំងអស់នោះ បាននាំគ្នារត់ចូលរថយន្តហើយព្យាយាមបើកគេចខ្លួន។ តែដោយសារមានសមត្ថ កិច្ចជិះប្រដេញតាមក្រុមបង្កការបាញ់បោះខាងលើនេះបានយករថយន្តរបស់ទៅប្លុងចោលនៅជិតស្ថានីយទូរទស្ស ន៍អាស៊ីអាគ្នេយ៍ ហើយគេចខ្លួនបាត់អស់ទៅ។
ទាក់ទងករណីនេះមានពតិមានថាសមត្ថកិច្ចក្រុងភ្នំពេញនិងអាជា្ញធមូលដ្ឋាន បានបើកប្រតិបត្តិការតាមប្រមាញ់ក្រុមអ្នកបាញ់បោះយ៉ាងអនាធិបតេយ្យក្នុងក្លឹបកម្សាន្តរ៉ក់រួចជិះរថយន្តដ៍ទំនើបយកទៅប្លុងចោលនៅក្នុងបុរីពិភពថ្មីរួមនិងកាំភ្លើងអាការដែលធ្វើសកម្មភាព ។
នៅព្រឹកថ្ងៃ១៥មីនា២០១៥គេឃើញសមត្តកិច្ចប្រដាប់ដោយអាវុធវែងខ្លី ខ្លះស្លៀកឯកសណ្ឋានខ្លះទៀតស្លៀកជាស៊ីវិលបធ្វើការឡោមព័ទ្ធទីតាំងមួយកន្លែងនៅក្នុងបុរីពិភពថ្មីម្តុំស្ថានីយ៍ទូរទស្សន៍អាស៊ីអាគ្នេយ៍ សង្កាត់ទឹកថ្លា ខណ្ឌសែនសុខ ក្រោយពីមនុស្សម្នាក់ដែលគេអះអាងថាជាខ្មាន់កាំភ្លើងបាញ់បោះកាលពីយប់មិញបានប្លុងរថយន្តនិងកាំភ្លើងអាការចោលនៅទីនោះ ។
ជាលទ្ធផលកម្លាំងនគរក្រុងភ្នំពេញនិងកម្លាំងអធិការដ្ឋាននគរបាល ខណ្ឌសែនសុខ បានរកឃើញរថយន្ត១គ្រឿងម៉ាក លុចស៊ិស ៥៧០ ពណ៌ស ដែលគេ យកមកប្លុងចោលក្នុងបុរីពិភពថ្មី ទល់មុខស្ថានីយ៍ទូរទស្សន៍ពិភពថ្មី ។ រថយន្តត្រូវបានសមត្ថកិច្ចដកហូតយកទៅរក្សាទុកនៅស្នងការដ្ឋាននគរបាលរាជធានីភ្នំពេញ បន្ទាប់ពីសមត្ថកិច្ចរកឃើញ សំបកគ្រាប់១១គ្រាប់ជាកាំភ្លើងអាការ ។
ជាលទ្ធផលឈ្មោះ កែវ វិទូ កូនប្រុសសំណព្វចិត្តលោក កែវ សុខឃាង ត្រូវបានកម្លាំងនគរបាលរាជធានីភ្នំពេញ ចាប់ខ្លួនបានកាល ពីម៉ោងជាង២រសៀលនៅក្រុងភ្នំពេញនិងបញ្ជូនមកតុលាការនៅម៉ោងងជាង៤រសៀល ។ តែក្រោយពីចូលបានមួយភ្លែតឈ្មោះ កែវ វិទូ ត្រូវគេបញ្ជូនចេញ ពីរបងអាគារតុលាការក្រុងភ្នំពេញ នៅម៉ោង៦និង៥៣នាទីល្ងាច ថ្ងៃ១៦មីនា ២០១៥ ។ ជនជាប់ចោទកែវ វិទូ រួមនិងរថយន្តទំនើប លុចស៊ិស្ស៥៧០ ពណ៏សរ ពាក់ស្លាកលេខ 2AA-0007 និងកាំភ្លើងអាការស្វ័យបត់ជាវត្ថុតាង ត្រូវបាន សមត្ថកិច្ចបញ្ជូនមកតុលាការក្រុងភ្នំពេញ សាកសួរម្តងទៀត នៅព្រឹកថ្ងៃ១៧មីនា ២០១៥ ។
ប្រជាពលរដ្ឋដែលតាមដានករណីមួយនេះបានដាក់ជាសំនួរថាតើជនពាក់ពន្ធ័ការបាញ់បោះសេរីដែលមានភស្តុតាងគ្ប់គ្រាន់បែបនេះ អាចត្រូវផ្តន្ទាទោសទេ? ព្រោះគ្រួសារមួយនេះជាគ្រួសារមានលុយសម្បើមណាស់ ។ ជាក់ស្តែង ភាគីដើមបណ្តឹងអ្នកមើលការខុសត្រូវនៅក្នុងក្លឹបកម្សាន្តរ៉ក់ បានដកពាក្យបណ្តឹងហើយដោយថ្នូរ និងសំណងខូចខាតអស់៥ម៉ឺននដុល្លារអាមេរិក ។ តែមកដល់ពេលនេះជនជាប់សង្សយ័នៅក្នុងដៃតុលាការនៅឡើយព្រោះពួកគេនៅជាប់បណ្តឹងអាជា្ញ។ ប្រជាពលរដ្ឋរងចាំមើលថាតើតុលាការចោទប្រកាន់បែបណា ពីព្រោះរឿងនេះស្រដៀង និងការបាញ់បោះនៅខេត្តកំពង់ស្ពឺ ខុសត្រង់តែ ជនជាប់ចោទមិនបានបំពាក់ខ្នោះដៃដូចkរណីចាប់ជនបាញ់បោះសេរី នៅខេត្តកំពង់ស្ពឺប៉ុណ្ណោះ ។
សូមបញ្ជាក់ថាយោងអនុក្រឹត្យលេខ ១០១០ អនក្រ.តត ចុះថ្ងៃ ទី ២២ តុលា ឆ្នាំ ២០១៣ ចុះហត្ថលេខា ដោយសម្តេចតេជោហ៊ុន សែន នាយករដ្ឋមន្ត្រី បានសម្រេចផ្ទេរភារកិច្ចនិងតែងតាំងមន្ត្រី ៦ រូប សម្រាប់មុខតំណែងនៅអគ្គនាយកដ្ឋានគយនិងរដ្ឋាករកម្ពុជា និងអគ្គនាយកដ្ឋានពន្ធដារនៃក្រសួង សេដ្ឋកិច្ចនិងហិរញ្ញវត្ថុ។ ក្នុងប្រការ ១ នៃអនុក្រឹត្យ បានសម្រេចតែងតាំង លោក កែវ សុខឃាង ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋាន គយ និង រដ្ឋាករ មកជាប្រធានគ្រប់គ្រងតំបន់រួចពន្ធនៃអគ្គនាយកដ្ឋាន គយនិង រដ្ឋាករ កម្ពុជា។ លោក កើត សុទ្ធារ៉ា ប្រធានសាខា គយ និងរដ្ឋាករខេត្ត ព្រះសីហនុ ត្រូវមកជំនួសតំណែងចាស់របស់លោក កែវ សុខឃាង វិញ ៕
