ខេត្តបន្ទាយមានជ័យ ៖ អំណោយយ៉ាងច្រើនសណ្ធឹកសណ្ធាប់មានដូចជា ចង្គៀងប្រើសូឡា សូឡាសំរាប់សាកថ្មប្រើពន្លឺព្រះអាទិត្យ និងសារុង ជាង ២.០០០សារុង និងឋវិកាមួយចំនួនធំទៀតដែលជាអំណោយរបស់ ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងលោក ជំទាវ ម៉ៅ ម៉ាល័យ កែ គឹមយ៉ាន បានយកទៅចែកជូន មណ្ឌលអភិវឌ្ឍន៍យោធិនពិការ ៣១៧តេជោភ្នំឆ័ត្រ ដែលមានប្រជាពលរដ្ឋជាយោធិនពិការមកទទួលយកជាង២.០០០នាក់ដែលមានស្នាដៃឆ្នើមក្នុងការបោះឆ្នោតជូនគណៈបក្សប្រជាជនកម្ពុជាក្រុមប្រឹក្សា ឃុំ សង្កាត់ អាណត្តិទី៤កន្លងមកនេះ ស្ថិតក្នុងសាលប្រជុំក្នុងមណ្ឌលអភិវឌ្ឍន៍យោធិនពិការ ៣១៧តេជោភ្នំឆ័ត្រ ស្ថិតក្នុងមណ្ឌល៣១៧ភ្នំឆ័ត្រ ឃុំស្វាយចេក ស្រុកស្វាយចេក ខេត្តបន្ទាយមានជ័យ នៅល្ងាចថ្ងៃទី១៦ ខែកក្កដាឆ្នាំ២០១៧ដែលមានអ្នកចូលរួម លោក ជំទាវ ម៉ៅ ម៉ាល័យ កែ គឹមយ៉ាន ឯកឧត្តម សួន បវរ អភិបាលខេត្តបន្ទាយមានជ័យ លោកជំទាវ សុង ផល្លីន ភរិយា ឯកឧត្តម សួន បវរ និងលោកស្រីអមដំណើរជាច្រើននាក់ទៀត ។
ឯកឧត្តម សួន បវរ បានមានប្រសាន៍ថាភូមិតេជោភ្នំឆ័ត្រនេះ ឆ្ងាយពីទីរួមខេត្តជិត១០០គីឡូម៉ែត្រជាប់និងភ្នំខាវអុីដាង ខែ្មរ ថៃ ភូមិនេះទើបតែបង្កើតថ្មី កើតចេញពីមណ្ឌលអភិវឌ្ឍន៍យោធិនពិការ ៣១៧តេជោភ្នំឆ័ត្រដែលមានសេចក្តីប្រកាសរបស់ក្រសួងការពារជាតិលេខ០ ៨ ៤ចុះថ្ងៃទី១១ខែកញ្ញា ឆ្នាំ២០១១។
ឯកឧត្តម សួន បវរ បានបញ្ជាក់ទៀតថាមណ្ឌលអភិវឌ្ឍន៍យោធិនពិការ ៣១៧តេជោភ្នំឆ័ត្រនេះក្រោយពីកកើតជាភូមិហើយ បានសាងសង់ទីចាត់ការ មាន សាលារៀន មន្ទីរពេទ្យ សាលាបណ្តុះបណ្តាលវិជ្ជាជីវៈ ផ្ទះស្នាក់នៅរបស់ប្រជាពលរដ្ឋរបស់យោធិនពិការ មានអណ្តូងទឹក អាងទឹកក្នុងនោះមានជនពិការមករស់នៅចំនួនសរុប ៤៦៥គ្រួសារ មនុស្សរាយ១.៧៥៥នាក់ អាយុ១៨ឆ្នាំឡើងមានចំនួន១.០១១នាក់ ដោយឃើញយោធិនពិការមករស់នៅក្នុងមណ្ឌលអភិវឌ្ឍន៍យោធិនពិការ ៣១៧តេជោភ្នំឆ័ត្រនេះកាន់តែច្រើន ។
ឯកឧត្តម អភិបាលខេត្ត បានធ្វើសំណើរទៅក្រសួងមហាផ្ទៃសុំបង្កើតភូមិ១បានដាក់ឈ្មោះភូមិថាតេជោភ្នំឆ័ត្រ ស្ថិតក្នុងឃុំស្វាយចេក ស្រុកស្វាយចេក ខេត្តបន្ទាយមានជ័យ។ឯកឧត្តម សួន បវរ បានបញ្ជាក់ទៀតថាភូមិតេជោភ្នំឆ័ត្រ ប្រជាពលរដ្ឋភាគច្រើនរបររកស៊ីធ្វើចំការមនុស្សចាប់ពីអាយុ១៨ឡើងបានទៅចុះឈ្នោះបោះឆ្នោតក្រុមប្រឹក្សា ឃុំ សង្កាត់អាណត្តិទី៤នេះមានចំនួន៨១៦នាក់គណៈបក្សប្រជាជនបានទទួលសំលេងពីប្រជាពលរដ្ឋដែលបោះឆ្នោតឲ្យមានចំនួន៧២៣សម្លេងស្មើនិង៩៥.៧ភាគរយសបញ្ជាក់ឲ្យឃើញថាសំលេងសន្លឹកឆ្នោតកើនឡើងលើសលុបច្រើនជាងគេ ក្នុងប្រទេសកម្ពុជាចំណែកគណៈបក្សសង្គ្រោះជាតិវិញទទួលបានសំលេងតែ១៣សម្លេងតែប៉ុណ្ណោះ។ក្នុងនោះ ឯកឧត្តម សួន បវរ បានថ្លែងអំណរគុណយ៉ាងជ្រាលជ្រៅដល់ប្រជាពលរដ្ឋនៅក្នុងភូមិតេជោភ្នំឆ័ត្រទាំងអស់ដែលមានជំនើជឿជាក់និងទុកចិត្តលើគណៈបក្សប្រជាជនបានបោះឆ្នោតក្រុមប្រឹក្សា ឃុំ សង្កាត់អាណត្តិទី៤យ៉ាងច្រើនលើសលប់ ៕
