បន្ទាយមានជ័យ ៖ ថ្មីៗនេះ មានការលេចឮព័ត៏មានពាក្យចចាមអារាមពីមាត់មួយទៅមួយទាក់ទិននិងកងកម្លាំងនគរបាលការពារព្រំដែនគោកគ្រប់បណ្តាស្ថាបន័ និងបញ្ជាការវរក្នុងខេត្តបន្ទាយមានជ័យ ថាត្រូវបានថ្នាក់លើផ្អាកថវិកាឧបត្ថម្ភចំនួន១២ម៊ឺនរៀលម្នាក់ក្នុង១ខែ ។ ថវិកាដែលបានផ្អាកនោះ គឺជាប្រាក់ឧបត្ថម្ភសម្រាប់អាហារប្រចាំថ្ងៃក្នុងនគរបាលម្នាក់ចំនួន៤០០០រៀល ប៉ុន្តែប្រាក់ឧបត្ថម្ភនេះ មិនត្រូវបានបើកឲ្យកងកម្លាំងនៅតាមបណ្តាបញ្ជាការវរដូចមុនទៀតទេ ។
ថ្លែងប្រាប់អ្នកសារព័ត៏មានយើងដោយលោកឧត្តមសេនីយ៏ត្រី សំ ជិត ស្នងការរងខេត្តបន្ទាយមានជ័យទទួលបន្ទុកការងារព្រំដែនកម្ពុជាថៃនាព្រឹកថ្ងៃទី២៥កុម្ភនេះថា: កន្លងមកថវិកា ឧបត្ថម្ភសម្រាប់អាហារប្រចាំថ្ងៃនោះ គឺមន្ត្រីនគរបាលទទួលបានគ្រប់គ្នា ប៉ុន្តែក្រោយមកបានផ្អាកទៅវិញមកទល់និងពេលនេះបាត់៣ខែហើយ ។ លោកឧត្តមសេនីយ៏បានអះអាងថាលុយនោះនឹងមិនបាត់ទេវានឹងធ្លាក់មកវិញបន្ទាប់ពីគម្រោងថ្មីធើ្វរួចរាល់នាឆ្នាំ២០១៥នេះ ។ យាងណាក៏ដោយរេឿងថ្មីមួយទៀតដែលអ្នកសារព័ត៌មានយើងទទួលបាននោះគឺជារឿងមេបញ្ជាការវរ:ការពារព្រំដែនគោកលេខ៨៩១រងការចោទពីមន្ត្រីនគរបាលម្នាក់ថាបាន កាត់ប្រាក់ខែរបស់គាត់ចំនួន៣៧ម៉ឺនរៀលក្នុង១ខែ ។ នគរបានដែលត្រូវមេបញ្ជាការកាត់ប្រាក់ខែនោះ បានថ្លែងថា:ប្រាក់ខែគាត់សរុបស្មើនិង៧៤ម៉ឺនរៀលឋានន្ទរសក្ត័ជាអនុសេនីយ៏ឯក ថ្លែងក្នុងទឹកមុខក្រៀមក្រំលាយលំដោយទឹកភ្នែករលីងរលោងអ៊ួលដើមក បានរៀបរាប់ថា រូបគាត់ពីមុនប្រពន្ធមិនទាន់ស្លាប់ចោលនោះវាមិនអីទេ ព្រោះប្រពន្ធរបស់គាត់ជួយរកប្រាក់ចិញ្ចឹមកូនៗរៀនសូត្របានប៉ុន្តែពេលនេះប្រពន្ធរបស់គាត់បានស្លាប់បាត់ទៅហើយចំណែកកូនប្រុសស្រីកំពុងតែស្ថិតក្នុងវ័យសិក្សាត្រូវការថវិកាច្រើនឧបត្ថម្ភដល់ពួកគេ ។
មន្ត្រីដដែលបានបន្តទៀតថា ពេលនេះរូបគាត់ពិតជាខ្វះខាតខ្លាំងណាស់ ព្រោះប្រាក់ខែមន្ត្រីនគរបាលជាតិត្រូវមេលេបត្របាក់អស់ពាក់កណ្តាលទៅហើយនៅសល់ត្រឹមតែ៣៧ម៉ឺនរៀលត្រូវបែងចែកថ្លៃកូនរៀនសូត្រផងនិងសម្រាប់ខ្លួនឯងផង ចំណែកប្រាក់អាហារប្រចាំថ្ងៃក៏ត្រូវថ្នាក់លើដកទៀត ។
ពាក់ពន្ធ័និងមេបញ្ជាការកាត់ប្រាក់ខែនេះ លោកសំជិតបានប្រាប់ថា រេឿងហ្និងលោកមិនដឹងទេ ព្រោះនោះវាជាសិទ្ធិរបស់គេជាមេបញ្ជាការ ។
ចំណែកលោក ហាំ វណ្ណ: មេបញ្ជាការនគរបាលការពារព្រំដែនគោកលេខ៨៩១នៅព្រឹកថ្ងៃទី២៥នេះ មិនអាចទាក់ទងសុំការអធិប្បាយបានទេជុំវិញរឿងមន្ត្រីក្រោមឱវាទចោទថា បានកាត់ប្រាក់ខែពាក់កណ្តាលយកនោះ ហើយយករណីគេសង្ឃឹមថា លោកស្នងការនៃខេត្តបន្ទាយមានជ័យនឹងស៊ើបអងេ្គតលើបញ្ហានេះ ដើម្បីត្រូវនឹងយន្តការកំណែទម្រង់ ៕
