បន្ទាយមានជ័យ÷សេចក្តីបំភ្លឺព័ត៌មានអ្នកនាំពាក្យ និងក្រុមការងារប្រតិកម្មរហ័ស នៃស្នងការដ្ឋាននគរបាល ខេត្តបន្ទាយមានជ័យ មានកិត្តិយស សូមគោរពជម្រាបជូនសាធារណៈជន ឲ្យបានជ្រាបថា ÷ ករណីគ្រោះថ្នាក់ចរាចរណ៍កាលពីថ្ងៃទី១៣ ខែ ឧសភា ឆ្នាំ២០២២ វេលាម៉ោង១៦.៤០នាទីនាទី នៅផ្លូវ៥៦ ស្ថិតភូមិ កន្ទួត សង្កាត់ កំពង់ស្វាយ.ក្រុងសិរីសោភ័ណ ខេត្តបន្ទាយមានជ័យ។
បន្ទាប់ពីទទួលបានព័ត៌មាន កម្លាំងនគបាលចរាចរណ៍បានចុះធ្វើការវ៉ាសវែង ត្រួតពិនិត្យលើរថយន្តcamery បាឡែន ពាក់ផ្លាកលេខ 2V 8145 ភ្នំពេញ បានបើកបរ រុញប៉ះម៉ូតូហុងដា C125 ពាក់ផ្លាកលេខ1W 6745 បន្ទាយមានជ័យ ពីក្រោយក្នុងទិសដៅស្របគ្នាពីជើងមកត្បូង ករណីនេះបណ្ដាលអោយរបួសស្រាល២នាក់ ស្រី១នាក់បើកបរម៉ូតូ ប្រុស ០១នាក់រួមដំណើ ខូចខាតសម្ភារះម៉ូតូស្រាល ០១គ្រឿង មូលហេតុរថយន្តមិនរក្សាគម្លាតចម្ងាយ និង មានជាតិស្រវឹង ។ ភាគីទាំងសងខាងបានធ្វើការសម្របសម្រួលគ្នា ដោយភាគីរថយន្តព្រមសងសំណងទៅលើភាគីម៉ូតូ ព្យាបាលរបួស និងជួសជុលម៉ូតូចំនួន ១.២០០.០០០រៀល(មួយលានពីរសែនរៀល) និងមិនប្តឹងផ្តល់គ្នាទៀតទេ ។
ក្នុងករណីគ្រោះថ្នាក់ចរាចរណ៍នេះ អ្នកបើកបរមានជាតិស្រវឹង នគរបាលចរាចរណ៍ បាននាំអ្នកបើកបរ ឈ្មោះ មុំ រតនា ភេទប្រុស អាយុ៥៥ឆ្នាំ នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ធ្វើការអប់រំណែនាំ និងផាកពិន័យតាមច្បាប់ ។
តាមអនុក្រឹត្យ លេខ៣៩អនក្របក ចុះថ្ងៃទី១៧ ខែមិនា ឆ្នាំ២០២០ ត្រង់ចំនុច៦ មាត្រា ៧ ចំនួន ៤០ ម៉ឺនរៀល ។
ចំពោះករណីនេះគឺជារឿងបុគ្គល ហើយមន្ត្រីរូបនេះក៏ត្រូវបាន ការិយាល័យចរាចរណ៍ផ្លូវគោក នាំយកមកធ្វេីការផាកពិន័យតាមច្បាប់ និងធ្វើកិច្ចសន្យាណែនាំអប់រំ ក៏ដូចជាការដាក់វិន័យរបស់កងកម្លាំងនគរបាលជាតិផងដែរ ៕
