កំពង់ចាម ÷ បើយោងតាមប្រជាពលរដ្ឋបានរាយការណ៍ប្រាប់ឲ្យដឹងថា÷ ឈ្មោះ វ៉ាន់ ជាម្ចាស់ទីតាំងមួយកន្លែងនេះតែងតែប្រមូលផ្តុំក្រុមញៀនល្បែងមកជួបជុំ!បើកលេងល្បែងស៊ីសងជល់មាន់ និងអាប៉ោងខុសច្បាប់បានយ៉ាងរំភើយ! នៅក្នុងចម្ការកៅស៊ូ ស្ថិតនៅភូមិគីឡូបី ឃុំព្រែកកក់ ស្រុកស្ទឹងត្រង់ ខេត្តកំពង់ចាម អាជ្ញាធរនិងសមត្ថកិច្ចមូលដ្ឋាន មិនហ៊ានធ្វើការបង្ក្រាប!ឬមួយខ្លាចប៉ះពាល់ផលប្រយោជន៍

ប្រភពដដែលពីពលរដ្ឋបាននាំគ្នារិះគន់ជាខ្លាំងពាក់ព័ន្ឋទីតាំងល្បែងស៊ីសងខុសច្បាប់ដុះស្លែ មួយកន្លែង នៅតែបន្តបើកដំណើរការឲ្យក្រុមញៀនល្បែងចូលលេងភ្នាល់ដាក់ប្រាក់ រាប់.លាន រៀល.ទៅដល់ រាប់ ពាន់ ដុល្លារ ឯណោះ នៅក្នុងទីតាំងខាងលើនេះហើយនាំគ្នាស្រែកហ៊ោកញ្ច្រៀវយ៉ាងទ្រហឹង បង្កឲ្យភ្ញាក់ផ្អើលដល់បងប្អូនពលរដ្ឋរស់នៅជិតខាងឲ្យមានការព្រួយបារម្ភភ័យខ្លាចអំពីបញ្ហាសន្តិសុខ និងបទល្មើសផ្សេងៗ (ពោលគឺ) លួច ឆក់ ប្លន់ និងអំពើហិង្សាជាដើម។ ពលរដ្ឋបានបន្តទៀតថា ថ្វីត្បិត ជំងឺ កូវីដ-១៩,,បានកាត់បន្ថយខ្លះៗពិតមែនក៏ដោយ ប៉ុន្តែជំងឺ កូវីដ-១៩,, បម្លែងថ្មីឈ្មោះថា (អូមីក្រុង) នៅជាបញ្ហាដដែល សូមរំលឹកថាគន្លងមក រាជរដ្ឋាភិបាល និងក្រសួងសុខាភិបាល បានអំពាវនាវជូនដល់ប្រជាពលរដ្ឋទូទាំងប្រទេស ឲ្យអនុវត្ត បីកុំ បីការពារ និងចូលរួមលុបបំបាត់បញ្ហាការឆ្លងរីករាលដាលជំងឺ កូវីដ-១៩,, បម្លែងថ្មីឈ្មោះថា(អូមីក្រុង) ឲ្យមានប្រសិទ្ធភាព

សូមរំលឹកថាកន្លងមក សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្រ្តីនគរបាលពាក់ព័ន្ធក្រោមឱវាទទូទាំងប្រទេស ត្រូវតែបង្រ្កាប!រាល់ល្បែងស៊ីសងខុសច្បាប់ គ្រប់ប្រភេទ មិនត្រូវមានការយោគយល់ឡើយ! ឬមួយអាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន ស្រុកស្ទឹងត្រង់ ខេត្តកំពង់ចាម ប្រហែលត្រូវថ្នាំសណ្តំម្ចាស់ទីតាំងល្បែងស៊ីសងជល់មាន់ និងអាប៉ោងខុសច្បាប់មួយកន្លែងនៅខាងលើនេះហើយមើលទៅ បានបានជាអាជ្ញាធរនិងសមត្ថកិច្ចមូលដ្ឋាន មិនហ៊ានចាត់កម្លាំងចុះធ្វើការទប់ស្កាត់ឬមួយបង្រ្កាប!ឲ្យស្របតាមគោលនយោបាយភូមិ ឃុំ ឲ្យមានសុវត្ថិភាពម្តងណាឡើយ!

ជុំវិញករណីនេះប្រជាពលរដ្ឋរស់នៅក្នុងមូលដ្ឋានបាននាំគ្នាអំពាវនាវទៅដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ជាពិសេស ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ព្រមទាំង ឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម សូមមេត្តាចាត់មន្ត្រីជំនាញក្រោមឱវាទ ចុះធ្វើការត្រួតពិនិត្យនិងស្រាវជ្រាវភាពជាក់ស្ដែង ដើម្បីមានវិធានការទប់ស្កាត់ចាត់កម្លាំងចុះធ្វើការបង្រ្កាប!ទីតាំងល្បែងស៊ីសងជល់មាន់ និងអាប៉ោងខុសច្បាប់ កំពុងបើកលេងមួយកន្លែងនៅក្នុងមូលដ្ឋានភូមិ ឃុំ ខាងលើនេះផងទាន៕