ខេត្តប៉ៃលិន ៖ ស្ត្រីម្នាក់ ដែលគេស្គាល់ថា ជាប្រពន្ធមន្ត្រីគយ បានបើកបរថយន្តទំ នើបមួយគ្រឿងម៉ាកហាយឡិនឌ័រ ពណ៌ខ្មៅ នាំបក្ខពួកចូលទៅឈប់នៅក្បែរផ្សារសាមគ្គីហៅប៉ាហ៊ី រួចចុះពីលើរថយន្តដើរចូលទៅចាប់ក្របួចកអាវស្ត្រីវ័យក្មេងម្នាក់ ដែលគេស្គាល់ថា ជាប្រពន្ធចុងមន្ត្រីគយនោះ រួចបានដកកាំភ្លើងខ្លីមិនស្គាល់ម៉ាក១ដើមបង្ហាញស្ត្រីរងគ្រោះ ហើយក៏ចាប់ផ្តើមវាយទៅលើនាង និងបង្ខំឲ្យចូលទៅក្នុងរថយន្ត ។ បន្ទាប់មកបើកបរ ចេញដំណើរទៅទិសដៅខាងកើតបាត់ស្រមោលតែម្តង ។
ហេតុការណ៍បង្កឱ្យមានការភ្ញាក់ផ្អើលនេះ បានកើតឡើងកាលពីវេលាម៉ោង៤ និង៣០នាទីរសៀល ថ្ងៃទី០៨ ខែមេសា ឆ្នាំ២០១៧ ស្ថិតនៅចំណុចខាងជើងផ្សារសាមគ្គីហៅប៉ាហ៊ី ស្ថិតក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ។
បើតាមប្រភពព័ត៌មានពីប្រជាពលរដ្ឋ និងអាជីវករលក់បន្លែត្រី សាច់មាន់ តាមដងផ្លូវក្បែរ ផ្សារខាងលើ បានឲ្យដឹងថា មុនពេលកើតហេតុ គេឃើញមានស្ត្រី២នាក់ បានបើកបររថយន្តទំនើបមួយគ្រឿង ពណ៌ខ្មៅ ម៉ាកហាយឡិនឌ័រ ពាក់ស្លាកលេខ ភ្នំពេញ 2AN 76 83 បើកបរទៅឈប់ចតនៅខាងមុខសាលារៀនឯកជនមួយក្បែរផ្សារសាមគ្គីហៅប៉ាហ៊ី រួចនាំគ្នាចុះពីលើរថយន្ត ដើរចូលទៅក្នុងផ្សារត្រី ដែលទើបនឹងសាងសង់ថ្មី ហើយក៏ចាប់ស្ត្រីវ័យក្មេងម្នាក់ រួចយកកាំភ្លើងខ្លីមួយដើម មិនស្គាល់ម៉ាកបង្ហាញស្ត្រីរងគ្រោះ រួចវាយបញ្ចូលទៅក្នុងរថយន្ត ធ្វើឲ្យអ្នកលក់ដូរ តាមដងផ្លូវ និងក្នុងផ្សារ មានការភ្ញាក់ផ្អើលយ៉ាងខ្លាំង ។
តែពួកគេបានត្រឹមឈរមើលមិនហានចូលជួយអន្តរាគមន៍នោះទេ ។ ប្រភពបន្តទៀតថា បន្ទាប់មកស្ត្រីទាំង២នាក់នោះ បានបើករថយន្តដឹកស្ត្រីរងគ្រោះចេញទៅទិសដៅខាងកើតបាត់ស្រ មោល ។
ប្រភពដដែលបានបន្តទៀតថា ស្ត្រីវ័យក្មេងអាយុជាង២០ឆ្នាំ ដែលលក់ដូរសំលៀកបំ ពាក់នៅក្នុងផ្សារ គេសង្ស័យថា ជាប្រពន្ធលួចលាក់របស់មន្ត្រីគយម្នាក់នៅស្រុកកំរៀង លុះប្រពន្ធដើមដឹងរឿង ក៏នាំបក្ខពួកទៅវាយ គម្រាមនឹងកាំភ្លើងខ្លី ហើយអូសក.ឡើងរថយន្តតែម្តង ។
លើសពីនេះ ស្ត្រីម្នាក់ក្នុងចំណោមទាំង២នាក់នោះ ដែលមានកាំភ្លើងខ្លីកាន់នៅនឹងដៃ គេសង្ស័យថា ជាប្រពន្ធរបស់សមត្ថកិច្ចនៅក្នុងស្ថាប័នណាមួយជាក់ជាមិនខាន ។ ទោះបីជាយ៉ាងណាក៏ដោយ មិនគួរឱ្យស្ត្រី ឬបុរសណាម្នាក់កាន់កាំភ្លើង ដោយអត់មានលិខិតស្នា មគ្រប់គ្រងអាវុធជាតិផ្ទុះត្រឹមត្រូវនោះឡើយ ហើយបើសិនជាយកកាំភ្លើងនោះទៅបាញ់ស ម្លាប់អ្នកដទៃ នោះនឹងមានរឿងកើតឡើងកាន់តែធំជាក់ជាមិនខានឡើយ ។
ពាក់ព័ន្ធទៅនឹងបញ្ហានេះ លោក លឹម វាសនា អធិការនគរបាលក្រុងប៉ៃលិន បានឱ្យ ដឹងថា ករណីវាយគ្នានៅក្នុងផ្សារសាមគ្គីហៅប៉ាហ៊ីនេះ ខាងលោកបានចុះទៅធ្វើការស្រាវ ជ្រាវរួចរាល់អស់ហើយ អត់ឃើញមានពាក់ព័ន្ធនឹងកាំភ្លើងខ្លីអ្វីនោះទេ ។
ចំណែកការវាយ តប់គ្នានោះ គឺជាការឈ្លោះទាស់ទែងរវាងបងប្អូនខ្លួនឯងរបស់ស្ត្រីលក់ដូរនៅក្នុងផ្សារប៉ុណ្ណោះ ហើយក៏ដោះលែងស្ត្រីរងគ្រោះឱ្យត្រឡប់មកវិញហើយ ៕ ដោយ ៖ នីយ៉ា
