ខេត្តរតនគីរី៖ ឈ្មោះ ទត ដឹកជញ្ជូនឈើប្រណិតតាមគោយន្តធ្នុងឆ្លងកាត់មុខសមត្ថកិច្ចដោយរលូន នៅម៉ោង៦និង៤៦នាទី យប់ថ្ងៃ៧ខែមេសាឆ្នាំ២០១៧ ចេញពីក្នុងក្រុមហ៊ុនដូងប្រេងហ៊ងអាញ់ស្រែអង្គ្រងឆ្លងស្ពានស្រែពក កាត់ប៉ុស្តិរដ្ឋបាលឃុំស្រែអង្គ្រងស្រុកកូនមុំ ខេត្តរតនគីរី។
នៅម៉ោង៦និង៤៦នាទីយប់ថ្ងៃ៧ខែមេសាឆ្នាំ២០១៧គេឃើញ មានគោយន្តកន្ត្រៃ២គ្រឿងផ្ទុកឈើប្រណិតប្រភេទធ្នុងពេញប្រៀបចេញពីក្នុងក្រុមហ៊ុនដូងប្រេងហ៊ងអាញ់ស្រែអង្គ្រងឆ្លងស្ពានស្រែពក កាត់ប៉ុស្តិរដ្ឋបាលឃុំស្រែអង្គ្រងដែលមានលោក ហួត ផល្លាជានាយប៉ុស្តិ ស្នាក់ការផ្នែកបរិស្ថានស្រែអង្គ្រង ដែលមានលោកសុងនាយផ្នែកប្រចាំទិសស្រែអង្គ្រង និងលោក ផាត់ ប៊ុនហ៊ួរជាមេស្នាក់ការpmលេខ៧៨៩ស្រែអង្គ្រង បានបើកភ្លើងខៀវអោយឈ្មួញ ឈ្មោះ ទត ដឹកជញ្ជូនបទល្មើសឈើប្រណិតធ្នុងឆ្លងកាត់ដំបន់ដែនសមត្ថកិច្ចរបស់ដោយគ្មានការទប់ស្កាត់ឬបង្ក្រាបសោះ។
ពលរដ្ឋសង្ស័យថា មានការឃុបខិតគ្នាជាប្រព័ន្ធទើបឈ្មួញខាងលើហ៊ានដឹកជញ្ជូនយ៉ាងគឃ្លើន ចំពោះមុខសមត្ថកិច្ចដោយគ្មានញញើតដូច្នេះ ។
ប្រជាពលរដ្ឋនិងមន្ត្រីរាជការ ដែលគោរពច្បាប់រដ្ឋបានសំណូមពរដល់អាជ្ញាធរថ្នាក់ស្រុក ខេត្តជាពិសេស លោកអធិកាស្រុក មេបញ្ជាការអាវុធហត្ថស្រុក ប្រធានមន្ទីរបរិស្ថានខេត្តមេត្តាជួយមើលកូនចៅឲ្យបង្ក្រាបបទល្មើសផង ។ ព្រោះប្រមុខរដ្ឋាភិបាលបានប្រគល់ការងារជូន អស់លោកអោយចុះមកបង្ក្រាបបទល្មើស មិនមែនអោយអស់លោកចុះដេកចាំយកលុយនិងមកបង្កើតបទល្មើសថែមនោះទេ ៕
