ខេត្តឧត្តរមានជ័យ៖ ឯកឧត្តម សថាវី អភិបាលខេត្តឧត្តរមានជ័យមានប្រសាសន៍ក្នុងអង្គប្រជុំនៅសាលាខេត្តឧត្តរមានជ័យ នាព្រឹកថ្ងៃទី៣១ខែមិនាឆ្នាំ.២០១៧ នេះថា ៖ ដើម្បីទទួលអបអរបុណ្យឆ្លងឆ្នាំវក អដ្ឋស័ក ព.ស ២៥៦០ឈាន ចូលឆ្នាំថ្មីឆ្នាំរកា នព្វស័ក ព.ស ២៥៦១ ខេត្តឧត្តរមានជ័យ និងត្រូវបានរៀបចំពិធីកំសាន្តផ្សេង ៗក៏ដូចជាការតុបតែងលម្អរក្រុងឱ្យបានស្រស់ ស្អាតនិងធំជាងឆ្នាំមុនៗដើម្បីបំពេញតម្រូវការក្នុងការដើលេងកំសាន្តរបស់បងប្អូន ប្រជាពលរដ្ឋនិងឱ្យសក្តិសមទៅនិងជ័យលាភីដែលខេត្តយើងទើបទទួលបានជាទី ក្រុងស្អាតលេខមួយ លើការបំរើសេវាសាធារណៈ និងបដិសណ្ឋារកិច្ចល្អ ។
ហើយឆ្លៀតឱកាសនេះផងដែរ ឯកឧត្តម ស ថាវី អភិបាលខេត្តសូមជំរាបជូនដំណឹង ដល់បងប្អូនប្រជាពលរដ្ឋ និងសាធារណៈជនគ្រប់ទិសទីអោយបានជ្រាបថា ខេត្តបានរៀបចំគណៈកម្មការផ្សេងៗ ដើម្បីបំរើក៏ដូចជាការទទួលខុសត្រូវខ្ពស់លើការការពារសុវត្តិភាព សន្តិសុខសណ្តាប់ធ្នាប់ជូនបងប្អូនដែលបានមកលេងកំសាន្តក្នុងក្រុងសំរោងក៏ដូចជាតាមបណ្តា រមណីយដ្ឋាននានាទូទាំងខេត្តឧត្តរមានជ័យរបស់យើង៕
