កំពត៖ សន្និបាតបូកសរុបលទ្ធផលកិច្ចប្រតិបតិ្តការ ការពារសន្តិសុខ សណ្តាប់ធ្នាប់ព្រំដែនរវាងនគរបាលខេត្តកំពត កម្ពុជានិងកងទ័ពការពារព្រំដែនខេត្តគៀងយ៉ាង វៀតណាម ត្រូវបានធ្វើឡើងនៅព្រឹកថ្ងៃទី១៧ខែមីនា ឆ្នាំ២០១៧ ក្រោមការអញ្ជីញចូលរួមដ៏ខ្ពង់ខ្ពស់លោក ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតនិងលោកវរសេនីយ៍ឯក ត្រឹង ក្វឹកឡឹប មេបញ្ជាររងកងទ័ពព្រំដែនខេត្តគៀងយ៉ាង ។
លោកវរសេនីយ៍ឯក ត្រឹង ក្វឹកឡឹប បានឱ្យដឹងថា ក្នុងឆ្នាំ២០១៦ការបោះបង្គោលបណ្តោះអាសន្នបើគិតមកដល់បច្ចុប្បន្នគឺមាន៦០លើ៧៩បង្គោល និងបន្ថែម២បង្គោលដោយសមនរេចបានលទ្ធផលគឺបង្គោលលេខ៣១០និង៣១៤ ។
ក្នុងកិច្ចប្រជុំព្រឹកនេះ លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានលើកឡើងថា តាមរយៈលទ្ធផលនិងសមិទ្ធិផលក្នុងកិច្ចសហប្រតិបតិ្តការរវាងភាគីទាំងពីរ កំពត-គៀងយ៉ាងពិតជារក្សាបាននូវសន្តិសុខ សុវត្ថិភាពបានល្អប្រសើរ ដោយសមិទ្ធិផលក្នុងឆ្នាំ២០១៦ក៏បានបញ្ជាក់ពីសកម្មភាព ឆន្ទះនិងការទទួលខុសត្រូវខ្ពស់ លើកិច្ចសហការ ការពារបន្ទាត់ព្រំដែនឱ្យបានហ្មត់ចត់រវាងខេត្តទាំងពីរផងដែរ ។
លើសពីនេះរាល់បទល្មើសកើតឡើង ភាគីទាំង២តែងតែសម្របសម្រួល ដោះស្រាយដោយសន្តិវិធីដោយប្រកាន់នូវស្មារតីសាមគ្គីភាពខ្ពស់ តាមរយៈចំណុចគនឹះ្លរួមមួយដែលរដ្ឋាភិបាលទាំង២ចង់បានគឺការកំណត់ព្រំដែនដ៏ជាក់លាក់ សំរាប់ការកំណត់ខ្សែបន្ទាត់ព្រំដែននៃខេត្តកំពតនិងខេត្តគៀងយ៉ាង ហើយនៅឆ្នាំ២០១៦នេះលទ្ធផល ដែលក្រុមការងារបច្ចេកទេស បានឯកភាពនោះ គឺការបោះបង្គោលព្រំដែនចំនួន៦៤និងកសាងបន្ថែមពីរបង្គោលគឺបង្គោលលេខ៣១០និង៣១៤ លើកិច្ចព្រមព្រៀងទទួលស្គាល់ជាផ្លូវការដោយរដ្ឋាភិបាលនៃប្រទេសទាំង២គឺ កម្ពុជានិងវៀតណាម ៕
ណារិទ្ធ
