ខេត្តកំពង់ស្ពឺ ៖ ការដាក់រំសេវកំទេចភ្នំយកថ្មម្ដង ញ័រគិរីរញ្ចួយកក្រើក បណ្ដាលអោយប្រេះជញ្ចាំងប្រាសាទដែលកំពុងសាងសង់ជិតរួចរាល់ ដែលនេះជាទុក្ខកង្វល់របស់ព្រះចៅអធិការ ដែលដង្ហោយហៅជំនួយពីក្រសួងរ៉ែ និងថាមពល មេត្តាចុះអន្តរាគមន៏ផង ខណៈប្ដឹងច្រើនដងដល់សាលាស្រុកហើយ ថែមទាំអមានកិច្ចសន្យាទៀតយ តែលទ្ធផលនៅតែដដែល ។
ព្រះសង្ឃគណៈកម្មការវត្តភ្នំស្រង់ ក្នុងខេត្តកំពង់ស្ពឺ ត្អូញត្អែទៅនឹងអាជីវកម្មកិនថ្មមូយកន្លែងនៅក្បែងវត្ត ដែលបង្ករការរំខានដល់ការគង់នៅរបស់ព្រះសង្ឃ និងគណៈកម្មការវត្ត ព្រមទាំងបានបំផ្ទុះរំសេវ ធ្វើឲ្យប្រេះស្រាំដល់ទីអារ៉ាមដែលទើបសង់ថ្មីទៀតផង។
ព្រះតេជគុណ ប្រាក់ សាម៉េត ចៅអិការវត្តភ្នំស្រង់មានសង្ឃដីការថា ការដ្ឋានរបស់ក្រុមហ៊ុន នួន សុន បានធ្វើអាជីវកម្មកិនថ្មដោយមិនមានបច្ចេកទេស ជាយូរមកហើយ ហើយបានបង្ករការំខានដល់ការគង់នៅរបស់ព្រះសង្ឃ ក៏ដូចជាគណៈកម្មការវត្តជារៀងរាល់ថ្ងៃ។
លើសពីនេះការដ្ឋានកិនថ្មមួយនេះ បានបំផ្ទុះគ្រាប់រំសេវជារៀងរាល់ថ្ងៃ ដែលធ្វើឲ្យប្រេះស្រាំទីអារ៉ាមដែលទើបសង់ថ្មី ចំណាយប្រាក់រាប់សិបម៉ឺនដុល្លារ មិនទាន់សងសង់រួចជាស្ថាពរនិងមិនទាន់បានធ្វើបុណ្យឆ្លងនៅឡើយផង ស្រាប់តែមានស្នាមប្រែស្រាំជាអន្លើៗហើយ ដែលជាក្តីបារម្មណ៏ថាបើសិនអាជាអាជ្ញាធរ និងមន្ត្រីជំនាញក្រសួង មិនចុះពិនិត្យបញ្ឈប់ការដ្ឋានអាជីវកម្មកិនថ្មនេះទេ ទីអារ៉ាមលើភ្នំស្រង់ ដែលជាវត្តមានវ័យចំណាស់មួយនេះ និងត្រូវប្រេះស្រាំបាក់ខូចខាតទៅថ្ងៃខាងមុខមិនខាន។
ព្រះតេជគុណមានសង្ឃដីការបន្តថា ទោះបីកន្លងមកមានការជួបគ្នាដោះស្រាយ សម្របសម្រូលជាច្រើនលើកច្រើនសារមកហើយក៏ដោយ ក៏មិនទល់ពេលនេះ ការដ្ឋានកិនថ្មមួយនេះមិនបានកែលំអរសង្វាក់ផលិតកម្មរបស់ខ្លួននោះទេ។
ករណីនេះព្រះតេជគុណ ក៏ដូចជាគណៈកម្មការវត្តភ្នំស្រង់ទាំងមូល ស្នើសុំអាជ្ញាធរមានសមត្ថកិច្ច ក៏ដូចជាមន្ត្រីជំនាញក្រសួង រ៉ែនិងថាមពល ធ្វើយ៉ាងណាចុះពិនិត្យការដ្ឋានមួយនេះ ឲ្យគោរពតាមបទដ្ឋានបច្ចេកទេស ឲ្យបានត្រឹមត្រូវ ជៀសវាងការប៉ះពាល់មកលើទីអារ៉ាមបន្តទៀត។
ពាក់ព័ន្ឋករណីនេះលោក នួន ប៊ុនហុក តំណាងក្រុមហ៊ុនធ្វើអាជីវកម្មកិនថ្មខាងលើមានប្រសាសន៏ថា ក្រុមហ៊ុននឹងចាត់តំណាងឲ្យទៅជួបព្រះសង្ឃនិងគណៈកម្មវត្ត ដើម្បីសម្របសម្រួល ហើយបើសិនជាមានការខូចខាតដោយសារការបំផ្ទុះថ្មមែននោះ និងចេញសោហ៊ុយជួលជុលសងវត្តវិញ។
លោក ម៉ា សាវ៉ាត អភិបាលស្រុកគងពិសី មានប្រសាសន៏ថាករណីនេះលោកបានហៅភាគីវត្តជាដើមបណ្តឹង និងភាគីតំណាងក្រុមហ៊ុន មកធ្វើការសម្របសម្រួល១លើកជា២លើកទៅហើយ ដើម្បីឲ្យក្រុមត្រូវគោរពតាមបទដ្ឋានបច្ចេកទេស កុំឲ្យប៉ះពាល់ទីអារ៉ាមដូចការចោទប្រកាន់របស់ព្រះសង្ឃ និងគណៈកម្មការវត្តភ្នំស្រង់។
លោកថាបើសិនក្រុមហ៊ុនមិនគោរពតាមការព្រមព្រៀងដូច្នេះ លោកនឹងធ្វើរបាយការណ៏ ភ្ជាប់ជាមួយពាក្យបណ្តឹងរបស់ព្រះសង្ឃដាក់ជូនទៅក្រសួងឲ្យមានវិធានការតាមផ្លូវច្បាប់ ៕
