ប៉ៃលិន ៖ នៅព្រឹកថ្ងៃសុក្រ ១១រោច ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១១ ខែធ្នូ ឆ្នាំ២០២០ ដោយមានការចង្អុលបង្ហាញរបស់លោកជំទាវបណ្ឌិត បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន បានចាត់ឲ្យក្រុមការងារកញ្ញា អាន់ លីណា ជាមន្ត្រីរដ្ឋបាល និងលោក ជិ ឧត្តម ជាមន្ត្រីអភិវឌ្ឍន៍សាខាកាកបាទក្រហមកម្ពុជាខេត្តប៉ៃលិន លោក ប្រាក់ នី ប្រធាន ស.ស.យ.ក សង្កាត់ទួលល្វា ក្រុមយុវជន ចុះដឹកនាំ ក្រុមការងារយុវជន កាកបាទក្រហម អ្នកស្ម័គ្រ កាកបាទក្រហម និងសហការជាមួយក្រុមការងារយុវជន ស. ស. យ. ក សង្កាត់ទួលល្វា ក៏មានការចូលរួមពី អាជ្ញាធរ សង្កាត់ទួលល្វា និងអាជ្ញាធរ សរុបចំនួន១៣នាក់ ស្រី០៣នាក់ បានបន្តចុះអប់រំផ្សព្វផ្សាយ អនាម័យនិងសុខភាព អំពីវិធានការទប់ស្កាត់ការរីករាលដាលនៃជំងឺកូវីដ-១៩ ជម្ងឺគ្រុនឈាម ជម្ងឺគ្រុនឈីក និងច្បាប់ចរាចរណ៍ផ្លូវគោក ជូនប្រជាពលរដ្ឋរស់នៅក្នុង ភូមិអូរច្រា និងភូមិចំការកាហ្វេ ភូមិអូរតាពុកក្រោមសង្កាត់ទួលល្វា ក្រុងប៉ៃលិន ខេត្តប៉ៃលិន ។
កញ្ញា អាន់ លីណា និង ជិ ឧត្តម ជាមន្ត្រីសាខាកាកបាទក្រហមកម្ពុជាខេត្តប៉ៃលិនបានផ្សព្វផ្សាយឲ្យបងប្អូនពុក ម៉ែ យល់ពីការថែរក្សាអនាម័យ ដោយលាងសម្អាតដៃនឹងទឹកសាប៊ូ ឬបាញ់ទឹកអាល់កុល ជែល ក្នុងពេលធ្វើដំណើរទៅទីជិតទីឆ្ងាយ សូមពាក់ម៉ាស់ឲ្យបានជាប់ជាប្រចាំថ្ងៃ ចៀសវាងការជួបជុំ ដែលមានមនុស្សច្រើន រក្សាគម្លាតឲ្យបានមួយម៉ែត្រកន្លះពីគ្នា។
កញ្ញា បានបន្តថា÷សូមពុក ម៉ែបងប្អូន កំភ្លេច បើមានការ:មិនស្រួលក្នុងខ្លួន ក្ដៅ ខ្លួន ឈឺបំពង់ (ក) ប្រញាប់ទៅមន្ទីរពេទ្យបង្អែកខេត្តប៉ៃលិន ឬក៏ពេទ្យដែលនៅជិតផ្ទះរបស់អ្នក។ មុនធ្វើដំណើរត្រូវតែពាក់ម៉ាស់ជាប្រចាំ( ត្រូវគោរពនៅច្បាប់ចរាចរណ៍ផ្លូវគោក) ផងដែរ ។
