មណ្ឌលគិរី ៖ រថយន្តកែរច្នៃមួយគ្រឿងដឹកឈើខុសច្បាប់ត្រូវបានអាវុធ ហត្ថខេត្តមណ្ឌលគិរី ស្ទាក់ចាប់បានប្រគាល់អោយផ្នែករដ្ឋបាលព្រៃឈើកែវសីមា ខណះកំពុងដឹកជញ្ជួនចេញពីដែនជំរកសត្វព្រៃកែវសីមា ដែលគ្រប់គ្រងដោយមន្ទីរបរិស្ថានខេត្តមណ្ឌលគិរី ដែលពីមុនតំបន់ព្រៃកាពារអភិរក្សជីវចំរុះសីមា គ្រប់គ្រងដោយ ក្រសួងកសិកម្ម ។
ការបង្ក្រាបរថយន្តកែឆ្នៃខាងលើធ្វើឡើងនៅម៉ោងប្រមាណ៧និង១០នាទីព្រលប់ថ្ងៃ១៣មិថុនា២០១៦ ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ប្រភពច្បាស់ការបានអោយដឹងថា រថយន្តកែឆ្នៃខាងលើមានម្ចាស់ឈ្មោះតាយ៉ែម ជាខ្សែរស្រឡាយរបស់មេបញ្ជា ការរងតំបន់ប្រតិបត្តការសឹករងមណ្ឌលគិរី មានទីលំនៅគីឡូម៉ែត១៣៦ភូមិឆ្នែង ឃុំស្រែខ្ទុម ស្រុកកែវសីមា។
សេចក្តីរាយការណ៍ពីប្រជាពលរដ្ឋនៅភូមិឆ្នែងបានអោយដឹងថា រូបភាពដែលឈ្មោះតាយ៉ែម រកស៊ីឈើបច្ចុប្បន្នគឺ ដឹកប្រភេទឈើគ្រឿងផ្ទះមកទំលាក់នៅដីចំការរបស់ខ្លួននិងលក់ចែកចាយអោយរថយន្តស៊ាំយ៉ុងដឹកបន្តទៅខេត្តត្បូងឃ្មុំ ចំណែកឈើជ្រុងធំៗគឺដឹកយកទៅលក់នៅព្រំដែនកម្ពុជាវៀតណាម ចំនុចព្រំប្រទល់ខេត្តមណ្ឌលគិរីនិងក្រចេះ។
លោក ជុយ សុឃាង នាតផ្នែករដ្ឋបាលព្រៃឈើស្រុកកែវសីមា បានឲ្យដឹងថា មន្ត្រីអាវុធហត្ថពិតជាបានប្រគាល់រថយន្តកែរច្នៃ១គ្រឿងព្រមទាំងឈើ ទាំងឈើចំនួន១២ដុំ មានមុខកាត់ចាប់ពី៤០សង់ទីម៉ែតគុណនិង៤០សង់ទីម៉ែត ប្រវែង៤ម៉ែត ស្មើនឹង៥,៥២៦ម៉ែតគូប អោយផ្នែករដ្ឋបាលព្រៃឈើរក្សាទុកមែន ដោយកម្លាំងអាវុធហត្ថ ស្ទាក់ចាប់បាននៅចំណុចអូរខ្ចង ស្ថិតនៅភូមិឆ្នែងឃុំស្រែខ្ទុមស្រកែវសីមា ដែលចំណុខាងលើជាដែនសមត្ថកិច្ចរបស់មន្ទីរបរិស្ថាន៕
