ខេត្តប៉ៃលិន ៖ ឯកឧត្តមអ៊ី ឈាន និងលោកជំទាវបណ្ឌិត បាន ស្រីមុំ អ្នកតំណាងរាស្ត្រមណ្ឌលប៉ៃលិន បាន ចូលរួម បរិច្ចាគថវិកាចំនួន ១០.០០០$ ក្នុងនោះជូនទៅប្រមុខរាជរដ្ឋាភិបាល ចំនួន ៥០០០$ និងជូនទៅ ស.ស.យ.ក ថ្នាក់កណ្តាល ចំនួន ៥០០០$ ដើម្បីរួមចំណែកជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់ត្រៀមទិញវ៉ាក់សាំងការពារវីរុសកូវីដ~១៩ ។
ទោះបើខេត្តប៉ៃលិន អវិជ្ជមាន Covid19 ក៏ដោយតែដើម្បីសុវត្ថិភាពក្នុងមូលដ្ឋានរបស់ខ្លួន សូមបញ្ជាក់ផងដែរថា ៖ សហភាពសហព័ន្ធយុវជនកម្ពុជាខេត្តប៉ៃលិន រហូតមកដល់ថ្ងៃទី៩ ខែធ្នូ ឆ្នាំ២០២០ បន្តចុះអប់រំផ្សព្វផ្សាយដូចភ្លៀងរលឹម ដើម្បីបញ្ជ្រៀបការយល់ដឹងអំពីអនាម័យសុខភាព និង វិធានការបង្ការ ទប់ស្កាត់ការ រីក រាលដាល ឆ្លងជំងឺកូវីដ១៩ ដល់ប្រជាពលរដ្ឋនៅក្នុងសហគមន៍ ការលាងសម្អាតដៃ ជាមួយសាប៊ូ រឺជែលអាល់កុល ពាក់ម៉ាស់ រក្សាគម្លាត និងមានចងបដា បិទខិត្តប័ណ្ណ នៅតាមទី ប្រជុំជន ៕ ដោយ ៖ នីយ៉ា
