កណ្តាល ៖ នាព្រឹកថ្ងៃទី ១៥ ខែឧសភាឆ្នាំ ២០១៦ លោក អ៊ុំ សឿន ប្រធានធម្មកាេស្រុកស្អាង បានអញ្ជើញជាគណៈអធិបតីក្នុងកម្មវិធី បើកបវេសនកាល នៅសាលាពុទ្ធិកបឋមសិក្សា វត្តកេតុឧត្តមស្ថិតនៅក្នុភូមិលេខ៨ឃុំត្រើយស្លា ស្រុកស្អាងខេត្តកណ្តាល។
នាឱកាសនោះ ព្រះអនុគុណស្រុកស្អាងតេជគុណ ពៅ តុលា មានសង្ឃដីការតាមព្រះវិន័យធរសង្ឃក្នុងការៀបរាប់អំពី ស្ថានភាពទូទៅរបស់សាលានាពេលបច្ចុប្បន្ន និង ទស្សនវិស័យនាពេលអនាគតរបស់សង្ឃ។
ក្នុងឱកាសនៃការបើកបវេសនកាលនេះ ដែល លោក អ៊ុំ សឿន ប្រធានធម្មការស្រុក បានប្រគេនការផ្តាំផ្ញើដល់សាមណៈសិស្សដែលសិក្សានៅសាលាពុទ្ធិកបឋមសិក្សា ទាំងអស់ មេត្តាយកចិត្តទុកដាក់ក្នុងក្រេបយកចំណេះដឹង ទាំងមុខវិជ្ជាខាងពុទ្ធចក្រ ទាំងមុខវិជ្ជាខាងអាណាចក្រ ដើម្បីលើកកម្ពស់វិស័យព្រះពុទ្ធសាសនា របស់យើងទាំងអស់គ្នានិងបានសំណូមពរដល់ពុទ្ធបរិស័ទ្ទចំណុះជើងវត្តកេតុឧត្តមទាំងអស់ បន្តក្នុងការផ្គត់ផ្គង់ចង្ហាន់ ដល់ព្រះសង្ឃដែលគង់សិក្សាឱ្យបានគ្រប់គ្រាន់ផង៕
ដោយ ហុក វិបុល
