ប៉ៃលិន ៖ ក្រុមចោរកាំភ្លើងAK 47 និងពូថៅ ២នាក់ ជិះម៉ូតូមួយគ្រឿង បានចូលទៅប្លន់ផ្ទះដាក់ Wing ស្ថិតនៅកណ្តាលក្រុងប៉ៃលិន នាសង្កាត់អូតាវ៉ៅ នៅវេលាម៉ោង ៤:៣០នាទី រសៀលថ្ងៃទី២១ ខែមករា ឆ្នាំ២០១៦នេះ ដោយយកអស់លុយប្រមាណ១មឺុនដុល្លារ ហើយជនរងគ្រោះជាម្ចាស់ផ្ទះ អាយុ៦០ឆ្នាំរងរបួសធ្ងន់ ដោយសារក្រុមចោរវាយ និងកាប់ដោយពូថៅ។
មន្ត្រីនគរបាលខេត្តប៉ៃលិន បានបញ្ជាក់ថា ទាំងលុយខ្មែរ និងដុល្លារអស់ប្រមាណ ១ ម៉ឺនដុល្លារ ដែលក្រុមចោរទាំង២នាក់ យកទៅ ។ នៅពេលនេះ កម្លាំងសមត្ថកិច្ច កំពុងធ្វើការស្រាវជ្រាវ ហើយពួនស្ទាក់ តាមចាប់ក្រុមចោរទាំងនេះ ខណ:ជនរងគ្រោះ ត្រូវបានបញ្ជូនទៅកាន់មន្ទីរពេទ្យ ៕
