ស្រុកស្នួលខេត្តក្រចេះ÷ នៅព្រឹកថ្ងៃសៅរ៍1កើតខែចែត្រឆ្នាំរការ សំរិទ្ធស័កពុទ្ធសករាជ ២៥៦១ ត្រូវនឹងថ្ងៃ១៧ ខែមិនា ឆ្នាំ២០១៨ វេលាម៉ោង០៩និង១៥នាទី ឯ.ឧ.ឧកញ៉ា គង់ ក្រឹង និងលោកជំទាវ ម៉ាន សារ៉ស់ បានផ្តល់អំណោយរថយន្តមួយគ្រឿងជូនមូលដ្ឋានកងរាជ្យអាវុធហត្ថស្រុកស្នួលខេត្តក្រចេះ តាមសំណើររបស់លោក អ៊ុល ឆាយមេបញ្ជាការកងរាជអាវុធហត្ថស្រុកស្នួលដែលខ្វះខាតនូវមធ្យោបាយសំរាប់បំរើការងារតាមមូលដ្ឋាន។
ឯ.ឧ.ឧកញ៉ា គង់ ក្រឹង បានមានប្រសាសន៍ថាអំណោយរថយន្តមួយគ្រឿងខាងលើម៉ាកTOYOTA CAMARY ឆ្លាមត្រូវបានបំពាក់ទៅដោយភ្លើងប្រភេទឡានសារ៉ែនប្រគល់ជូនមូលដ្ឋានកងរាជអាវុធហត្ថស្រុកស្នួលខេត្តក្រចេះក្នុងគោលបំណងដើម្បីបំរើការងារសន្តិសុខនឹងសណ្តាប់ធ្នាប់ជូនប្រជាពលរដ្ឋដើម្បីភូមិ-ឃុំ មានសុវត្ថិភាពនិងបង្ក្រាបបទល្មើគ្រឿងញៀននិងបទល្មើសព្រៃឈើក្នុងស្រុកស្នួលខេត្តក្រចេះទាំងមូល។
លោក អ៊ុល ឆាយមេបញ្ជាការកងរាជអាវុធហត្ថបានទទួលអំណោយដ៏ថ្លៃថ្លារបស់ឯ.ឧ.ឧកញ៉ា គង់ ក្រឹងនិងលោកជំទាវហើយបានថ្លែងអំណអរគុណយ៉ាងជ្រៀលជ្រៅចំពោអំណោយខាងលើនេះ។
លោកមេបញ្ជាការបានថ្លែងបន្តទៀតថា នឹងខិតខំថែទាំអំណោយនេះអោយបានល្អហើយសន្យាថានិងយកទៅបំរើការអោយចំគោលដៅដើម្បីថែរក្សាសន្តិសុខជូនប្រជាពលរដ្ឋនឹងបទល្មើសផ្សេងៗដែលកើតមាននៅក្នុងស្រុកស្នួលអោយបានល្អប្រសើរឡើង។ហើយជាពិសេសសំរាប់ទទួលគណ:ប្រតិភូជាន់ខ្ពស់ដែលមកទស្សន:កិច្ចនៅទីនេះ។
ក្រោយការប្រគល់នឹទទួលអំណោយពីឯ.ឧ.ឧកញ៉ានិងលោកជំទាវរួចហើយក៏បានជូបសំណេះសំណាលជាមួយមេបញ្ជាការមេបញ្ជាការរងនឹងកងកំលាំងរាជអាវុធហត្ថស្រុកហើយបានផ្តាំផ្ញើរឲ្យខិតខំបំរើការជូនប្រជាពលរដ្ធអោយមាបភាពកក់ក្តៅទន្ទឹមនឹងប្រទេសជាតិយើងកំពុងមានសុខសន្តិភាពមានការអភិវឌ្ឍន៍រីកចំរើនលើគ្រប់វិស័យក្រោមការដឹកនាំដ៏ឈ្លាសវៃរបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
