ខេត្តបាត់ដំបង ៖ ព្រឹកថ្ងៃច័ន្ទ ១៣រោច ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៤ ខែ មីនា ឆ្នាំ២០១៩ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតី ក្នុងពិធីប្រកាសចូលកាន់មុខតំណែង អភិបាល នៃគណៈអភិបាលស្រុកភ្នំព្រឹក ខេត្តបាត់ដំបង នៅសាលប្រជុំសាលាស្រុកភ្នំព្រឹក ។
ពិធីនេះក៏មានការអញ្ជើញចូលរួមពី លោក លោកស្រី ប្រធានមន្ទីរ អង្គភាព នានាជុំវិញខេត្ត ក្រុមប្រឹក្សាស្រុក គណៈអភិបាលស្រុក មន្ត្រីរាជការ កងកម្លាំងប្រដាប់អាវុធ អាជ្ញាធរមូលដ្ឋាន ភូមិ ឃុំ ។
ពិធីនេះក៏មានការអញ្ជើញចូលរួមពី លោក លោកស្រី ប្រធានមន្ទីរ អង្គភាព នានាជុំវិញខេត្ត ក្រុមប្រឹក្សាស្រុក គណៈអភិបាលស្រុក មន្ត្រីរាជការ កងកម្លាំងប្រដាប់អាវុធ អាជ្ញាធរមូលដ្ឋាន ភូមិ ឃុំ ។ សូមជម្រាបថា ត្រូវបានប្រកាសតែងតាំង លោកវរសេនីយ៍ឯក សុង សុភ័ក្ត្រ អតីតជា អធិការនៃអធិការដ្ឋាននគរបាលស្រុកភ្នំព្រឹក ជាអភិបាល នៃគណៈអភិបាលស្រុកភ្នំព្រឹក ជំនួសលោក ជា សុផាត ដែលត្រូវចូលនិវត្តន៍ ។ ក្នុងពិធីនេះដែរ ឯកឧត្តម អភិបាល នៃគណៈអភិបាលខេត្តបានផ្តាំផ្ញើដល់លោកអភិបាលស្រុកភ្នំព្រឹក ទើបប្រកាសឡើងកាន់មុខតំណែងថ្មីនេះ ត្រូវមានសាមគ្គីភាពផ្ទៃក្នុងល្អ ខិតខំធ្វើការបំរើប្រជាពលរដ្ឋក្នុងស្រុក ពិសេសការបម្រើសេវារដ្ឋបាលសាធារណ:ទូទៅជូនពួកគាត់ឲ្យបានល្អ និងយកចិត្តទុកដាក់។ ឯកឧត្តម ក៏បានថ្លែងអំណរគុណនិង កោតសរសើរព្រមទាំងវាយតម្លៃខ្ពស់ចំពោះថ្នាក់ដឹកនាំមន្ត្រីរាជការសាលាស្រុកទាំងអស់ពិសេសលោកអភិបាលស្រុកចាស់ដែលបានខិតខំធ្វើការបំរើប្រជាពលរដ្ឋបានល្អរហូតដល់អាយុត្រូវបានចូលនិវត្តន៍នាពេលនេះផងដែរ។
ឯកឧត្តមបានសុំណូមពរដល់លោកអភិបាលស្រុកឡើងថ្មីក៏ដូចជាកងកម្លាំងទាំងបីប្រភេទរួមសហការគ្នាទប់ស្កាត់ គ្រឿងញៀន និងល្បែងស៊ីសងផ្សេងៗ ។ ឯកឧត្តម ក៏បានលើកឡើងបន្ថែម ផ្តោតទៅ លើការប្រើប្រាស់ទឹកស្អាត និងរណ្ដៅសំរាមជៀសវាងមានផលប៉ះពាល់ដល់សុខភាពបងប្អូនប្រជាពលរដ្ឋ ឯកឧត្តម សុំអោយមានប្រពន្ធ័ទឹកស្អាត និងរណ្ដៅដាក់សំរាម អោយបានត្រឹមត្រូវងាយស្រួល ដល់ការប្រើប្រាស់របស់បងប្អូនប្រជាបលរដ្ឋផងដែរ ៕
